Morgunn - 01.12.1979, Blaðsíða 81
BÆKUK
159
skipstjóra segja með eigin orðum frá atvikum og nær með
því persónulegri blæ á alla frásögnina. Bókin er fallega út
gefin eins og vænta mátti frá Bókaútgáfunni Þjóðsögu.
Árni Óla:
EKKI EINLEIKIÐ.
CTtg. Setberg 1978.
Það munu ekki vera mjög margir, sem skrifa góðar bækur
um nírætt, en Árni Óla lætur sig ekki muna um það. Þetta
mun vera þritugasta og fjórða bólc hans. Bókin skiptist í þrjá
kafla, sem heita: Furður æskunnar, Hugheimur og líf og
Utan þrívíddar.
Það er sameiginlegt Árna Óla og ýmsum öðrum höfund-
um íslenskum, að með aldrinum færist hugur hans æ meira
inn á svið hins andlega, ósýnilega. Ekki tel ég það þó til elli-
marka, heldur þvert á móti tákn sifelll vaxandi þroska. Það
er einmitt hið ósýnilega, sem mestu máli skiptir fyrir mann-
inn, þegar til lengdar lætur. Hinn andlegi hluti hans. Og
það má glögglega sjá á hinum mörgu bókum Árna Óla,
hvernig þessi hlið hans heillar hann i æ vaxandi mæli.
Hann hefur náð háum aldri án þess að glata andlegri reisn
sinni og sér nú betur en nokkru sinni, hvað horft hefur til
heilla og hvers vegna, og svo hið gagnstæða. Hann verður
vitrari með ellinni. En það er vafalaust ósk okkar allra um
okkur sjálf.
Ritstill Árna er hreinn og beinn. Með fyrrnefnda orðinu
á ég við, að málfar hans er hrein og fögur íslenska og með
því síðara, að hann kemst jafnan beint að efninu útúrdúra-
laust. Hann er gagnorður og þarf ekki langt mál til að koma
fyrir miklu efni.
Þessi síðasta bók Árna er mjög frábrugðin fyrri bókum
hans að því leyti, að hér fáum við að kynnast þessum dula