SunnudagsMogginn - 14.03.2010, Side 41

14. mars 2010 41
Fjölbreytt krydd
eru mest ein-
kennandi fyrir
indverskan mat.
Réttirnir verða bragðmeiri ef kryddið er malað jafnóðum en ef notað er tilbúið duft.
Morgunblaðið/Golli
Kjúklingur í tikka masala sósu
500-700 g kjúklingabringur skornar í 2,5
cm bita
2 tsk hvítlauksengifermauk (2,5 cm engifer,
3 hvítlauksrif 1 tsk salt, maukað saman)
1 dós hrein jógúrt
1 msk ferskur kóríander
¼ tsk chiliduft
¼ tsk túrmerik
1 tsk garam masala
Gróft salt
Blandið öllu saman sem á að fara í maríner-
inguna og setjið kjúklinginn saman við. Mar-
ínerið yfir nótt í ísskáp.
Tikka masala sósa:
4 msk olía
1 stór laukur skorinn mjög smátt
2 tsk hvítlauksengifermauk
½ tsk túrmerik
¼ tsk chilli duft
1 tsk kóríanderduft (eða möluð kórían-
derfræ)
1 tsk cuminduft (eða malað cumin)
2 dl tómatpassata (eða 1 tsk tómatpurre og
200 g tómatar)
2 dl vatn
Gróft salt og svartur pipar
½ dós kókosmjólk (eða 1 dl rjómi)
Svissið laukinn í olíunni við lágan hita í um 5
mín. Bætið hvítlauksengifermaukinu saman
við og því næst kryddum. Bætið tóm-
atpassata og vatni saman við og látið sjóða í
15-20 mín. Bætið kókosmjólk (rjóma) saman
við og saltið að smekk. Grillið eða bakið kjúk-
linginn þar til hann er tilbúinn. Hellið heitri
sósunni yfir og skreytið með garam masala
og ferskum kóríander.
Gulrótarpilaff
2 msk olía
1 laukur, smátt skorinn
1 kanilstöng
4 kardimommur
1 lárviðarlauf
1 tsk möluð cuminfræ
2 gulrætur, gróft rifnar
Salt
200 g basmati grjón sem hafa verið látin
liggja í bleyti í 30 mín
2 dl heitt vatn
1 msk sítrónusafi
Hitið olíuna á pönnu og látið laukinn malla við
lágan hita í um 10 mín. Bætið þá kryddunum
saman við og látið malla áfram í um ½ mín-
útu. Bætið því næst gulrótunum og salti sam-
an við og látið malla í um 1 mínútu. Þá fara
grjónin og vatnið saman við og smakkið svo
vatnið til að athuga með saltstyrkinn. Látið
þetta malla við lágan hita í um 10-12 mín-
útur. Athugið þá hvort grjónin eru ekki allt að
því soðin. Takið pottinn af hitanum og látið
standa í um 10 mín með loki. Hrærið þá í
grjónunum með gaffli. Setjið í skál og stráið
ferskum kóríander yfir.
Naan brauð
200 ml mjólk
2 msk. sykur
1 pk þurrger
550 g hveiti
1 dl hörfræ
1 tsk salt
2 tsk lyftiduft
4 msk ólífuolía
1 dós hreint jógúrt
Gharam masala krydd
Maldon salt, fínt mulið
Til penslunar:
Ólífuolía
Fínt saxaður hvítlaukur
Ferskt kóriander
Velgið mjólkina og leysið gerið upp í henni.
Blandið hráefnunum öllum vel saman. Geym-
ið samt hluta af hveitinu. Hnoðið deigið,
skiptið því í litlar kúlur og fletjið út í þunnar
kökur. Látið hefast undir stykki í 10 mínútur.
Veltið hverri köku upp úr gharam masala
kryddi. Bakið á útigrilli, pönnu eða í ofni undir
glóandi grilli þar til brauðið er vel brúnt. Snúið
kökunum og bakið eins á hinni hliðinni.
Penslið með olíublöndunni meðan brauðið er
heitt og stráið maldon salti yfir.
Hvað er vorlegra en glas af frískandi og bragðmiklum trönu-
berjasafa? Hægt er að fá slíkar veigar keyptar úti í búð bæði
sem hreinan safa eða þykkni til að blanda en gott er að hafa í
huga að nokkur gæðamunur er á þessum útgáfum, eftir því
hvort búið er að blanda þær með sykri og öðrum aukaefnum
eða ekki.
Margir vilja meina að trönuberjasafinn sé allra meina bót
enda eru trönuberin stútfull af næringarefnum og eru t.d.
mjög C-vítamínrík. Talið er að safinn virki vel gegn þvagfæra-
sýkingum og er hann af þessum sökum talinn eitt helsta nátt-
úrulækningameðal gegn blöðrubólgu, þótt vísindalegar sönnur
fyrir þeirri virkni hans séu enn sem komið er takmarkaðar.
Aðrir telja safann hafa slakandi áhrif og að hann dragi
þannig úr streitu hjá álagshrjáðu nútímafólki.
Trönuberjasafi er vinsælt efni í ýmiskonar
áfenga kokteila. Hann er til dæmis
ómissandi í Cosmopolitan-kokteilinn fræga sem Carry Brads-
haw og vinkonur hennar úr sjónvarpsþáttunum Beðmál í
borginni höfðu mikla ást á og þömbuðu í tíma og ótíma. Enda
þykir mörgum trönuberjasafi hafa á sér kvenlegan blæ og
verða sérlega skvísulega bleikur í bland við aðra tærari vökva.
Trönuberjasafi er einnig notaður í kokteilum á borð við Sex
on the beach og Sea Breeze fyrir utan fjöldann allan af óáfeng-
um drykkjarblöndum. Þá ku hann vera upplagður sem óáfengt
skot í staupi, t.a.m. fyrir þá sem vilja sneiða hjá áfengi en taka
þátt í gleði og glaumi þar sem títt er skálað.
Einn og sér er trönuberjasafi þó meinhollt sælgæti til að
drekka með morgunmat eða hvenær sem er sólarhrings. Með
klaka í glasi er hann svalandi sumardrykkur og hver veit nema
hann færi þeim sem hans neyta einmitt sól og sumaryl í hjarta
til að hita upp fyrir komandi tíð.
ben@mbl.is
Drykkur vikunnar
Skvísulegur trönuberjasafi til að fagna vori