Vera - 01.08.2001, Blaðsíða 32

Konur | lýðræði
Reykjavík Vilnius
Kaupstefna hugmynda í janfréttismálum
Dagana 15. - 17. júní sl. var haldin ráðstefna
í Vilnius í Litháen sem nefndist WoMen and
Democracy: From Reykjavik to Vilnius.
Um 40 þátttakendur fóru frá íslandi á ráðstefn-
una, þeirra á meðal Tinna Arnardóttir fulltrúi
Bríetanna og Rósa Erlingsdóttir fulltrúi Háskóla
íslands. Þær tóku saman eftirfarandi efni
um ráðstefnuna.
í október 1999 stóð rfkisstjórn íslands í samvinnu við ríkisstjórn
Bandaríkjanna og Norræna ráðherraráðið fyrir ráðstefnunni Konur og
lýðræði við árþúsundamót. Þátttakendur voru frá íslandi, Bandaríkjun-
um, Rússlandi, Norðurlöndunum og Eystrasaltsríkjunum og íVilnius
bættust við fulltrúar frá Póllandi, Þýskaiandi og Evrópuráðinu. Tilgang-
ur ráðstefnunnar í Reykjavík var að skapa umræðuvettvang fólks sem
vinnur á sviði jafnréttismála og hefur áhuga á lýðræðisþróun með til-
liti til þjóðfélagslegrar stöðu kvenna í umræddum löndum. Ráðstefn-
unni var ætlað að vera upphaf að framkvæmdaferli á þessu sviði og
síðan yrði haldin framhaldsráðstefna innan tveggja ára þar sem árang-
ur verkefnanna yrði metinn og drög lögð að framhaldi þeirra og nýjum
verkefnum. í Reykjavík var einnig lagður grunnur að margvíslegum
tengslanetum sem nýtast einstaklingum, fyrirtækjum og stofnunum í
öllum þessum löndum. Stefanía Óskarsdóttir stjórnmálafræðingur var
ráðin til starfa í forsætisráðuneytinu sem tengiliður við framkvæmda-
aðila verkefna og til að leggja mat á það fjármagn sem safnaðist á ráð-
stefnunni í Reykjavík. Svokölluð þjóðanefnd, skipuð fulltrúum allra
þátttökulandanna, hafði yfirumsjón með skipulagningu ráðstefnunnar
í Vilnius og eftirfylgni með verkefnunum. Tveir fulltrúar voru frá hverju
þátttökulandi og voru Sigríður Dúna Kristmundsdóttir, tilnefnd af ut-
anríkisráðuneyti, og Sigríður Lillý Baldursdóttir, tilnefnd af félagsmála-
ráðuneyti, fulltrúar íslands í þjóðanefndinni.
Á ráðstefnunni Konur og lýðræði við árþúsundamót var lögð á-
hersla á að virkja aðila utan opinbera geirans til að leggja ýmsum
verkefnum tengdum konum og jafnrétt-
ismálum lið og var fulltrúum fjölmargra
samtaka og fyrirtækja boðin þátttaka á
ráðstefnunni. Óhætt er að fullyrða að
án þátttöku þeirra hefðu fjölmörg verk-
efni ekki orðið að veruleika. Með þátt-
töku á ráðstefnunni hétu einkafyrirtæki
og samtök því að að leggja fram þekk-
ingu, vinnu og/eða fjármagn til verk-
efna sem stofnað yrði til í þátttöku-
löndunum meðan á framkvæmdaferl-
inu stendur. Ráðstefnurnar tvær hafa
því verið nefndar "kaupstefnur hug-
myndanna" meðal kvenna sem komið
hafa að kvenfrelsisbaráttu á íslandi síð-
astliðna áratugi. Kveður þar við nýjan
tón í jafnréttismálum. Upplýsingaskrif-
stofa Norræna ráðherraráðsins íVilnius
hefur safnað saman upplýsingum um
verkefnin sem hrundið hefur verið af
stað í þátttökulöndunum og má finna
þær á slóðinni: http://www.nmr.lt/ Þar
er einnig að finna niðurstöður vinnu-
hópa ráðstefnunnar.
32