Fréttablaðið - 17.12.2011, Page 114

17. desember 2011 LAUGARDAGUR82
Eruð þið bestu vinir?
S: Já, litla skrímslið er langbesti
vinur minn. Eiginlega eini besti
vinur minn.
L: Stóra skrímslið er líka besti
vinur minn. En við höfum
reyndar ekkert alltaf verið
bestu vinir.
S: Nei, stundum verður litla
skrímslið eitthvað pirrað.
L: Þú ert nú ekkert betri!
Rífist þið oft?
S: Nei, ekkert oft. En litla
skrímslið hefur reyndar öskrað
á mig alveg brjálað.
L: Það var nú bara einu sinni.
Eða tvisvar.
S: Ég þoli ekki þegar litla
skrímslið öskrar á mig.
L: Ég veit, ég er með mjög háa
og sterka rödd. Og ég öskra
bara ef stóra skrímslið er fer-
lega frekt.
S: Æ, eigum við ekki að tala um
eitthvað annað, ha?
Eigið þið foreldra?
L: Auðvitað, það eiga allir for-
eldra! Ég er víst mjög líkur
mömmu – eyrun sérstaklega.
Þau eru einkenni á ættinni,
segir mamma.
S: Ég bý hjá pabba mínum. Hann
er frábær sundkappi. Hann
keppir í sjósundi úti um allt.
L: Já, skrímslaforeldrar eru
sjaldan heima. Oft að keppa eða
á ferðalögum eða bara heima að
leggja sig! En það gerir ekkert
til því skrímsli þurfa ekki neinn
til að passa sig.
S: Við pössum líka hvort annað!
L: Já, og svo verða allir að passa
sig!
S: Heyrðu, hefurðu heyrt pabba
hrjóta? Það er rosalegt!
L: Nei, en ég hef heyrt mömmu
hrjóta eins og grjótmulningsvél.
S: Grjót-hvað?
L: Grjótmulningsvél, vél sem
mylur grjót, skilurðu?
S: Ó, já …
Hvað finnst skrímslum best að
borða?
L: Ávexti og fisk.
S: Og möffins! Ekki gleyma því,
litla skrímsli!
L: Bollakökur, já, okkar finnst
kökur líka góðar. Það er gott að
setjast niður og hlusta á góða
tónlist, lesa bók og borða köku.
S: Eða veiða fisk og grilla úti í
skógi. Mér finnst það skemmti-
legra.
L: Það þarf ekkert öllum að finn-
ast það sama skemmtilegt.
Hvað er það besta sem litla
skrímslið hefur gert fyrir þig,
stóra skrímsli?
S: Það besta er þegar litla
skrímslið býður mér að gista hjá
sér! Og svo … æ, ég vil ekkert
tala um það. Ég var smá leiður
og svona. En þá var mjög gott að
litla skrímslið var vinur minn.
Hvað er það besta sem stóra
skrímslið hefur gert fyrir þig,
litla skrímsli?
L: Það var þegar ég lenti í
mjög dularfullum og hættuleg-
um aðstæðum. Stóra skrímslið
hjálpaði mér að reka ófreskju á
flótta.
S: Litla skrímslið var aleitt
heima, en svo kom ég.
Verður loðna skrímslið með
ykkur í leikritinu?
L: Nei, loðna skrímslið er í Sví-
þjóð hjá ömmu sinni.
S: Heppni!
L: Ha?
S: Bara, gott að vera hjá ömmu
sinni og fá piparkökur.
Hvað gera skrímsli um jólin?
S: Synda jólasjósund og borða
uppáhaldsfiskinn sinn!
L: Það synda ekkert allir sjó-
sund!
S: En það er svakalega hress-
andi.
L: Mörg skrímsli lesa mikið um
jólin. Og skreyta húsið sitt.
Fáið þið jólagjafir?
L: Við skiptumst alltaf á jóla-
gjöfum sem við búum til sjálfir.
S: Ég á eftir að búa til þína gjöf,
pabbi ætlar smá að hjálpa mér.
L: Ég er að klára þína.
Hvað langar ykkur að fá í jóla-
gjöf?
S: Mér finnst allt flott sem litla
skrímslið gerir.
L: Þínar gjafir eru líka stórfín-
ar, stóra skrímsli.
Hvort er betra að vera stór eða
lítill?
L: Lítill!
S: Stór!
L: Það er best að vera eins og
maður er.
Grátið þið einhvern tíma?
S: Ég ætlaði nú einmitt ekki að
tala um það.
L: Stór skrímsli mega gráta. Og
lítil skrímsli líka.
S: Það mega allir gráta ef þeir
þurfa. Meira að segja pabbi
minn. Og hann er hrikalega
hraustur.
Verðið þið hræddir?
S: Allir geta orðið hræddir.
L: Hárrétt, stóra skrímsli! Allir!
Eruð þið aldrei í fötum?
L: Úff, nei! Við erum með svo
þykkan feld.
S: Okkur er ekkert kalt þótt við
séum úti í snjónum.
L: En það er gott að vera í skóm.
Sumir hrækja tyggjói á göturn-
ar, brjóta glerflöskur og þess
háttar. Það er hættulegt.
S: Já, það er ömurlegt að fá
tyggjó klessu á tærnar eða gler-
brot í hælinn.
Hvað eruð þið gömul skrímsli?
S: Ég man það ekkert!
L: Skrímsli telja ekki árin eins
og fólk gerir. Það er frekar
heimskulegt. Það ruglar mann
bara. Eins og það sé hægt að
verða fullorðinn klukkan eitt-
hvað. Eða hætta að vera ungur
eitt árið.
Hvað langar ykkur að verða
þegar þið verðið fullorðin?
S: Jafn skemmtileg skrímsli!
L: Já, og jafn góðir vinir!
krakkar@frettabladid.is
82
Það mega allir
gráta ef þeir
þurfa. Meira að segja
pabbi minn. Og hann
er hrikalega hraustur.
Þú getur sent brandara til krakkar@frettabladid.is
Einu sinni var strákur sem
fór á bókasafn og spurði: „Ég
ætla að fá eina pylsu með
öllu.“
Þá sagði konan á bókasafn-
inu: „Fyrirgefðu, en þetta er
bókasafn.“
Þá hvíslaði strákurinn: „Ó,
ég ætla að fá eina pylsu með
öllu.“
Júlíana Karitas 8 ára.
„Af hverju lakka fílarnir
táneglurnar rauðar?“
„Bara veit það ekki.“
„Til þess að þeir sjáist ekki
innan um jarðarberin.“
„Þú hefur augun hennar
mömmu þinnar og nefið hans
pabba þíns,“ sagði frænkan.
„Já, og buxurnar hans bróður
míns,“ sagði barnið.
„Þjónn, það er fluga í súp-
unni.“
„Jæja, það kostar ekkert
aukalega.“
Á SLÓÐINNI WWW.FISHER-PRICE.COM er að finna alls kyns fróðleik og
skemmtilegheit fyrir lítil börn. Þar er meðal annars hægt að lita tölvumyndir og fara í leiki.
Þar er auk þess að finna vefverslun með ógrynni leikfanga.
SKRÍMSLI Í JÓLASJÓSUNDI
Litla skrímslið og stóra skrímslið eru bestu vinir. Samt rífast þau stundum og þá
öskrar litla skrímslið á það stóra. Skrímslin verða saman öll jólin og skemmta
börnum í Þjóðleikhúsinu allt fram í janúar.