Morgunn - 01.12.1979, Blaðsíða 51

SKÝRSLA FORSETA S.R.F.Í.
129
Yfirleitt má segja að hagur félagsins hafi blómgast á síðast-
liðnu ári og reyndar í nokkur ár. Enda hefur mörgu verið
kippt í lag sem aflaga fór, en stendur nú allt til bóta. Við höfum
einnig reynt að fara inn á nýjar leiðir og vísindalegri en áður
hafa þekkst. 1 þvi sambandi vil ég sérstaklega nefna merki-
legar tillögur og framkvæmdir í þvi sambandi félaga okkar í
stjórninni, Geirs Tómassonar. En hann hefur þegar hafið að
gera vísindalegar skýrslur í samhandi við lækningar þær, sem
félagið stendur fyrir og gerðar eru á vegum þess. Hefur Geir
ásamt Erni Guðmundssyni safnað saman miklum gögnum í
sambandi við lækningar, sem gerðar hafa verið á vegum fé-
lagsins og þá ekki síst þeim sem huglæknar frá öðrum löndum
hafa reynt hér á okkar vegum. Hafa þeir Geir og örn þegar
liafið samvinnu við dr. Erlend Haraldsson urn gerð slíkra
skýrslna og hefur hann heitið okkur liðsinni sínu. Hérna er
um svo viðamikið mál að ræða á vegum félagsins og merki-
legt, að það er fyllilega efni sérstaks fundar, enda mun ég
boða til hans þegar þeir Geir telja sig reiðubúna til þess að
setja okkur inn í þau flóknu mál. Þá vil ég einnig við þetta
tækifæri láta í ljós gleði mína yfir því, að fyrrverandi forseti
félagsins, Guðmundur Einarsson, skuli áfram starfa með okk-
ur i stjórninni, þótt hann reyndar liafi smeygt forsetakápunni
á herðar mér í bili. Hefur samstarfið við hann verið með
ágætum, enda býr hann yfir mikilli reynslu og er ákaflega
fróður maður um sálræn efni. Guðmundur er eins og allir
vita gífurlega duglegur maður og hefur jafnan mörg járn í
eldinum. Hann þarf oft að fara til annarra landa vegna við-
skipta sinna, en lætur sér aldrei tækifæri úr hendi sleppa til
þess að kynna sér það nýjasta sem er að gerast erlendis í sál-
rænum efnum. Og það er mikið. Hann kemur þvi jafnan heim
með nýjar liugmyndir, ábendingar um merkilegar bækur og
fleira gagnlegt. Vona ég að við fáum að hafa hann sem allra
lengst i stjórninni með okkur. Þá höfum við reyndar eignast
annan slíkan sendiherra þar sem er Þorgrímur Þorgrímsson,
sem hefur fylgst ágætlega með ýmsu merkilegu sem er að ger-
ast erlendis. Hefur hann jafnvel lofað mér einhverju um það
9