SunnudagsMogginn - 23.05.2010, Qupperneq 29
23. maí 2010 29
Þ
að er enginn hörgull á neikvæðum fréttum til að fylla síður dagblaðanna á
þessum síðustu og verstu tímum. En það gefur ekki endilega rétta mynd af
þjóðlífinu. Og það vekur óneitanlega athygli að samkvæmt nýrri rannsókn eru
íslensk ungmenni upp til hópa ánægð með lífið, þrátt fyrir barlóm og kreppu,
og að hamingjan hefur farið vaxandi frá áramótum.
Í viðtali Orra Páls Ormarssonar í Sunnudagsmogganum segir Bryndís Björk Ásgeirs-
dóttir, lektor við HR, að skilaboðin sem felast í niðurstöðum rannsóknarinnar séu skýr:
„Íslenskar fjölskyldur eru að taka hlutverk sitt alvarlega og upp til hópa að standa sig
mjög vel. Það er gömul saga og ný að íslenska þjóðin þjappi sér saman við áföll.“
Það er eftirtektarvert að samverustundum og samræðum barna og foreldra hefur farið
jafnt og þétt fjölgandi undanfarinn áratug. Árið 2000 sögðust 36% stúlkna vera oft eða
nær alltaf með foreldrum sínum um helgar og 37% drengja. Í vor svöruðu 57% stúlkna og
55% drengja þessari spurningu á sama veg. Sama gildir um samverustundir unglinga og
foreldra utan skólatíma á virkum dögum.
Þetta eru góðar fréttir. Það er mikilvægt að börn og unglingar fari ekki á mis við lærdóm
kynslóðanna. Þess vegna eru samverustundirnar svo mikilvægar, ekki aðeins við foreldr-
ana heldur líka afa og ömmu, sem muna tímana tvenna og þrenna.
„Þú varst að spyrja um lífið,“ sagði séra Árni Pálsson þegar leitað var í smiðju til hans í
úttekt á hamingjunni í Sunnudagsmogganum í ársbyrjun 2008.
„Þetta undur að fá að vera til og vera til. Tilfinningin að lifa er náttúrlega óskaplega
mikið undur ef maður hugsar um það einn eða með sjálfum sér. Og þá hugsar maður:
Hver er ég? Til hvers er ég fæddur? Og til hvers er ætlast af mér? Auðvitað að ég standi mig
í lífinu, þjóni lífinu. Það er það sem brennur á manni – að maður þjóni lífinu. Komi þannig
fram við alla að engin skömm sé að því.
Og maður hefur skyldur við lífið. Maður finnur það með sjálfum sér, þegar maður veltir
því fyrir sér, að maður hefur skyldur við lífið – að nýta hæfileika sína og þroska þá. Og
takast á við það sem maður hefur ætlað sér.“
Bryndísi Björk verður ekki orða vant þegar hún veltir andlegri heilsu þjóðarinnar fyrir
sér og það má sækja hvatningu í orð hennar. „Það þarf þrautseigju til að líða og anga vel
þrátt fyrir áföll eða erfiðleika. Þrautseigja er mjög verðugt markmið fyrir einstaklinga
jafnt sem samfélög. Rannsóknir hafa sýnt að þrautseigja byggir á hversdagslegum en mik-
ilvægum þáttum, svo sem úrlausnarmiðuðu hugarfari, góðu sjálfsmati, sterkum tengslum
við samfélagið og síðast en ekki síst stuðningi fjölskyldu og vina. Íslendingar eru greini-
lega þrautseig þjóð.“
Þrautseig þjóð
„Þegar aska er hreinsuð upp einn
daginn og svo er allt svart yfir að líta
næsta morgun styttist í vonleysið.“
Jóhann Thoroddsen, sálfræðingur hjá Rauða krossi
Íslands og sérfræðingur í áfallahjálp, um ástandið
undir Eyjafjöllum.
„Guðjohnsen.“
Nafnið sem José Mourinho, knattspyrnustjóri Inter,
gaf Eyjafjallajökli í vikunni, þar sem nafn eldfjallsins
fór illa í munni.
„Allir bentu á Gumma, en ég gat ekki
horft upp á það ef hann myndi klúðra
þessu. Þannig að ég tók ráðin í mínar
hendur, tók stóra bróður á þetta.“
Ingólfur Þórarinsson Veðurguð sem tók fram fyrir
hendurnar á Guðmundi bróður sínum í sigurleik
Selfyssinga á KR.
„Ef þú ert ekki nógu stór
stelpa til að sofa hjá mér, þá
ertu ekki nógu stór fyrir
þessa leikprufu.“
Orð sem leikkonan Charlotte Lewis
hefur eftir kvikmyndaleikstjóranum
Roman Polanski.
„Nei, ég var aldrei skáti.
Ég reykti ábyggilega allt-
of mikið til þess.“
Leifur Hákonarson, sem
er víðförull og
afkastamikill
göngugarpur.
„Við höfum skorað alveg helling af
mörkum á æfingum.“
Grétar Ólafur Hjartarson, framherji Grindvíkinga,
sem ekki eru komnir á blað eftir þrjár umferðir á Ís-
landsmótinu.
„Ég elda ekki sjálf, frekar myndi ég
svelta.“
Bandaríska kvikmyndaleikkonan Megan Fox.
„Við vitum að þetta er siðlaust en það
eru líka áhöld um að þetta
sé löglegt.“
Ögmundur Jónasson alþingismaður um kaup
Magma Energy á HS Orku.
„Það er engin ástæða til að draga
hann hingað ef hann er ekki í
formi.“
Ólafur Jóhannesson, landsliðs-
þjálfari í knattspyrnu, sem
valdi Eið Smára Guðjohnsen
ekki í hópinn fyrir vináttu-
leikinn gegn Andorra.
„Segja má að
svörtustu spár
hafi ræst.“
Katrín Júlíusdóttir
iðn-
aðarráðherra
um stöðuna
í ferðaþjón-
ustunni.
Ummæli vikunnar
Útgáfufélag: Árvakur hf., Reykjavík.
Stofnað 1913
Útgefandi: Óskar Magnússon
Ritstjórar: Davíð Oddsson Haraldur Johannessen
Aðstoðarritstjóri: Karl Blöndal
nokkurs góðs, er til staðar en ekki við völd. For-
sætisráðherrann er augljóslega úti á þekju í
stærstu málum og þaðan er enga leiðsögn að fá,
enda búið að breyta forsætisráðuneytinu úr efna-
hagsráðuneyti yfir í jafnréttisráðuneyti, án þess
að nokkur hafi gert athugasemd við það. Rann-
sóknarskýrsla Alþingis sýndi fram á að eina
ástæðan til þess að ekki var hægt að bjarga ís-
lensku bankakerfi, þótt vilji hefði staðið til þess,
var sú að þeir voru ónýtir. Höfðu verið étnir upp
innan frá. Stóðu eins og nýmáluð glæsibygging
með alla innviði fúna. Þeir voru með öðrum orð-
um gegnumspilltir. Bankar, sem voru reistir á
rústum þeirra, eins og Landsbanki Íslands og Ar-
ion banki, hafa gert hina gömlu spillingu að virk-
ustu verklagsreglunum hjá sér. Þeir njóta því
einskis trausts. Þetta hefur gerst í skjóli ríkis-
stjórnar sem segist horfa sorgbitin hjá þegar nýj-
ustu ósköpin eru hverju sinni borin undir hana.
Hún hafi því ákveðið að skipa starfshóp til að
undirbúa störf nefndar, sem ræði við sérfræðinga
og fagfólk um að gera drög að reglum sem síðan
verði borin undir siðfræðinga og stjórnmálafræð-
inga sem séu handgengnir ríkisstjórninni, sem
muni óðara taka málið fyrir í málstofu sem verði
með færustu fyrirlesara og verði ræður þeirra
gefnar út á prenti og þær verði síðan afhentar
þeim starfshópi sem getið var í upphafi setning-
arinnar. Flokkarnir muni svo í framhaldinu setja
á laggirnar umbótahópa innan sinna vébanda sem
muni skila áliti eigi síðar en í nóvember næst-
komandi og verði þá niðurstöður þeirra afhentar
formlega framtíðarhópi Dags B. Eggertssonar sem
muni eigi síðar en 2020 útskýra innihald þeirra í
eins löngu máli og frekast er unnt.
Það er auðvitað merkilegt að allir skuli ekki sjá í
hendi sér að landinu verður ekki stjórnað betur
en þetta. Af þessum augljósu ástæðum verðum
við betur búin en allir aðrir undir þá kröppu
bylgju kreppunnar, sem talið er líklegt að skelli á
fyrr en varir. Ætli Guð sé til viðræðu um að blessa
Ísland aftur?
Lára Katrín í bæjar-
ferð í rigningunni.
Morgunblaðið/Ómar