SunnudagsMogginn - 10.01.2010, Qupperneq 6

6 10. janúar 2010
Leikmenn Leeds United gáfu sig alla í leikinn á Old Traf-
ford. Voru eins og útspýtt hundsskinn frá upphafi til enda.
Á engan er hallað þótt fullyrt sé að ástralski landsliðsmað-
urinn Patrick Kisnorbo hafi dregið vagninn. Hann barðist til
síðasta blóðdropa – svo sem myndin hér til hliðar gefur af-
dráttarlaust til kynna. Kisnorbo og Richard Naylor, félagi
hans í miðri vörninni, skelltu hurðinni á nefbroddinn á
Wayne Rooney og Dimitar Berbatov.
Þetta er ekki í fyrsta skipti sem Kisnorbo, sem er 28 ára
gamall Ástrali af márítísku og ítölsku bergi brotinn, blóðg-
ast á leiktíðinni, sem er hans fyrsta hjá Leeds eftir komuna
frá Leicester. Sauma þurfti tólf spor í ennið á honum eftir
fyrsta leikinn í haust og upp frá því hefur hann skartað for-
láta ennisbandi í anda Steves gamla Fosters. Kisnorbo var
ráðlagt að leita til lýtalæknis en kappinn vildi ekki heyra á
það minnst. „Ég hef engan tíma til þess, ég gæti misst
sæti mitt í liðinu.“ Hann er nú í dýrlingatölu í Leeds.
Kisnorbo hefur leikið 18 landsleiki fyrir Ástralíu og von-
ast til að verja heiður þjóðar sinnar á HM í sumar.
Varist og barist til
síðasta blóðdropa
Patrick Kisnorbo
var að vonum
kampakátur
í leikslok á
Old Trafford.
síðasta fyrir Leeds United en nú liggur
fyrir að Beckford fór skriflega fram á sölu
frá félaginu 30. desember síðastliðinn,
fjórum dögum fyrir bikarleikinn. Félög í
ensku B-deildinni, með Newcastle United
í broddi fylkingar, hafa gert hosur sínar
grænar fyrir honum um skeið en eftir að
hann sýndi hvernig hann getur leikið eina
af bestu vörnum landsins er spurning
hvort einhver úrvalsdeildarfélög bætast
ekki í hópinn. Hver vill ekki mann sem
hefur höfuðleður Sir Alex Fergusons í
beltinu?
Jermaine Beckford fæddist í Lundúnum
9. desember 1983 og lagði stund á fót-
menntir í akademíu Chelsea. Honum
tókst ekki að festa sig í sessi á Brúnni og
var leystur undan samningi árið 2003. Þá
gekk hann í raðir utandeildarliðsins
Wealdstone. Þar fann Beckford fljótt fjöl-
ina sína og gerði 54 mörk í 82 leikjum til
ársins 2006. Þá var mönnum ljóst að hann
átti brýnt erindi í deildakeppnina og
Leeds festi kaup á honum í mars það ár
fyrir framan nefið á B-deildarliði Crystal
Palace. Þurftu þeir hvítklæddu að punga
út heilum 70.000 pundum. Wayne Roo-
ney er ekki marga daga að vinna sér inn
þá upphæð.
Gerði 34 mörk á síðustu leiktíð
Beckford fékk fá tækifæri til að byrja með
hjá Leeds og veturinn eftir komuna var
hann lánaður til Carlisle United og Scun-
thorpe United. Leiktíðina 2007-08 sneri
hann hins vegar aftur á Elland Road og
sprakk út, gerði 20 mörk í 45 leikjum
þegar Leeds rétt missti af sæti í B-
deildinni. Beckford lét síðan kné fylgja
kviði í fyrra, skoraði 34 mörk í einungis
42 leikjum.
Aftur skriplaði Leeds á skötu í umspili
um sæti í B-deildinni og nú töldu spark-
fræðingar víst að Beckford myndi yfirgefa
félagið. Eftir japl, jaml og fuður varð hann
hins vegar um kyrrt. En nú hefur hann
tekið af skarið – vill spreyta sig í efri
deildum. Lái honum hver sem vill. Simon
Grayson, knattspyrnustjóri Leeds, sýnir
málinu líka ákveðinn skilning í samtali
við heimasíðu félagsins fyrir helgi enda
þótt hann sé hundfúll yfir því að tíðindin
skyldu leka út. Sölubeiðni Beckfords
kemur á vondum tíma fyrir Leeds, liðið
hefur leikið við hvurn sinn fingur í vetur
og hefur átta stiga forskot á Norwich City
og Charlton Athletic á toppi deildarinnar.
Það yrði blóðtaka fyrir Leeds að sjá á
bak Beckford en markið á Old Trafford
var hans tuttugasta á leiktíðinni. Grayson
viðurkennir það fyrstur manna en áréttar
að hann verði ekki seldur nema tilboðið
sé viðunandi. „Hann er góður leikmaður
en hefur sitt verð eins og aðrir.“
Það er líklega eitthvað hærra en 70.000
pund!
Jermaine Beckford fagnar sigurmarki sínu fyrir Leeds United gegn Manchester United á Old Trafford um liðna helgi. Hvert heldur hann nú?
Reuters
Nú
Leedst
mér á!
Er stórveldið
að rísa úr
öskustónni?
Vikuspegill
Orri Páll Ormarsson orri@mbl.is
Þ
eir eru ekki margir gestirnir
sem stolið hafa senunni í Leik-
húsi draumanna með sama
hætti og Jermaine Beckford,
miðherji C-deildarliðs Leeds United,
gerði um síðustu helgi. Alltént ekki í
seinni tíð. Hann fékk langa sendingu frá
Jonny Howson, móttakan var heldur
hörð en Beckford bætti það upp með
snyrtilegri afgreiðslunni. Skyldi Wes
Brown og Tomasz Kuszczak eftir í einsk-
ismannslandi. Markið dugði aðkomulið-
inu til sigurs og minnstu munaði að Beck-
ford gerði annað í seinni hálfleik, skot
hans smaug þá hárfínt framhjá stönginni.
Svo allt talið um Jermaine Beckford er
ekki bara tal. Hann hefur verið einn um-
talaðasti leikmaður neðri deildanna í
Englandi undanfarin misseri og eftir
hetjudáðina um liðna helgi er hann
örugglega orðinn sá eftirsóttasti. Markið á
Old Trafford gæti raunar hafa verið hans
Leeds United á glæsilega sögu í
ensku knattspyrnunni. Gullöld fé-
lagsins var á ofanverðum sjöunda
áratugnum og í upphafi þess átt-
unda. Félagið varð Englandsmeistari
undir stjórn Dons Revies 1968-69
og aftur 1973-74, bikarmeistari
1972, deildabikarmeistari 1968 og
borgarmeistari Evrópu (seinna UEFA-
keppnin) 1968 og 1971.
Á þessum árum léku með liðinu leikmenn á borð við
Billy Bremner, Norman Hunter, Johnny Giles, Allan
Clarke, Jack Charlton, Eddie Gray og Peter Lorimer.
Don Revie andaðist árið 1989 aðeins 61 árs að
aldri.
Eftir mögur ár á níunda áratugnum náði Leeds Unit-
ed vopnum sínum í upphafi þess tíunda og vann
meistaratitilinn undir stjórn Howards Wilkinsons vor-
ið 1992. Þá voru í liðinu menn eins og Gary McAllis-
ter, Gordon Strachan, Gary Speed og Eric Cantona.
Glæsileg saga
Don Revie