SunnudagsMogginn - 25.04.2010, Blaðsíða 31

25. apríl 2010 31
Og hann bætir því við að Samfylkingin hafi gert
mistök með afstöðu sinni í fjölmiðlamálinu. Frétt
Morgunblaðsins um málið hinn 15. apríl s.l. er
merkileg. Þar segir um það m.a.: „Tilefnið var um-
ræða um aðdraganda hrunsins þar sem Sigmundur
Davíð Gunnlaugsson, formaður Framsókn-
arflokksins, beindi því að Össuri að skoða þyrfti
allt stjórnmálasviðið árin fyrir hrun og vakti í því
sambandi m.a. máls á viðbrögðum Samfylkingar
við fjölmiðlafrumvarpinu á sínum tíma. „Getur
hæstvirtur ráðherra viðurkennt að það hafi verið
stórkostleg mistök hjá Samfylkingu að beita sér af
hörku gegn fjölmiðlafrumvarpinu á sínum tíma og
hvort það kunni að vera vegna þess að sú við-
skiptablokk sem taldi að helst væri að sér vegið
með lögunum tengdist, ekki hæstvirtum ráðherra,
en hugsanlega einhverjum í Samfylkingunni sem
flokki?“ spurði Sigmundur Davíð. Í andsvari sínu
sagðist Össur ekki vilja segja afdráttarlaust já við
fyrri spurningu Sigmundar að það hefðu verið
gríðarleg mistök. „Að því er lýtur að seinni spurn-
ingunni þá segi ég að það sé hugsanlegt,“ sagði
Össur og bætti því við að sér hefði orðið „tíðhugsað
um þetta“. Í rauninni er ekki hægt að ætlast til að
Össur Skarphéðsinsson gangi lengra í játningu
sinni en þetta. Eins er það athyglisvert að hin þarfa
spurning formanns Framsóknarflokksins er ekki
eina tilefni játningarinnar. Málið hefur sótt mjög á
ráðherrann áður en hann fékk spurninguna. Hon-
um hefur orðið „tíðhugsað um þetta“. En með
svari sínu skilur Össur Skarphéðinsson aðra
spurningu eftir hangandi í loftinu. Hvaða „ein-
hver“ var það í Samfylkingunni sem annars vegar
var svo tengdur eða háður Baugi að vilja vinna það
til að ganga þvert á stefnu Samfylkingar í fjöl-
miðlamálum og hins vegar hafði afl og stöðu til að
fá allan flokkinn með sér í þá vegferð? Ekki er víst
að lesendum verði „tíðhugsað“ um þá spurningu.
Liggur svarið ekki í augum uppi?
Bláfjallakvísl,
austan Mýrdals-
jökuls.
Morgunblaðiðið/RAX
F
ornsögur las ég náttúrlega snemma,“ segir Sölvi Sveinsson, skólastjóri Landa-
kotsskóla, í merkilegu viðtali Kolbrúnar Bergþórsdóttur í Sunnudagsmogganum.
Það var svo sem auðvitað að Sölvi hefði lesið fornsögurnar ungur. En spurning
vaknar, hvort ekki sé alveg víst að foreldrar haldi að börnum sínum fornsög-
unum, sem mótað hafa þjóðarkarakter Íslendinga um aldir? Ekki aðeins vegna þess að
kynngi frásagnarinnar meitlar tungumálið sem börn tileinka sér og efniviðurinn dýpkar til-
finninguna fyrir sögu þjóðarinnar, eins og það sé ekki ærin ástæða, heldur eru sögurnar líka
skemmtilegar! Engin ástæða er til að óttast að börnum finnist lesturinn þurr og leiðinlegur.
„Það er ekkert jafn skemmtilegt, og ekkert jafn auðvelt að kenna, og fornsögur,“ segir
Sölvi. „Þær renna ofan í krakkana. Persónurnar eru svo skýrar, þarna eru mikil örlög og
dramatík, setningar eru meitlaðar og það sem stendur á milli línanna og er aldrei sagt vekur
alltaf spennandi vangaveltur. Það er óendanlega gaman að kenna bækur eins og Gísla sögu,
Egils sögu, Njálu, Hrafnkels sögu Freysgoða og Laxdælu.“
Taka má undir áhyggjur Sölva af því, að Íslendingar komi ekki betur út úr alþjóðlegum
könnunum eins og PISA. Ekki síst þegar horft er til þess, að engin Evrópuþjóð ver jafnmiklu
fé til grunnskóla og Íslendingar. Hann vísar í rannsókn á námsleiða, sem leiði í ljós að níu ára
börnum leiðist áberandi mikið í skólanum. Þau hafi þó aðeins verið þrjú til fjögur ár í skóla!
„Ég hef einna mestar áhyggjur af minnkandi læsi, sérstaklega hjá drengjum. Það er eitt-
hvað í skólakerfi okkar sem veldur því að strákar pluma sig ekki nógu vel í skóla. Þeim leið-
ist meira en stelpum og standa sig verr, og höfuðvígi stráka, eins og stærðfræði og tölvu-
fræði, eru fallin. Strákar lesa miklu minna að eigin frumkvæði en stelpur, sem er
áhyggjuefni af því að allur velfarnaður í lífinu byggist á því að maður sé vel læs. Menn þurfa
að vera læsir á tölur og geta lesið leiðbeiningar og svo má ekki gleyma mikilvægi ynd-
islestrar, þess að geta sest niður með bók og notið lestrarins, sem er gríðarlega frjó starfsemi
og mannbætandi á allan hátt. Unglingar kynnast svo mörgu í gegnum bækur og geta í gegn-
um lestur sett alls kyns hluti í samhengi. Þegar ég var á sínum tíma að láta nemendur mína
lesa Sjálfstætt fólk þá fórnuðu mörg stúdentsefnin höndum vegna þess að þau höfðu aldrei
áður lesið svona þykka bók. En þegar nemendur fóru að lesa þá skorti ekki skoðanirnar á
persónunum. Ég held að Bjartur í Sumarhúsum sé ein umdeildasta persóna bókmenntanna
hjá framhaldsskólanemendum.“
Þetta eru orð í tíma töluð hjá Sölva. Og skilgreining hans á góðri menntun hefði betur átt
upp á pallborðið í íslensku þjóðfélagi undanfarinn áratug, en þá glutraðist niður sá lærdóm-
ur kynslóðanna, sem finna má í kvæði eftir Stephan G. Stephansson:
Þitt er menntað afl og önd,
eigirðu fram að bjóða;
hvassan skilning, haga hönd,
hjartað sanna og góða.
„Það er þetta hjartavit, sem ég kalla svo, sem hefur týnst í fargani undanfarinna ára,“
segir Sölvi. „Siðvitið var einhvers staðar ofan í skúffu. Nú þurfum við að endurheimta það.“
Hjartað sanna og góða
„Fólkið má ekki kvíða morgundeg-
inum.“
Ragna Árnadóttir dómsmálaráðherra þegar hún
var á ferð í grennd við gosstöðvarnar í Eyja-
fjallajökli.
„Það er sárt að kveðja varafor-
mannsembættið en ég get ekki horft
fram hjá minni ábyrgð, minni sam-
visku og mínum trúverðugleika.“
Þorgerður Katrín Gunnarsdóttir þegar hún sagði af
sér embætti varaformanns Sjálfstæðisflokksins.
„Þegar ég horfi yfir tímabilið
2001-2009 geri ég það ekki af
neinu stolti.“
Ingibjörg Sólrún Gísladóttir á flokksstjórn-
arfundi Samfylkingarinnar.
„Ljóst virðist að þann tíma
sem skýrslan fjallar um hafi
leikið lausum hala ýmsar
höfuðsyndir mannkyns
um árþúsundir; óhóf,
græðgi, dáðleysi, heift,
öfund og dramb.“
Vilmundur Jósefsson, formaður
Samtaka atvinnulífsins, um
skýrslu rannsóknarnefndar
Alþingis.
„Og það sem við höfum orðið vitni
að er í raun lítil æfing fyrir það sem
mun gerast, ekki ef, heldur þegar,
Katla gýs.“
Ólafur Ragnar Grímsson forseti Íslands
í samtali við BBC.
„Við ætlum að gifta okkur
á hverju ári.“
Nick Cannon eiginmaður söngkonunnar
Mariuh Carey.
„Þá verður líka stríð.“
Guðlaugur Arnarsson, leikmaður hand-
boltaliðs Akureyrar, um undanúrslitaleik-
inn gegn Val nyrðra um helgina.
„Svona getur gerst.“
Pep Guardiola, knattspyrnustjóri
Barcelona, eftir tapið gegn Inter
í Meistaradeildinni.
„Því verður ekki
með orðum lýst,
hvernig mér líður
vegna mistaka
minna og afleiðinga
þeirra.“
Jón Ásgeir Jóhannesson í
grein í Fréttablaðinu.
Ummæli vikunnar
Útgáfufélag: Árvakur hf., Reykjavík.
Stofnað 1913
Útgefandi: Óskar Magnússon
Ritstjórar: Davíð Oddsson Haraldur Johannessen
Aðstoðarritstjóri: Karl Blöndal