Morgunn


Morgunn - 01.06.1989, Page 37

Morgunn - 01.06.1989, Page 37
MORGUNN FYRSTI MIÐILL RAYMONDS rúmið. Hún gat athugað það vandlega, hvernig líkaminn lá í rúminu. Næst varð hún þess vör, að andlegi líkaminn var að færast fjær jarðneska líkamanum, og henni virtist hann svífa yfir rúmstokknum fáeinar sekúndur. t*á fór henni að verða eins og ofurlítið órótt, og henni kom til hugar, hvort henni mundi ekki verða örðugt að komast inn aftur. Þessi aðkenning af ótta kipti henni aftur um svo sem eitt fet í áttina til jarðneska líkamans. En forvitnin vann sigur á óttanum, og hún hugsaði með sér, að hvað sem fyrir kæmi, skyldi hún ekki gefast upp. Á sama augnabliki sem hún afréð þetta, varð hún þess vör, að maðurinn hennar lauk upp forstofuhurðinni að loftinu sem þau áttu heima á, og fór að tala við einhvern, sem var utan við dyrnar. Hann talaði lágt, til þess að trufla ekki konuna sína. Henni kom til hugar, að það væri gaman að fara og sjá, við hvern hann væri að tala, og hún vissi ekki, hvernig það gerðist, en á sama augnabliki fann hún, að hún stóð við olnbogann á manni sínum í dyrunum. Hún varð þess ekki vör, að hún færi út um svefnherbergisdyrnar, sem voru lokaðar, en út fyrir þær var hún komin. Hún sá, að aðkomu- maðurinn var frá gasstöðinni, en hún tók eftir því, sem þeir voru að tala um, því að rétt í sama bili fór fram hjá þeim vinnukona af hærra lofti í húsinu, og hún sá manninn sinn taka pening upp úr vasa sínum og rétta vinnukonunni hann, án þess að segja nokkuð við hana. Frúin sagði við sjálfa sig: „Þetta er skrítið. Hvernig stendur á því að hann fékk stúlk- unni þennan pening?“ Hún ásetti sér að muna þetta og tala um það við manninn sinn, og sagði við sjáífa sig, að tvennt væri að muna: 1) gasmanninn, 2) stúlkuna ofan af loftinu. Þá fann hún, að hún var aftur komin inn í svefnherbergið, og vissi ekki, hvernig það hafði atvikast. Hún fann, að með- vitundin og hugsunarmátturinn var að réna, og hélt, að það gæti stafað af því, að hún væri að hverfa aftur í jarðneska líkamann. Svo að hún hætti að hugsa, til þess að sér yrði það auðveldara. En eftir eitt eða tvö augnablik furðaði hún sig á því, að hugurinn var aftur tekinn að starfa. Hún leit kringum 35

x

Morgunn

Direct Links

If you want to link to this newspaper/magazine, please use these links:

Link to this newspaper/magazine: Morgunn
https://timarit.is/publication/668

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.