Morgunblaðið - 17.04.2010, Blaðsíða 31

Þessa fallegu minningu um þig
munum við alltaf geyma í hjarta
okkar, og þú verður alltaf fyrir-
mynd lífsgleðinnar í okkar huga.
Amma ljúfa draumadísin mín,
draumavængir beri mig til þín,
heim í dalinn þar sem þögnin býr,
þögnin þögul seiðandi ævintýr.
Vilmundur, Jón Ólafur,
Harpa Ósk, Gígja Rós
og fjölskyldur.
Eitt það besta sem getur hent
börn í æsku er að eiga góða ömmu.
Þegar ég var að vaxa úr grasi á
Siglufirði var það Unnur Möller,
oftast kölluð amma Nunna, sem var
í hlutverki ömmunar sem alltaf var
til staðar og alltaf að veita hjálp-
arhönd. Fyrstu æviárin bjuggum
við í sama húsi þannig að það var
stutt að fara. Oft var skotist upp á
loft til ömmu og afa þar sem mót-
tökurnar voru alltaf hlýjar og inni-
legar.
Fyrstu sporin á menntaveginum
voru ekki auðveld og hvort sem það
var skólakerfið eða ég, þá náðum
við ekki saman. Á þessum árum
vandi ég komur mínar til ömmu á
Hverfisgötunni og smám saman
tókst henni að kenna mér að lesa og
ýmislegt annað.
Hennar lífsspeki var afar einföld
og fólst fyrst og fremst í því að
maður átti að vera duglegur og
vinnusamur í öllu sem maður tekur
sér fyrir hendur. Vinna og vinna því
þú eignast aldrei neitt og kemst
ekkert áfram nema vinna fyrir því,
sagði hún gjarnan. Nokkuð sem við
Íslendingar þurfum að hafa í huga
þessi misserin.
Siglufjörður var einn stór leik-
völlur á uppvaxtarárunum, frá
bryggjum og upp í fjöll. Amma mat
það svo að víða leyndust hættur fyr-
ir ung börn og þess vegna gerðist
hún sjálfskipaður eftirlitsmaður
með okkur krökkunum. Seinna þró-
aðist þetta í eftirlit með því hvenær
maður kom heim af skemmtanalíf-
inu. Þetta þótti manni ekkert sér-
stakt í þá daga en þykir vænt um
umhyggjuna nú þegar komið er að
kveðjustund.
Amma hafði mikinn áhuga á
íþróttum, þótt einu afrek hennar á
því sviði hafi verið að vinna til verð-
launa í skíðastökki kvenna. Ég geri
ekki ráð fyrir að margar konur hafi
stundað þá íþrótt hér á landi og þótt
víðar væri leitað. Eitt sinn er ég
heimsótti ömmu á Skálarhlíð sagði
hún mér að tvær stúlkur hefðu ver-
ið að gera könnun um sjónvarps-
notkun eldri borgara. Hún sagði
mér að þær hefðu farið flissandi út
og þegar ég spurði af hverju þá var
svarið skýrt og einfalt: „Ég sagði
þeim að ég horfi mest á fótbolta,
formúlu og hnefaleika,“ sagði sú
gamla.
Amma var mikið afmælisbarn í
sér. Þessi afmælisáhugi lýsti sér
þannig að hún hringdi í börn og
barnabörn á hverjum afmælisdegi í
áratugi og söng afmælissönginn fyr-
ir viðkomandi. Á seinni árum bætti
hún svo við eigin ljóðum, þannig að
þetta var orðin ansi góð dagskrá í
gegnum síma. Minnisstæðasta at-
vikið var þegar ég varð tvítugur, en
þá var ég staddur úti á sjó á afmæl-
isdaginn. Amma fékk samband við
skipið, en var sagt að ég væri að
vinna. Hún gaf sig greinilega ekki
því um kvöldið fékk ég handskrifað
afmælisskeyti sem skipstjórinn
hafði hripað niður eftir ömmu. Þetta
þótti mér óendanlega vænt um.
Það var svo á 90 ára afmælinu
hennar ömmu, í desember á síðasta
ári, sem við hittumst síðast. Þá
hafði löng lífsganga tekið sinn toll af
heilsunni. Hún var þó hress miðað
við aðstæður. Þrátt fyrir að heyrn
og sjón væru verulega farin að
daprast var röddin í lagi. Hún söng
því fyrir okkur ættingjana og vini
sem þarna voru komin til að sam-
fagna. Þannig vil ég minnast ömmu
Nunnu sem nú hefur kvatt þennan
heim.
Sigurður Tómas Björgvinsson.
 Fleiri minningargreinar um Unni
Helgu Möller bíða birtingar og munu
birtast í blaðinu næstu daga.
Minningar 31
MORGUNBLAÐIÐ LAUGARDAGUR 17. APRÍL 2010
✝ Aðalsteinn Ein-arsson fæddist á
Vestdalseyri við
Seyðisfjörð 9. júní
1929. Hann lést á
heimili sínu 5. apríl
2010.
Foreldrar hans
voru Einar Sigurðs-
son og Dagný Ein-
arsdóttir, f. 16. jan-
úar 1901, d. 1968.
Alsystkini Að-
alsteins eru: Guðlaug
húsmóðir, látin, Rósa-
munda húsmóðir, lát-
in, Garðar sjómaður, látinn, Birna
húsmóðir, látin, Sigurveig hús-
móðir, búsett í Kópavogi, Ingi sjó-
maður, búsettur í Reykjavík, Ein-
ína húsmóðir, látin. Hálfbróðir
Aðalsteins samfeðra er Einar
Björn skipstjóri, búsettur á Höfn í
Hornafirði, hálfbræður Aðalsteins
sammæðra eru Hallsteinn skrif-
stofumaður, búsettur í Reykjavík,
og Vífill sjómaður, búsettur á
Seyðisfirði.
Aðalsteinn kvænt-
ist 16.1. 1960 Mar-
gréti Ingibjörgu Sig-
urgeirsdóttur, f.
27.8. 1931, d. 18.8.
2003. Börn þeirra
eru Jónbjört, f. 26.7.
1957, maki Snorri
Jónsson, f. 22.7.
1952, synir þeirra
eru Páll Thamrong,
f. 1.4. 1991, og Frið-
þjófur Vífill Rupan,
f. 27.2. 1998. Einar,
f. 27.9. 1959, sam-
býliskona Hugrún Ósk Guðmunds-
dóttir, f. 3.7. 1958. Einar var áður
giftur Katrínu Bjarnadóttur, f.
10.12. 1960, börn þeirra eru Að-
alsteinn, f. 25.9. 1985, Þórunn, f.
8.2. 1988, sambýlismaður Guð-
mundur Björn Birkisson, og Inga
Karen, f. 7.8. 1992.
Útför Aðalsteins fer fram frá
Seyðisfjarðarkirkju í dag, 17. apríl
2010, og hefst athöfnin kl. 14.
Eftir því sem árin líða og maður
öðlast reynslu og vonandi þrosk-
aðri sýn á lífið því meiri þörf verð-
ur á að leita upprunans og rótanna.
Ekki síst ef sá uppruni og þær
rætur liggja orðið langt í burtu í
tíma og rúmi. Einmitt með þetta í
huga lögðum við feðgar upp í helg-
arferð á vordegi fyrir tæpum
tveimur árum, til Seyðisfjarðar, að
heimsækja Alla föðurbróður minn.
Í aldri munaði aðeins tæpu hálfu
öðru ári á þeim bræðrum og ég
fann í heimsókninni að bróðurtaug-
in var rammari en ég hafði áður
gert mér grein fyrir.
Aðalsteinn bjó á Seyðisfirði alla
tíð. Hann hefur því á nokkuð
langri ævi séð bæinn ganga í gegn-
um miklar breytingar, stækka og
dafna. Á fyrri hluta síðustu aldar
var Seyðisfjörður á meðal fárra
reisulegra bæja á landinu; norskir
og danskir kaupmenn höfðu þar
verslanir sínar og mörg húsin hafa
verið endurbyggð. Af þessu státar
þessi rólegi bær enn, inni í lygnum
firði. Alli, eins og hann var alltaf
kallaður, byrjaði að fara á vertíðir
upp úr fermingu, fyrstu vertíðina á
Sandgerði. Árin þar á eftir stund-
aði hann sjómennsku til rúmlega
þrítugsaldurs en sneri sér þá að
smíðum; smíðaði m.a. innréttingar
í hina nýju Hvanney SF, 1975.
Alli tók vel á móti okkur feðgum
vorið fyrir tveimur árum. Það
skorti ekkert á gestrisni og heim-
ilisbragurinn var til sóma; það
virðist honum og systkinum hans
öllum hafa verið í blóð borið alla
tíð. Þeir bræður rifjuðu upp gamla
daga, koníaksdreitill með kaffinu
yljaði enn frekar undir flæði minn-
inganna og gamlar sögur og
brandarar, sumir gatslitnir, skutu
upp kollinum án fyrirhafnar. Hlát-
ur og vellíðan fram á hálfrökkvaða
vornóttina. Þetta var góð stund.
Mér, kynslóðinni yngri, leiddist
ekki að sjá og finna hve taug
þeirra bræðra var sterk og enn
varð mér ljóst að mannsævin er
stutt; fjarlægar minningar verða
ljóslifandi eftir nærri mannsaldurs
tíð.
Að morgni dagsins á eftir héld-
um við út á Vestdalseyri, æsku-
stöðvarnar. Æskuminningar birt-
ust, flestar þægilegar því
allsnægtir hermannanna frá stríðs-
árunum voru drengjum þeirra tíma
nýbreytni. Hluti af þessum sam-
skiptum drengjanna varð að
enskukunnáttu og sígarettureyk-
ingum. Alls kyns nauðþurftir þar
að auki, svo sem kol og matvara.
Framandi og spennandi og órjúf-
anlegur hluti æskuminninga
drengjanna sem nú, eins og örskoti
síðar, voru orðnir gamlir menn.
Minningin er ljúf frá þessari
ferð okkar feðga til Seyðisfjarðar
vorið 2008. Bræðurnir voru hressir
og munaði ekki um að labba um
tún og haga, margt var skoðað. Alli
var léttur í lund, og þeir bræðurnir
báðir. Sáttur við sína lífsgöngu
eins og þeim hlýtur að vera eðl-
islægt sem lifað hefur eftir góðu
innræti og sterkum dyggðum sem
sumum hlotnast í vöggugjöf. Alla
frænda hlotnaðist það. Í dag kveð-
ur faðir minn bróður sinn hinstu
kveðju á Seyðisfirði, sem og aðrir
vinir og aðstandendur. Aðstand-
endum votta ég samúð mína og
sendi hinstu kveðju yfir höfin. Ég
þakka Alla fyrir móttökurnar í
sumarbyrjun 2008 og þakka fyrir
að hafa farið þá góðu ferð. Alli er
lagður af stað í lengri og vonandi
enn betri ferð.
Viðar Ingason.
Aðalsteinn Einarsson
Minningarkort
535 1825
www.hjarta.is 5351800
✝
Ástkær eiginkona, móðir, systir og mágkona,
BORGHILDUR MAGNÚSDÓTTIR,
Þingvallastræti 2,
Akureyri,
verður jarðsungin frá Akureyrarkirkju
mánudaginn 19. apríl kl. 13.30.
Gísli Gunnlaugsson,
Jóhanna María Gísladóttir,
Jakob Frímann Magnússon, Birna Rún Gísladóttir.
✝
Ástkær faðir okkar, tengdafaðir, afi og langafi,
HJÖRLEIFUR GUÐNASON,
Gullsmára 9,
Kópavogi,
lést á Landspítalanum í Fossvogi föstudaginn
9. apríl.
Útförin fer fram frá Digraneskirkju miðvikudaginn
21. apríl kl. 13.00.
Margrét Hjörleifsdóttir, Eiríkur Ólafsson,
Elín Hjörleifsdóttir, Sumarliði Aðalsteinsson,
Guðni Hjörleifsson, Sigríður Margrét Vigfúsdóttir,
Ingólfur Hjörleifsson, Steinunn Jónsdóttir,
barnabörn og barnabarnabörn.
✝
Okkar innilegustu þakkir til allra sem sýndu okkur
samúð og hlýhug við andlát og útför elskulegs
föður okkar, tengdaföður, afa og langafa,
ARA BERGÞÓRS FRANZSONAR
prentara,
áður til heimilis á Sogavegi 133,
Reykjavík.
Sérstakar þakkir færum við starfsfóllki á hjúkrunar-
heimilinu Skógabæ fyrir einstaka umönnun og vináttu.
Guð blessi ykkur öll.
Sigríður Jóna Aradóttir,
Franz Arason, Anney Bergmann Sveinsdóttir,
Magnea Bergþóra Aradóttir, Reynir Magnússon,
Páll Brynjar Arason, Gunnlaug Kristín Gunnarsdóttir,
Þórunn Aradóttir, Ágúst Ágústsson,
Jón Arason, Sigríður Margrét Sigurgeirsdóttir,
barnabörn og barnabarnabörn.
✝
Innilegar þakkir til allra þeirra sem sýndu okkur
samúð og vinarhug við andlát móður okkar,
tengdamóður, ömmu, langömmu og systur,
BIRNU ÁRNADÓTTUR,
Hamraborg 32,
Kópavogi,
áður Kópavogsbraut 82,
og heiðruðu minningu hennar.
Sérstakar þakkir til starfsfólks blóðlækningadeildar
11G á Landspítala fyrir frábæra umönnun, umhyggju og vináttu.
Árni Steingrímsson, Valborg Björgvinsdóttir,
Jóhanna Steingrímsdóttir, Stefán Árni Arngrímsson,
Birna Steingrímsdóttir, Hafþór Freyr Víðisson,
Ásdís Steingrímsdóttir, Gunnar Carl Zebitz,
Sigríður Steingrímsdóttir, Bjarki Þór Sigurðsson,
barnabörn, barnabarnabörn og systkini hinnar látnu.
✝
Elskulegur faðir okkar, tengdafaðir, afi, langafi og
langalangafi,
BENEDIKT ÞORVALDSSON
húsasmiður
frá Hólmavík,
Hrafnistu,
Reykjavík,
sem lést þriðjudaginn 30. mars, verður jarðsunginn
frá Breiðholtskirkju mánudaginn 19. apríl kl. 13.00.
Guðbrandur Benediktsson, Guðlaug Þorkelsdóttir,
Þorvaldur Helgi Benediktsson, Sigurlaug Gísladóttir,
Birgir Benediktsson, Sigrún Sigurðardóttir,
Sigrún Benediktsdóttir,
Steinþór Benediktsson, Hildur Guðbjörnsdóttir
og afabörn.