SunnudagsMogginn - 25.04.2010, Blaðsíða 10

10 25. apríl 2010
E
nn og aftur óttast ég að Ólafi Ragnari Grímssyni,
með óendanlegri athyglissýki sinni og þeirri hégóm-
legu áráttu, að sækja stöðugt í sviðsljós fjölmiðla,
hafi tekist að stórskaða hagsmuni okkar Íslendinga.
Sl. mánudagskvöld, nákvæmlega viku eftir að skýrsla rann-
sóknarnefndar Alþingis var gerð opinber, þar sem hann fékk
mjög harðan áfellisdóm á níu síðum, kom forsetinn fram í
þættinum Newsnight á BBC og sagði að eldgosið í Eyja-
fjallajökli væri lítið annað en æfing. Sagan sýndi að vel mætti
búast við fleiri eldgosum í kjölfarið.
Kötlugoss hafi t.a.m. verið beðið á Íslandi undanfarin ár og
yfirvöld hér á landi hafi unnið að undirbúningi vegna þess.
Full ástæða sé fyrir yfirvöld
Evrópuríkja og flugmála-
yfirvöld að gera hið sama.
Forsetinn gerði sér lítið
fyrir og reyndi að magna
upp hræðslu meðal millj-
óna og vekja athygli á því
hversu stórhættulegt það
gæti nú verið að sækja Ís-
land heim. Hvenær skyldi
forsetinn svo aflýsa hættu-
ástandi? Síðdegis á þriðju-
dag mátti svo lesa frétt á
mbl.is þar sem m.a. sagði:
„Gríðarleg viðbrögð hafa
verið við ummælum forseta
Íslands á BBC í gærkvöldi um hugsanlegt Kötlugos og leggja
nú yfirvöld og ferðaþjónustan allt kapp á að koma þeim upp-
lýsingum skýrt á framfæri að slík hætta sé ekki yfirvofandi.
Mikið álag hefur verið á samhæfingarmiðstöð Almanna-
varna … Frá samhæfingarmiðstöðinni fengust þær upplýsingar
að mikil áhersla hefði í dag verið lögð á að leiðrétta misskiln-
ing, en ótti við frekari hamfarir virðist hafa skotið föstum rót-
um vegna ummæla forsetans. Almannavarnir hafa unnið að
því í samvinnu við utanríkisráðuneytið, Ferðamálastofu og
Útflutningsráð að veita réttar upplýsingar um gosið og áhrif
þess.
Frá ferðaþjónustunni berast þær fregnir að afbókunum hafi
hreinlega rignt inn í dag eftir að frétt BBC spurðist út. Símtöl
til flugfélaganna hafa margfaldast og stöðvun orðið á sölu
ferða fyrir sumarið.“
Ólaf Ragnar munar nú lítið um það að bregða sér í gervi
eldfjalla- og jarðfræðinga. Að eigin mati kann hann allt best,
skilur allt best og veit allt betur en nokkur annar.
Hann var til dæmis ekki seinn á sér að froðufella í fjöl-
miðlum og fordæma vinnubrögð þeirra Vilhjálms Árnasonar,
Salvarar Nordal og Kristínar Ástgeirsdóttur, sem unnu bindi
8, viðauka I, við skýrslu rannsóknarnefndar Alþingis, sem
fjallar um Siðferði og starfshætti í tengslum við fall bank-
anna 2008. Kaflinn um Hlut forseta Íslands er á bls. 170-179
og er afar fróðleg lesning.
Sennilega hefur forsetann langað meira til þess að nota önn-
ur orð en „æfing“ um gosið í Eyjafjallajökli. Ég held að honum
hljóti að hafa dottið í hug setningin „You Ain’t Seen Nothing
Yet“ sem er reyndar setning sem hefur fylgt honum í klapp-
stýruhlutverki útrásarvíkinga, allar götur frá því í maí 2005
þegar hann lét þau orð falla um ofurhæfni íslensku útrás-
arvíkinganna í ræðu á Bretlandi.
Vissulega tókst forsetanum örlítið að hysja upp um sig vin-
sældabrækurnar þegar hann synjaði lögunum um Icesave
staðfestingar í ársbyrjun, en eins og alþjóð veit, þá átti forset-
inn engra kosta völ í þeim efnum. Hann hafði fengið áskoranir
frá mörgum tugum þúsunda Íslendinga um að synja. Hann
hafði fengið slíka útreið í áramótaskaupinu, sem klappstýra
útrásarinnar, að annað eins hefur aldrei sést í gjörvallri sögu
Sjónvarpsins. Hann átti bara þann kost að synja og því gerði
hann það, vitanlega með eigin hagsmuni að leiðarljósi, eins og
alltaf, ekki þjóðarinnar. Vitanlega var synjunin í þágu vin-
sældakúrfu hans, sem reis bara nokkuð hraustlega, eftir að
hafa verið í mikilli lægð um langa hríð. Hann sýndi líka vott af
iðrun í nýársávarpi sínu, en hún var greinilega fljót að rjátlast
af honum, því hann hafði bókstaflega ekkert gert rangt, þegar
kom að því að svara fyrir þá hörðu gagnrýni sem hann fær í
skýrslu rannsóknarnefndar Alþingis.
Vinsældir
forseta dala
Agnes segir
Agnes Bragadóttir
agnes@mbl.is
’
Að eigin mati
kann hann allt
best, skilur allt
best og veit allt betur
en nokkur annar.
Þegar hringt er í síma 863-8557
svarar Páll nokkur Hreinsson.
Hann hefur undanfarna mánuði
mikið verið spurður um skýrslu
rannsóknarnefndar Alþingis en
fátt orðið um svör. Páll þessi er
nefnilega ekki formaður rann-
sóknarnefndarinnar heldur al-
nafni þess ágæta manns. Hinn
síðarnefndi er ekki skráður í
símaskrána og margir því náð
sambandi við eiganda gisti-
heimilisins Reykjavík Bed &
Breakfast á Grensásveginum
þótt sú hafi ekki verið ætlunin.
Þegar Páll „okkar“ Hreinsson
svarar hringingum í 588-0000
er það vegna gistingar og hann
hefur oft boðið fjölmiðlamönn-
um herbergi þegar þeir hringja í
farsímann. „Stundum hef ég
bara sagt no comment þegar
spurt er um hvers vegna útgáfa
skýrslunnar frestast eða eitt-
hvað annað varðandi hana. Oft
hef ég boðið gistingu, sem eng-
inn blaðamaður hefur reyndar
þegið ennþá,“ segir Páll, eigandi
gistihússins, við Morgunblaðið.
Dagarnir hjá Páli eru mjög
mismunandi en miðvikudag-
urinn, síðasti vetrardagur, var
eitthvað í þessu veru:
07.00 Vaknað við morg-
unfréttirnar á RÚV. Öðrum fjöl-
skyldumeðlimum gert viðvart
um að það sé kominn dagur.
Sturta. Nesti græjað fyrir þá
yngstu. Blesskossar á börnin.
Konunni ekið til vinnu. Komið
við í bakaríi.
08.00 Kem í Reykjavík Bed
& Breakfast. Morgunverður
græjaður fyrir gesti. Næri líka
sjálfan mig. Farið yfir tölvupóst
sem hefur borist á netfangið
okkar, info@rbb.is, og tekið við
pöntunum um gistingu. Gestir
koma í kaffi.
10.30 Gengið frá eftir morg-
unmat. Meiri skrifstofuvinna;
ég geri mikið af því að tala við
ferðaskrifstofur, maður þarf að
láta vita af sér. Við erum með 30
herbergi og leyfi fyrir 70 gest-
um. Í sumar verður mest um
útlendinga en töluvert hefur
verið um að Íslendingar gisti hjá
okkur í vetur. Tek svo við sím-
tölum í gsm-númerið frá
Morgunblaðinu og 365 vegna
skýrslunnar. Yfirleitt er ég
heiðarlegur þegar ég fæ slíkar
hringingar og segist strax ekki
vera einn höfunda skýrsl-
unnar …
14.00 Sæki eiginkonuna,
Örnu Ingólfsdóttur, í vinnuna.
Farið í Nettó og fyllt í körfu.
Komið heim, hellt upp á kaffi.
Spilað við börnin, ekki á hverj-
um degi sem það er hægt. Þau
eru Guðrún 19 ára, Hreinn 16
ára og Anna 10 ára.
17.00 Fer aftur í vinnuna.
Smápappírsvinna sem þarf að
sinna.
18.00 Mættur á Holtaveg í
hús KFUM og KFUK. Ég er í
stjórn sumarbúðanna í Vatna-
skógi og við þurfum að raða upp
stólum og gera huggulegt fyrir
árlega kaffisölu á sumardaginn
fyrsta. Það er töluvert verk því
þarna er pláss fyrir 300 manns í
einu.
19.07 Kvöldmatur. Öll fjöl-
skyldan samankomin á heim-
ilinu og borðar kjúkling.
19.35 Farið með eldri börnin
á Gauragang í Borgarleikhúsinu.
21.25 Hlé. Ein appelsín
takk.
23.00 Sýningu lokið. Mikil
ánægja. Þetta er skemmtilegt
verk. Við heimsækjum foreldra
mína, Hrein Pálsson og Guð-
rúnu Kristjánsdóttur, á leiðinni
heim. Klukkan er orðin margt
en það er frídagur á morgun svo
það er allt í lagi. Eftir gott spjall
er farið heim. Kem reyndar að-
eins við í vinnunni. Ég rak áður
gistihúsið Akurinn við Brekku-
götu á Akureyri en aðdragand-
inn að því að ég opna hér var
tiltölulega stuttur. Ég var at-
vinnulaus og sá húsnæðið aug-
lýst. Það var ekkert rosalega
auðvelt að opna gistihús í
kreppunni en ég bíð spenntur
eftir sumrinu.
01.00 Lít á Facebook rétt
fyrir svefninn. Er ekki Facebook
málið í dag?
skapti@mbl.is
Dagur í lífi Páls Hreinssonar eiganda Reykjavík Bed and Breakfast
Páll Hreinsson gistihúsaeigandi lítur á Facebook fyrir svefninn. „Er ekki Facebook málið í dag?“
Morgunblaðið/Kristinn
Neitar sí og æ að tjá
sig um skýrsluna …
7. SKREF
GERÐU EITTHVAÐ Í MÁLINU
Leggðu þitt af mörkum með
því að bjóða fram krafta þína
og veita þeim félagasamtök-
um stuðning sem berjast
gegn kynferðislegu ofbeldi
á börnum.
Krefjumst þess að yfirvöld leggi
meiri fjármuni í að verja börn
gegn kynferðislegu ofbeldi.
Rjúfðu þögnina. Ekki þegja ef þú
hefur orðið fyrir kynferðislegu
ofbeldi. Með því að rjúfa þögnina
muntu draga úr sálarangist þinni
og þá fyrst munu sárin byrja að
gróa.
Sjö skref til verndar börnum
á www.blattafram.is