Morgunblaðið - 15.01.2011, Qupperneq 21

FRÉTTIR 21Innlent
MORGUNBLAÐIÐ LAUGARDAGUR 15. JANÚAR 2011
Á rúmum tveimur árum hafa Holl-
vinasamtök Sjúkrahúss Seyðis-
fjarðar, HSSS, og velunnarar fært
sjúkrahúsinu að gjöf tæki og hús-
gögn, að verðmæti um 15 milljónir
króna.
12. janúar sl. færðu Hollvina-
samtökin sjúkrahúsinu að gjöf
„stafrænan röntgenbúnað“ en
sjúkrahúsið var eina heilbrigðis-
stofnunin innan HSA sem ekki átti
slíkan búnað.
HSSS hrinti af stað öflugri söfn-
un fyrir búnaðinum á fjölmennum
samstöðufundi í Herðubreið 5. nóv.
sl. Á 50 dögum söfnuðust rúmar 6
milljónir kr. hjá bæjarbúum, fé-
lögum og fyrirtækjum á staðnum.
Þorvaldur Jóhannsson, formaður
HSSS, afhenti Ólafi Sveinbjörns-
syni, yfirlækni sjúkrahússins, bún-
aðinn f.h. velunnara með gjafa-
bréfi. Búnaðurinn er þegar
uppsettur á sjúkrahúsinu.
Á Sjúkrahúsinu á Seyðisfirði er
sérhæfð heilabilunardeild HSA með
öflugu sérhæfðu starfsliði, sú eina á
Austurlandi.
Gáfu röntgenbúnað
til sjúkrahússins
Stjórn Þroskahjálpar á Suðurlandi
ræddi tilfærslu málefna fatlaðra á
fundi 12. janúar sl. Stjórnin lýsir
furðu sinni yfir óvissu sem fylgir
málaflokki fatlaðra við þessar
ástæður.
Stjórnin bendir meðal annars á í
ályktun að mat hafi ekki verið gert
á öllum fyrverandi skjólstæðingum
Svæðisskrifstofu málefna fatlaðra á
Suðurlandi.
Þá liggi ekki fyrir hver hefur
með málefni fatlaðra á svæðinu að
gera. Eins ríki óvissa um stjórn-
sýslulega skipan varðandi fjöl-
marga þætti málaflokksins.
Lýsa furðu yfir
óvissu sem ríkir
Frumkvöðlakeppni Innovit, Gull-
eggið 2011, hefst brátt. Markmiðið
er að hjálpa hugmyndum að verða
að veruleika. Allir sem luma á við-
skiptahugmyndum eru því hvattir
til þess að senda þær inn í keppnina
og fá í kjölfarið aðstoð við að
breyta hugmyndunum í fullbúnar
viðskiptaáætlanir. Allir sem hafa
viðskiptahugmynd geta farið inn á
www.gulleggid.is og sent inn sína
hugmynd fyrir 20. janúar 2011.
Fullur trúnaður ríkir vegna þeirra
hugmynda sem sendar eru inn.
Gulleggið 2011
Dr. Kári Stef-
ánsson, stofn-
andi, forstjóri og
yfirmaður rann-
sókna Íslenskrar
erfðagreiningar,
flytur erindið
„Hönnun manns
– hvernig mað-
urinn skapast af
samspili erfða og
umhverfis“ við
Háskóla Íslands í tilefni aldar-
afmælis Háskóla Íslands. Erindi
Kára Stefánssonar er hið fyrsta í
röð hátíðarfyrirlestra rektors á af-
mælisári.
Fyrirlesturinn fer fram í Hátíða-
sal Háskóla Íslands í dag, laug-
ardaginn 15. janúar kl. 15, og er öll-
um opinn.
Flytur fyrirlestur um
hönnun mannsins
Kári Stefánsson
STUTT
Skráð atvinnuleysi í desember 2010
var 8% af þeim sem eru á vinnu-
markaði á Íslandi. Að meðaltali voru
12.745 manns atvinnulausir í mán-
uðinum, segir í yfirliti Vinnumála-
stofnunar. Atvinnuleysi eykst um
0,3% frá nóvember 2010 eða um 382
manns að meðaltali.
Mest fjölgar atvinnulausum hlut-
fallslega á Vestfjörðum en þar fjölg-
ar um 30 manns á atvinnuleysisskrá
að meðaltali. Atvinnuleysið er 8,5% á
höfuðborgarsvæðinu en 7% á lands-
byggðinni. Mest er það á Suðurnesj-
um, 13,1%, en minnst á Norðurlandi
vestra, 3,1%. Vinnumálastofnun
áætlar að atvinnuleysið í janúar 2011
aukist og verði á bilinu 8,3-8,6%.
Alls voru 13.972 atvinnulausir í lok
desember. Þeir sem voru atvinnu-
lausir að fullu voru hins vegar
11.647, af þeim voru 3.211 í einhvers
konar úrræðum á vegum Vinnu-
málastofnunar, auk þess sem mikill
fjöldi fer í ráðgjafarviðtöl, á kynn-
ingarfundi og í vinnumiðlun.
Fjölgun atvinnulausra í lok des-
embermánaðar frá lokum nóvember
nam 353 en 316 fleiri karlar voru á
skrá og 37 fleiri konur m.v. nóvemer.
Á landsbyggðinni fjölgar um 271 en
um 82 á höfuðborgarsvæðinu.
Langtímaatvinnuleysi eykst
Fjöldi þeirra sem hafa verið at-
vinnulausir lengur en 6 mánuði er nú
7.221 og fjölgar um 20 frá lokum
nóvember og er um 52% þeirra sem
voru á atvinnuleysisskrá í lok des-
ember. Þeim sem verið hafa atvinnu-
lausir í meira en eitt ár fjölgar úr
4.649 í lok nóvember í 4.696 í lok des-
ember.
Alls voru 2.377 á aldrinum 16-24
ára atvinnulausir í lok desember en
2.329 í lok nóvember eða um 17%
allra atvinnulausra í desember og
fjölgar um 48 frá því í nóvember.
Í desember 2009 var fjöldi at-
vinnulausra ungmenna 2.754 og hef-
ur því fækkað í þeim hópi um 377 frá
desember 2009. sisi@mbl.is
Atvinnuleysi í desember var 8%
 Atvinnulausum fjölgaði hlutfallslega mest á Vestfjörðum  13,1% án vinnu á
Suðurnesjum  52% þeirra sem eru á skrá án atvinnu í meira en 6 mánuði
Altarisklæði og höklar sem fengnir eru að
láni frá ýmsum kirkjum landsins eins og
Akureyrarkirkju, Landakirkju í
Vestmannaeyjum, Seltjarnarneskirkju og
Langholtskirkju verða til sýnis.
Einnig nokkrar vatnslitamyndir, trúarlegs
eðlis eftir Herder.
Höklar og vatnslitamyndir til sölu.
Sýningin stendur yfir til 6. febrúar.
Í dag 15. janúar 2011 kl. 16.00
verður opnuð sýning á
HÖKLUM
hannaðir og
saumaðir af
HERDER
HÖKLAR
HERDER
Séra Jón Helgi Þórarinsson
býður gesti velkomna.
Rakel Björnsdóttir syngur einsöng.
Langholtsdætur syngja.
Sýningin er opin alla daga frá 12-17, lokað mánudaga.
Norræna húsið, Sturlugata 5, 101 Reykjavík, sími 551 7030,
nh@nordice.is, norraenahusid.is