SunnudagsMogginn - 23.05.2010, Blaðsíða 35

23. maí 2010 35
C
hloé Ophelia Gorbulew fæddist
hinn 4. desember 1981 í New
York í Bandaríkjunum og bjó
þar fyrstu æviárin. Foreldrar
hennar eru Erla Harðardóttir og Mark Evan
Gorbulew. Síðar eignaðist Chloé stjúpföð-
urinn Gísla Blöndal og með honum fylgdu
þrjú stjúpsystkin, þau Elsa, Birna og Gylfi
Blöndal.
Eftir að hafa flutt til Íslands um fjögurra ára
aldur byrjaði Chloé í Ölduselsskóla en flutti sig
síðan í Árbæinn og gekk í Ártúnsskóla, Tjarn-
arskóla og Árbæjarskóla. Stúdentsprófið fékk hún
frá Iðnskólanum árið 2001. Sumrunum eyddi hún
svo með föður sínum í New York allt til tvítugs.
Segja má að fyrirsætuferillinn hafi hafist þegar
Chloé var aðeins fjögurra ára gömul þegar hún var
fengin til að sitja fyrir á forsíðu barnatískublaðsins
Chien þar sem hún lék sér í almenningsgarði. Hinn
raunverulegi fyrirsætuferill hófst síðan árið 1999
hjá Eskimo-módelskrifstofunni þegar Chloé var 17
ára gömul.
Eftir framhaldsskóla flutti Chloé aftur til New
York og bjó þar í hálft ár og fór meðal annars til
Miami í Flórída þar sem hún vann fyrirsætustörf.
Eftir það bauðst henni tækifæri til að fara til
Mumbai í Indlandi árið 2006 á vegum Eskimo þar
sem hún dvaldi í fimm mánuði. Eftir að Indlands-
dvölinni lauk settist Chloé að í Newcastle í norður-
hluta Englands þar sem hún fékk inni í arkítekta-
námi við Northumbria-háskólann sem þykir með
þeim betri í faginu. Þar stefnir hún á að ljúka
grunnnámi nú í sumar.
Kærasti Chloé er Árni Elliot sem hún
kynntist í New York árið 2001. Þeirra eina
barn eins og er er hundurinn Charlie Brown,
sem fylgir þeim hvert fótmál.
Chloé og Árni sigruðu á dögunum netleik
um að komast í raunveruleikaþátt í anda
Amazing Race á vegum franska bílaframleið-
andans Renault. Fara þau í lokaviðtal í Frakk-
landi í næstu viku um að komast í aðalkeppn-
ina sem sýnd verður á Netinu.
Með móður sinni og stjúpföður sínum Gísla Blöndal á veitingahúsi á Ítalíu.
13 ára gömul í The Hamptons með föður
sínum Mark og gælurottunni Beib .
Sjö mánaða gömul í fangi móður sinnar, Erlu Harðardóttir, í New York.
Með einkasyn-
inum, hundinum
Charlie Brown, á
brúnni yfir ána
Tyne í New-
castle.
Alltaf á ferð og flugi
Chloé Ophelia Gorbulew hóf fyrirsætustörf
fjögurra ára gömul og er best þekkt fyrir þau en
nú leggur hún lokahönd á gráðu í arkítektúr.
Kjartan Kjartansson kjartan@mbl.is
Chloé með kærastanum Árna Elliot í
skemmtiferð til Kúbu árið 2006.
Chloé útskrifaðist með stúdentspróf frá Iðnskól-
anum í Reykjavík árið 2001.
Á jólaskemmtun með vinunum Benedikt
Ólafssyni, Silju Smáradóttur og Hauki
Smára Gröndal.
Ásamt innfæddum höfðingja í safaríferð í Kenía sem
hún fór með föður sínum Mark Evan Gorbulew.
Fyrsta forsíðumyndin 4 ára gömul fyrir
franska barnatískublaðið Chien.
Fyrsta alvöru fyrirsætuverkefnið í sér-
blaði um James Bond árið 1999.
Myndaalbúmið