Saga - 1990, Qupperneq 216

214
RITFREGNIR
arahandbók sem Gunnar Karlsson hefur einn tekið saman. Bókin er þannig
sett saman að þar er rætt um úrlausn allra verkefna kennslubókar, tilgang
þeirra og markmið. Þar eru einnig nefndar heimildir allra tilvitnana í
kennslubókinni og bent á lesefni sem gagnlegt getur verið kennurum. Þar
eru líka önnur viðfangsefni, ef kennarar vilja láta nemendur sína fást við
fleira en kennslubókin býður upp á. Þetta efni er mjög ítarlegt og unnið af
stakri nákvæmni eftir því sem best verður séð. Þó verður að nefna verkefni
2.1-2, bls. 20, þar sem nemendur hafa orð Landnátnu fyrir því að Ingólfur
Arnarson hafi komið hingað í seinni ferðinni árið 874. Nemendur eiga síðan
að finna hvaða ár hann hafi verið kominn til Reykjavíkur. Samkvæmt þessu
kom Ingólfur að Ingólfshöfða 874 og var þar veturinn 874-5 og Hjörleifur
sama vetur á Hjörleifshöfða. Veturinn 875-6 var Ingólfur á Hjörleifshöfða og
veturinn 876-7 undir Ingólfsfelli og kom því til Reykjavíkur 877. í Kennara-
handbókinni er hann látinn koma ári fyrr til Reykjavíkur.
Ekki hef ég grandskoðað allar tilvitnanir né heimildir sem vísað er til í
Kennarahandbók. Pennaglöp eru eflaust á bls. 117 þar sem sagt er að í
Þykkvabæjarklaustri hafi verið 12 lærðir og leikir fyrir Pláguna miklu sam-
kvæmt Nýja annál en á að vera 13.
Kennarahandbók fylgir ritgerðalisti og bráðabirgðaefni um íslandssögu
1550-1830 sem nefnt er Eyðufylling. í ritgerðalista eru 30 ritgerðaefni og bent
á nokkrar heimildir með hverju efni. Ef kennarar hafa ekki slíkt í fórum
sínum, getur vissulega verið gagn að þessu. Eyðufylling hefur að geyma 13
greinar á 37 bls. með meginefnum þessa tímabils.
Öll er Kennarahandbókin mikið eljuverk og vandað, hátt í 200 bls.
Þó að hér hafi verið reynt að benda á nokkrar misfellur á þessari kennslu-
bók, verður niðurstaðan að Samband við miðaldir sé tímamótaverk í gerð
kennsluefnis í íslandssögu handa framhaldsskólum. Hún er merkilegt fram-
lag til nýrri og betri kennsluhátta í greininni. Hún bætir úr brýnni þörf og er
höfundum og útgefanda til mikils sóma.
Haukur Sigurðsson
Gísli Ágúst Gunnlaugsson: FAMILY AND HOUSEHOLD
IN ICELAND 1801-1930. STUDIES IN THE RELATION-
SHIP BETWEEN DEMOGRAPHIC AND SOCIO-ECO-
NOMIC DEVELOPMENT, SOCIAL LEGISLATION AND
FAMILY AND HOUSEHOLD STRUCTURES (Acta Uni-
versitatis Upsaliensis: Studia Historica Upsaliensia 154).
Almqvist & Wiksell Intemational. Uppsölum 1988. 189 bls.
Fjölskyldu- og heimilishagir á upplausnarskeiði bændaþjóðfélagsins er aðal-
viðfangsefni þessarar vönduðu doktorsritgerðar frá háskólanum í Uppsölum
í Svíþjóð. Hún er ávöxtur margra ára athugunar Gísla Ágústs Gunnlaugs-
sonar á íslenskri fjölskyldusögu 19. og 20. aldar og gefur hún jafnframt