SunnudagsMogginn - 06.03.2011, Qupperneq 35

6. mars 2011 35
L
jósmyndabókin Lost in Argentina er komin út
á Íslandi, en hún var gefin út í Argentínu í
nóvember í fyrra. „Við ætluðum að gefa bók-
ina út árið 2007, en gerðum okkur ekki grein
fyrir að hlutirnir ganga hægar fyrir sig erlendis,“ segir
ljósmyndarinn Sigurgeir Sigurjónsson. „Hér á landi
kemur maður með bók til Forlagsins og hún er komin
út um leið,“ bætir hann við og smellir fingrum til að
undirstrika það.
Sigurgeir gaf áður út ljósmyndabókina Lost in Ice-
land, sem hefur selst vel undanfarin ár. Það var hug-
mynd Sæmundar Norðfjörð að fylgja eftir velgengni
hennar og sækja til annars lands. Og kom hann að gerð
bókarinnar.
„Mér fannst þetta fáránleg hugmynd,“ segir Sig-
urgeir brosandi. „Argentína er fimmtán sinnum stærri
en Ísland – og hvað vitum við Íslendingar um Argent-
ínu? Ekkert eiginlega! En þegar Sæmundur benti mér á
að það væri eiginlega alltaf sumar þarna, þá varð það
vendipunkturinn. Ég gat alveg hugsað mér að fara
þangað, ganga í verkið af fullum krafti, og líta á það
sem gott sumarfrí ef það gengi ekki upp.“
Vann með De Niro
„Ég vissi hinsvegar að þetta myndi ganga,“ segir Sæ-
mundur. „Ég vinn í kvikmyndabransanum og mikið er
um að útlendingar komi til Íslands til að sækjast eftir
fegurð landslagi. Þeir hafa líka nefnt Argentínu við mig
– að hún hafi eitthvert dulmagn yfir sér. Ég þekki fólk
þaðan úr kvikmyndabransanum og það aðstoðaði okk-
ur við að finna réttu staðina.“
Roy Easdale, sem er sérfróður um tökustaði, kom að
skipulagningu ferðarinnar með Sigurgeiri og Sæmundi,
en hann sá meðal annars um að velja tökustaði í stór-
myndinni Mission með Robert De Niro og Jeremy
Irons. „Við hittum hann fjórum til fimm sinnum, hann
skipulagði ferðirnar og sagði okkur að vera á einum
stað að morgni, öðrum að kvöldlagi,“ segir Sæmundur.
Á vegi sem liggur við hlið „Tren a las Nubes“ eða Skýjalestinni
var stúlka sem virtist hafa fallið af himnum ofan.