Morgunn - 01.12.1979, Blaðsíða 15
UM DAUÐANN
93
menn metnir eftir hæfileikum sínum til þess að safna fé og
græða það fyrst og fremst. Áhrifamesti guð Vesturlanda er
Mammon, þótt þess sé gætt að viðurkenna slíkt aldrei opin-
berlega.
Hér þarf að hefjast endurmat slíkra skoðana, og er það
raunar þegar hafið meðal fjölda ungs fólks víða um heim. Það
hefur séð á lifi foreldra sinna að gæfan er ekki föl fyrir fé eða
frama.
Meðal annars af þessum ástæðum hljótum við að fagna
nýjum rannsóknum vísindanna, sem færa enn nýjar stoðir
skynseminnar undir þá skoðun, að látinn lifir.
Þær rannsóknir nútímans, sem best hafa stutt þetta, eru
einkum þrenns konar. 1) Rannsóknir á endurholdgunarkenn-
ingunni, 2) rannsóknjr á sýnum manna við banabeð, sem ég
hef lítillega minnst á í þessu erindi, og 3) rannsóknir á reynslu
fólks, sem læknar hafa lýst yfir að sé látið, en snýr engu að
síður aftur til jarðlíkamans og heldur áfram að lifa i honum
um lengri eða skemmri tíma.
II.
Höfum við Iifað áður?
Fyrir nokkrum árum kynntist ég hér í Reykjavík bandarisk-
um vísindamanni, sem er mér minnisstæður. Hann heitir Ian
Stevenson. Hann var yfirmaður þeirrar deildar læknaháskól-
ans í Virginíu i Bandaríkjunum, sem fæst við tauga- og geð-
lækningar. Dr. Ian Stevenson er fyrir löngu orðinn kunnur
meðal vísindamanna heimsins fyrir frábærar vísindalegar rann-
sóknir á tilfellum þar sem talið hefur verið að um endur-
holdgun hafi verið að ræða. Hann hefur sjálfur persónulega
kannað hundruð slíkra tilfella frá upphafi. Árið 1966 kom út
fyrsta bók hans um þessar rannsóknir og hlaut mikið lof. Hann
var svo elskulegur að gefa mér eitt eintak af þessari merku bók
sinni, en hún heitir TWENTY CASES SUGGESTIVE OF
REINCARNATION (eða Tuttugu tilfelli sem benda til endur-