Fréttablaðið - 17.12.2011, Síða 2

17. desember 2011 LAUGARDAGUR2
NEYTENDUR „Hvaða líkur eru á að
flutningskostnaður hlutar sé upp á
sent það sama og andvirði hlutarins
út úr búð?“ spyr Páll Árnason sem er
afar ósáttur við að hafa verið rukk-
aður um jafnvirði 500 Bandaríkja-
dollara fyrir sendingu á Ipad spjald-
tölvu frá New York til Íslands.
Páll gleymdi spjaldtölvunni um
borð í flugvél í New York þar sem
hann millilenti á heimleið frá Flór-
ída um miðjan október.
„Tapað-fundið á JFK-
flugvelli ákvað að senda
mér tækið til Íslands
með Fedex ef ég gæfi
þeim upp kreditkorta-
númer. Í sakleysi mínu
gerði ég það og átti von
á að kostnaðurinn yrði
kannski nálægt tíu þús-
und krónum,“ segir Páll.
Annað kom á daginn.
„Viti menn, það voru
dregnir 500 dollarar af
kortinu mínu, það kom
út á 57.655 krónur. Sú
upphæð er fjórfalt það
sem Fedex á Íslandi
gefur upp fyrir slíkan flutning,“
lýsir Páll sem segir að á fylgiskjöl-
um hafi andvirði spjaldtölvunnar
verið sagt 500 dollarar. Sjálfur hafi
hann einmitt greitt 499 dollara og 99
sent ytra fyrir tækið réttu ári fyrr.
Honum þyki einkennilegt að flutn-
ingskostnaðurinn sé nákvæmlega sá
sami og uppgefið andvirði tækisins.
Páll kveðst hafa sent margar fyrir-
spurnir á aðalstöðvar Fedex í Banda-
ríkjunum. „Þeir benda mér alltaf á
að hafa samband við Icetransport
í Hafnarfirði sem þeirra fulltrúa á
Íslandi. En bæði fulltrúi og fram-
kvæmdastjóri Fedex á Íslandi senda
mér bara puttann og segja að þeim
komi þetta mál bara ekkert við,“
segir Páll óánægður.
„Ég varð við þetta mjög reiður,
enda atvinnulaus og munar mikið um
þennan aur og vandaði Fedex ekki
kveðjurnar á Facebook. Eigin-
kona mín, sem misbauð þetta
líka, ákvað að deila þessum
ummælum frá mér og fékk
skömmu síðar hótun um
lögsókn frá Fedex
á Íslandi fyrir
skaðleg ummæli.“
Í bréfi lög-
manns Ice -
transport til
eiginkonu Páls
er harðlega mót-
mælt ummælum
hennar á Facebook
um að Fedex á
Íslandi „ræni fólk“ og
þess krafist að hún biðjist
opinberlega afsökunar
og leiðrétti rangfærslur
um fyrirtækið. Ella verði
hún lögsótt enda valdi hún
fyrirtækinu fjárhagsleg-
um skaða.
Þá segir að Icetransport taki
ekki ábyrgð á á mistökum þegar
verslað sé við erlenda aðila.
Icetransport hafi aldrei feng-
ið greiðslukortanúmer Páls og
aldrei tekið fé út af korti hans.
gar@frettabladid.is
„Ég varð við
þetta mjög
reiður, enda
atvinnulaus
og munar
mikið um
þennan aur.“
PÁLL ÁRNASON
Í KEFLAVÍK
Yngvi, sér framleiðslan ykkur
fyrir salti í grautinn?
„Já, við þurfum vonandi ekki að
vega salt með það í framtíðinni.“
Yngvi Eiríksson er einn þriggja frum-
kvöðla sem hófu í vikunni að selja
vestfirskt kristalsjávarsalt í verslunum
undir nafninu Saltverk Reykjaness.
PÁLL ÁRNASON Heima í Keflavík með
spjaldtölvuna sem kostað hefur hann
tvöfalt það verð sem hann greiddi fyrir
tækið í Bandaríkjunum í fyrra.
Hraðsendingin á Ipad
jafndýr tækinu sjálfu
Fedex á Íslandi krefst afsökunarbeiðni frá hjónum sem gagnrýna fyrirtækið á
Facebook. Þau greiddu 500 dali fyrir sendingu á 500 dala tölvu sem gleymdist í
flugvél í New York. Ytra er vísað á Fedex á Íslandi sem kveðst ekki bera ábyrgð.
DANMÖRK Nokkurra klukkustunda
gamall drengur fannst í plast-
poka í Maribo í Danmörku í gær.
Hundur á göngu með eiganda
sínum fann drenginn.
Þótt teppi hafi verið vafið utan
um barnið áður en það var sett í
plastpokann var það orðið afar
kalt, að því er greint var frá á
vefsíðu Politiken.
Barnið var flutt á sjúkrahúsið
í Nykøbing á Falstri. Samkvæmt
upplýsingum var ástand þess gott
miðað við aðstæður. Að sögn lög-
reglunnar hafði plastpokanum
með barninu verið komið fyrir
bak við spennistöð. - ibs
Drengur settur í plastpoka:
Hundur fann
nýfætt barn
LÖGRGLUMÁL Lögreglan á höfuð-
borgarsvæðinu rannsakar enn
meint nauðgunarmál, þar sem
átján ára stúlka kærði Egil
Einarsson og unnustu hans fyrir
nauðgun. Ekki er enn ljóst hvort
hægt verður að senda málið til
ákæruvaldsins fyrir jól.
Það var 1. desember sem stúlk-
an kærði Egil og unnustu hans til
lögreglunnar. Rannsókn var þá
þegar hafin og meðal annars aug-
lýst eftir leigubílstjóra sem hafði
ekið þremenningunum heim til
Egils, þar sem hin meinta nauðg-
un er sögð hafa átt sér stað. - jss
Kæran á hendur pari:
Nauðgunarmál
enn í rannsókn
DÓMSMÁL Ríkissaksóknari hefur
ákært tuttugu og þriggja ára mann
fyrir að ráðast á fyrrverandi unn-
ustu sína og svipta hana frelsi í
allt að tvær og hálfa klukkustund
í febrúar á þessu ári. Jafnframt að
hafa miðað hlaðinni haglabyssu í
andlit hennar. Atburðarásin hófst
með því að maðurinn hindraði
konuna sem var farþegi í bíl sem
hann ók í að yfirgefa bifreiðina,
sem hann hafði lagt á bílaplani
við Kirkjusand í Reykjavík. Hann
greip í handlegg konunnar og læsti
hurðinni, að því er segir í ákæru.
Maðurinn ók bifreiðinni í kjöl-
farið að athafnasvæði Eimskipa
við Klettagarða og lagði henni þar
upp við gámavörubifreið þannig að
ómögulegt var fyrir konuna að kom-
ast út. Nokkru síðar hleypti hann
henni þó út en þegar honum varð
ljóst að hún hafði hringt í Neyðar-
línuna þvingaði hann hana aftur inn
í bifreiðina. Við það sló hann höfði
hennar í tvígang utan í bílinn. Mað-
urinn reyndi jafnframt að þvinga
hring af fingri hennar og kom henni
svo fyrir á gólfi við aftursæti bif-
reiðarinnar.
Maðurinn ók að Bláfjallaafleggj-
aranum þar sem hann stoppaði um
stund en ók loks að heimili konunn-
ar. Við líkamsárásina hlaut hún
áverka á höfði og líkama.
Þá er maðurinn ákærður fyrir að
hafa í mars á bifreiðastæði í Kópa-
vogi stofnað lífi og heilsu sömu
konu í augljósa hættu, með því að
miða hlaðinni haglabyssu að bif-
reið hennar og að andliti hennar á
meðan hún steig út úr bifreið sinni.
Maðurinn var með fjaður-
hníf, sem lögregla fann við leit á
honum. Konan krefur manninn
um ríflega 3,4 milljónir í skaða-
og miskabætur. -jss
VIÐ KIRKJUSAND Atburðarásin hófst á
bifreiðaplaninu við Kirkjusand.
FRÉTTABLAÐIÐ/VILHELM
Ungur maður ákærður fyrir að svipta fyrrverandi unnustu frelsi sínu og beita hana ofbeldi:
Miðaði hlaðinni haglabyssu í andlit konu
ATVINNA Tryggja á allt að 1.500 atvinnulausum störf
með nýjum samstarfssamningi ríkis, sveitarfélaga
og aðila vinnumarkaðarins.
Meðal þeirra úrræða sem grípa á til er að greiða
andvirði atvinnuleysisbóta til fyrirtækja sem ráða
fólk sem skráð er án atvinnu í allt að tólf mánuði.
„Flestir vita að atvinnuleysi, og þá sérstaklega
langvinnt atvinnuleysi, getur haft skelfileg áhrif á
einstaklinga. Atvinnuleysið hefur líka slæm áhrif
á borgir, andann, drifkraftinn og auðvitað líka
útsvarið,“ sagði Jón Gnarr borgarstjóri þegar skrif-
að var undir samninginn.
Áherslan verður lögð á að skapa störf og önnur
úrræði fyrir þá sem hafa verið atvinnulausir lengi.
Áætlað er að aðgerðirnar lækki meðalatvinnuleysið
á komandi ári um 0,7 prósentustig.
Samkvæmt samningnum sem undirritaður var í
gær eiga sveitarfélögin í landinu að skapa um helm-
ing þeirra starfa sem eiga að verða til, en fyrirtæki
á almennum markaði hinn helminginn.
Þá á að skylda alla atvinnulausa til að sækja
„atvinnumessur“ í febrúar til að hjálpa þeim að
finna störf. - bj
Ætla að tryggja allt að 1.500 atvinnulausum störf með samstarfssamningi:
Niðurgreiða starfsmenn með bótum
UNDIRRITAÐ Guðbjartur Hannesson velferðarráðherra, Jón
Gnarr borgarstjóri og aðrir sem koma að samningnum undir-
rituðu hann formlega í Ráðhúsi Reykjavíkur í gær.
FRÉTTABLAÐIÐ/VILHELM
SVEITARSTJÓRNARMÁL Hlutfall
negldra hjólbarða á götum Reykja-
víkurborgar er nær óbreytt milli
ára samkvæmt nýrri talningu.
Fram kemur á vef borgarinnar
að nú séu 33 prósent ökutækja á
negldum dekkum, en í fyrravetur
var hlutfallið 32 prósent.
„Þrátt fyrir að færðin nú sé
töluvert verri en hún var á þess-
um tíma í fyrra hefur hlutfallið
ekki aukist nema um eitt prósent,“
segir á vef borgarinnar.
Talningin fór fram miðvikudag-
inn 14. desember. Á sama tíma á
árunum 2008 og 2009 reyndust um
það bil 35 prósent bifreiða á negld-
um dekkjum, en 58 prósent árið
2001. - óká
Nagladekkjum fækkar:
Svipað hlutfall
og í fyrravetur
VETRARUMFERÐ Dregið hefur úr notkun
nagladekkja síðustu ár þótt hlutfallið í
vetur sé svipað og í fyrra. FRÉTTABLAÐIÐ/PJETUR
HEILSA Ölvunaráhrif hverfa ekki
hraðar þó fólk hreyfi sig. Þetta
kemur fram á vef Berlingske.
Könnun sýnir að fjórðungur Dana
undir þrítugu eru haldnir þessum
ranghugmyndum.
Óttast er að það sé einn orsaka-
valdur þess að ungt fólk veldur
oftar bílslysum undir áhrifum
áfengis, en þau sem eldri eru.
„Það þýðir ekkert að hlaupa,
dansa eða þess háttar,“ segir
Michelle Laviolette verkefnastýra
hjá umferðarráði. „Ef maður er
fullur á annað borð er aðeins eitt
til ráða, að bíða á meðan lifrin
vinnur úr áfenginu.“ - þj
Misskilningur um ölvunaráhrif:
Þýðir ekkert að
dansa og hoppa
GAGNSLAUS DANS Misskilnings gætir
meðal ungra Dana um að hreyfing flýti
fyrir að ölvunaráhrif fari úr líkamanum.
JÓLAKAFFIÐ
frá Te & Kaffi
– ómissandi á aðventunni.
www.teogkaffi.is
PI
PA
R\
TB
W
A
•
S
ÍA
•
1
12
98
4
SPURNING DAGSINS