Morgunn - 01.12.1979, Page 62

EFASEMDAMAÐUR Á ALVÖRU-ANDAFUNDI:
„HALDIÐ ÞIÐ AÐ FRAMLIÐNIR HLÆI
EKKI OG SKEMMTI SÉR?“
(Þetta er grein efasemdarmannsins Atla Rúnars Halldórssonar
í DAGBiLAÐINU eftir að hann fékk tækifæri til þess að verða
áhorfandi að ummyndunar-fyrirbærum breska miðilsins Queenie
Nixon í Félagsheimilinu á Seltjamarnesi).
— Kjarval mætti en Maó ekki
„Slappið bara af, komið ykkur vel fyrir í stólunum og
leggið jarðarfararsvipinn til hliðar. Þetta er ánægjustund bæði
fyrir ykkur og hina framliðnu. Þið getið hjálpað verunum
að komast í samband við ykkur þegar þær berja að dyrum.“
Ævar R. Kvaran röltir um sviðið i félagsheimilinu á Sel-
Ijarnamesi, manna afslappaðastur. Hann talar um nærveru
dauðra í salnum eins og ekkert sé sjálfsagðara. Efasemdar-
maðurinn ég er mættur á alvöru andafund í Sálarrannsókna-
félaginu. Salurinn er þéttsetinn. Það leynir sér ekki að margir
bíða spenntir eftir því sem verða vill.
Hér á að ná þráðlausu sambandi við heim hinna fram-
liðnu, gera horfið fólk sýnilegt viðstöddum! Breskur miðill,
frú Queenie Nixon, er gestur Sálarrannsóknafélagsins um
þessar mundir. Hún er sögð búa yfir þeim makalausu hæfi-
leikum að framliðnir reyna að mynda svip sinn á andliti
hennar.
„Við vorum með fund hérna á sunnudagskvöldið,“ segir
Ævar á senubrúninni. „Thor Jensen kom fram á andlit mið-
ilsins og dótturdóttir hans, sem í salnum var, þekkti hann
strax.“