Morgunblaðið - 17.04.2010, Blaðsíða 2

2 FréttirINNLENT
MORGUNBLAÐIÐ LAUGARDAGUR 17. APRÍL 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Kristján Jónsson
og Sigurð Boga Sævarsson
ÞAÐ breytir miklu að AGS hafi nú
samþykkt aðra endurskoðun á þeirri
efnahagsáætlun sem Íslendingar
starfa eftir,“ segir Steingrímur J.
Sigfússon fjármálaráðherra. „Við er-
um í raun komin í allt aðra stöðu
enda er sá stimpill sem samþykkið
veitir okkur mikils virði. Lánin sem
nú fást ættu að gera íslenskum
stjórnvöldum kleift að ráða við af-
borganir af öllum lánum á árunum
2011 og 2012 og þannig komumst við
í allt aðra og betri stöðu en var.
Samþykki stjórnar Alþjóðagjald-
eyrissjóðsins breytir miklu. Við er-
um komin í skjól.“
AGS mun sjálfur lána Íslending-
um upphæð sem samsvarar 20 millj-
örðum ísl. kr. Norðurlöndin leggja til
76 milljarða kr. og Pólverjar níu
milljarða kr. Þá eiga Íslendingar inni
fyrningar úr fyrsta áfanga norrænu
lánanna og gætu því úr norræna
pottinum komið alls um 100 milljarð-
ar króna.
Steingrímur var spurður um frétt
sem Bloomberg-fréttaveitan birti í
gær, þar sem haft var eftir heimild-
armanni í Hollandi að þarlend
stjórnvöld væru ekki andvíg af-
greiðslu lánsins frá AGS. Ástæðan
væri að Íslendingar hefðu heitið að
greiða Icesave-skuldbindingarnar
með vöxtum. Steingrímur segir
þetta ekki rétt enda þótt Íslendingar
séu tilbúnir að greiða sanngjarna
vexti og semja.
Mikilvægast að losna
við gjaldeyrishöftin
Bjarni Benediktsson, formaður
Sjálfstæðisflokksins, segist vera
ánægður með að Íslendingar hafi
núna aðgang að þessum lánum, það
skipti máli vegna þess trúverðug-
leika sem fylgi áætluninni í heild.
„Mestu skiptir samt að þetta getur
orðið til þess að við getum sem allra
fyrst losað okkur við þessi skaðlegu
gjaldeyrishöft, það vona ég að gerist.
Hins vegar held ég að nú þurfi að
ígrunda að hve miklu leyti þörf er á
að draga á þessi lán, það verður að
vega og meta.
Þetta sýnir líka að það stenst ekki
skoðun sem haldið hefur verið á lofti
allt frá miðju ári 2009 að hér myndi
ekkert gerast án þess að búið væri að
ganga frá Icesave-samningunum,
útilokað yrði t.d. að fá aðgang að
AGS-lánunum. Hins vegar finnst
mér skorta á að ríkisstjórnin geri
betur grein fyrir áformum sínum um
uppbyggingu gjaldeyrisvaraforðans,
hvað sé réttlætanlegt að kosta miklu
til að byggja hann upp. Það er dýrt
að draga á þessi lán.“
Bjarni var spurður um frétt Blo-
omberg en sagðist ekki hafa séð
viljayfirlýsingu ríkisstjórnarinnar
gagnvart AGS og gæti því ekki stað-
fest neitt í þessum efnum. Að sögn
Benedikts Stefánssonar, aðstoðar-
manns Gylfa Magnússonar efna-
hags- og viðskiptaráðherra, er ekki
hægt að birta viljayfirlýsinguna
strax vegna reglna AGS sem á eftir
að ganga endanlega frá skýrslum
sínum í tengslum við endurskoð-
unina. Menn vonuðust til að geta birt
yfirlýsinguna eftir helgi.
„Við erum komin í skjól“
 Steingrímur J. Sigfússon fjármálaráðherra segir samþykkt stjórnar AGS merkja að Íslendingar fái
nú svo miklar lánaheimildir að þeir ráði við allar afborganir erlendra lána á árunum 2011 og 2012
» Dagsetningum á næstu endurskoðun er hliðrað
vegna seinkana sem urðu á annarri endurskoðun
endurreisnaráætlunarinnar
» Framkvæmdastjóri AGS álítur að efnahagur
Íslands muni taka við sér á seinni helmingi 2010
Bjarni
Benediktsson
Steingrímur J.
Sigfússon
TÖLUVERT skemmdir urðu við
Þorvaldseyri eftir hlaupið í Svaðbæl-
isá en ljóst að þær hefðu getað verið
mun meiri. Varnargarðar héldu að
mestu en óvíst að þeir geri það komi
annað hlaup í ána. Bærinn var rýmd-
ur í gærkvöldi eftir að gríðarlegt og
kolsvart öskuský stefndi á bæinn.
Heitavatnsleiðslan sem lá yfir ána
tættist í sundur í flóðinu en raf-
magnsleiðsla sem grafin er í jörð
slapp. Ólafur Eggertsson, bóndi á
Þorvaldseyri, segir tjónið á leiðsl-
unni ekki gríðarlegt áfall, en þegar
henni verður komið fyrir að nýju
verður hún grafin í jörð.
Ólafur gekk með blaðamanni með
ánni og sýndi ummerki flóðsins. Vel
mátti sjá á varnargörðum hvers lags
kraftur var þar á ferð. Mikill áburð-
ur var og náði vatn sumstaðar að
brúnum varnargarðs þar sem áður
voru tveir metrar niður. Kom það
ekki til af vatnsmagni, fremur sök-
um þess hversu landið hefur risið.
Skarð kom einnig í varnargarða á
nokkrum stöðum og telur Ólafur alls
óvíst að þeir haldi komi önnur gusa.
Óttast hann því mikið um tún sín.
Ólafur hugðist vinna fram að ösku-
falli við að bæta í varnargarða.
Heimarafstöð er í gili ofan við bæ-
inn og slapp hún undan flóðinu.
Ólafur segir hins vegar að aðeins
hafi tilviljun ráðið því hvernig flóðið
fór niður hæðina, og framhjá raf-
stöðinni.
Gríðarlega stór tún eru á Þor-
valdseyri, en þar er eitt stærsta
kornræktarbú landsins. Þau sluppu
nokkuð vel úr flóðinu en aftur er
spurning hvaða afleiðingar ösku-
fallið sem hófst í gærkvöldi hefur.
andri@mbl.is
Morgunblaðið/Golli
Tættist Ólafur Eggertsson, bóndi á Þorvaldseyri undir Eyjafjöllum, við heitavatnsleiðslu sem fór í sundur í hlaupinu í Svaðbælisá á fimmtudag.
Varnargarðar héldu
og björguðu miklu
Stjórn Alþjóðagjaldeyrissjóðs-
ins, AGS, í Washington sam-
þykkti í gær aðra endurskoðun
efnahagsáætlunar Íslands og
AGS. Við endurskoðunina sendi
ríkisstjórnin sjóðnum nýja vilja-
yfirlýsingu þar sem lýst er efna-
hagsstefnunni, þeim árangri
sem þegar hefur náðst og
næstu skrefum.
Fram kemur m.a. í tilkynningu
frá efnahags- og viðskiptaráðu-
neytinu að íslensk stjórnvöld
skuldbindi sig í viljayfirlýsing-
unni til þess að styrkja enn eft-
irlit með fjármálamarkaði til að
skjóta enn styrkari stoðum und-
ir endurreist bankakerfi. Í því
skyni hafi ráðherra lagt fram
frumvarp til laga um fjár-
málamarkaðinn, um trygg-
ingasjóð innistæðueigenda og
verðbréfamarkaðinn.
„Í viljayfirlýsingunni er einnig
áréttað það markmið stjórn-
valda að ná samningum við Hol-
lendinga og Breta um endur-
greiðslu þeirra fjármuna sem
þeir hafa reitt af hendi vegna
skuldbindinga Tryggingarsjóðs
innistæðueigenda og fjárfesta
gagnvart innistæðueigendum
netútibúa Landsbanka Íslands
hf.,“ segir í tilkynningu ráðu-
neytisins.
Lofa Icesave-lausn
MINNI efna-
fræðileg meng-
un er af gjósk-
unni frá
Eyjafjallajökli
en búist var við,
segir Sigurður
Reynir Gísla-
son, jarðfræð-
ingur hjá Jarð-
vísindastofnun
HÍ. Bráðið vatn
nær, að sögn vísindamanna, að þvo
mengun af gjóskunni. Þessi efni
koma niður með flóðinu og fara út í
sjó og minnka þar með hættuna sem
stafar af gjóskunni.
„Styrkur þessara mengandi efna,
eins og flúors, sem eru vatnsleys-
anleg og hanga utan á gjóskunni, er
því miklu minni en ella,“ segir Sig-
urður og bendir á að af þessari
gjósku sé miklu minni mengun en úr
Heklugosi. sbs@mbl.is
Vatn þvær
mengunina