Saga - 1990, Qupperneq 110

108
HAUKUR SIGURÐSSON
Isak segir í grein sinni í Stefni, sem áður hefur verið vitnað til, að
Jón Jónsson, alþingismaður á Sleðbrjót, hafi sagt á alþingi þegar rætt
var um styrk til ísaks að hann hefði komið hingað að eigin hvötum og
segðist þora að fullyrða að þær upplýsingar væru komnar frá Tryggva
Gunnarssyni, en þessi vitneskja varð til þess að ísak fékk ekki
styrkinn. ísak taldi að Tryggvi hefði þannig unnið gegn íshúsmálinu
með röngum upplýsingum. ísak sagði að lýsing sín í Stefni á sam-
skiptum við Tryggva í þessu máli væri sannleikanum samkvæm og
því væri ekki hægt að mótmæla. Þessum skrifum Isaks mótmælti
Tryggvi ekki.
En getur verið að Tryggvi hafi hvorugan viljað? ísak segir að þegar
þeir Jóhannes hafi gengið á fund Tryggva, hafi hann sagt að hann
hefði ekki búist við að þeir kæmu nokkurn tíma „og kvaðst þá helzt
ekkert hafa með okkur að gjöra, en.úr því við værum komnir, ætlaði
hann þó að taka annan, sem hann sagði að yrði að vera jeg, af því jeg
hefði fyrst vakið máls á þessu fyrirtæki við sig."40
Tildrög þess að þeir Jóhannes og Isak komu til landsins hafa hér
verið rakin í alllöngu máli til að leiða hið sanna í ljós. ísak skrifaði
Stefnisgrein sína skömmu eftir að alþingi hafði hafnað beiðni hans
um styrk og kynni því að frægja hlut sinn eitthvað. En sé frásögn
hans borin saman við bréfin sem vitnað hefur verið til, stenst hún í
meginatriðum. Jóhannes rifjaði aðeins upp ástæður þess að hann
kom til landsins í viðtali þar sem rætt var um ævi hans, og frásögn
Tryggva af íshúsinu var fyrirlestur sem hann hélt í Framfarafélaginu41
og hefur treyst því að fundarmenn þekktu ekki þessi tildrög nákvæm-
lega og hefur þar umskipti á sannleikanum sér í hag. Pá frásögn hefur
Tryggvi skrifað um 20 árum eftir að þessi samskipti fóru fram. Þarna
hefur hver hagað frásögn sinni eftir því hvenær hann talaði og til
hverra.
4. Tryggvi Gunnarsson reynir að geynw beitu
„Hæ! hó!", sagði Tryggvi og taldi að þá hefði hann aðferðina til að
geyma beitusíld þegar ísak skýrði honum frá íshúsum vestra. Tryggvi
hefur áreiðanlega orðið glaður því að hann var búinn að reyna tals-
vert að geyma beitu og er þess virði að vekja athygli á því hér.
40 Stefnir 15. september 1900.
41 Upplýsingar frá Bergsteini Jónssyni 29/7 1988.