Vera - 01.12.2001, Side 28

Elísabet Þorgeirsdóttir

0* fremdarástand skapaðist á mörgum sjúkrastofn-
unum í landinu þegar langlundargeð sjúkraliða
þraut og þær gripu til aðgerða í byrjun október
eftir að samningar höfðu verið lausir síðan 1. nóvem-
ber í fyrra. Verkfallsaðgerðirnar höfðu veruleg áhrif á
starfsemi margra sjúkrastofnana og einnig kom það
illa við starfsemi Landspítalans að um 100 sjúkraliðar
hættu þar störfum 1. október vegna of lágra launa.
Allir vissu að semja varð við sjúkraliða og því er erfitt
að skilja að svona langan tíma og heiftúðugar aðgerð-
ir hafi þurft til þess eins að fá viðurkenningu á því að
sjúkraliðar höfðu dregist verulega aftur úr öðrum stétt-
um. Þetta gerðist þrátt fyrir að vitað sé að um 1000
sjúkraliða vantar til starfa í landinu og að nýliðun í
stéttinni er mjög lítil. Skyldi skýringin vera sú að þarna
er um að ræða kvennastétt í umönnunarstarfi?
í þessari erfiðu deilu stóð Kristín Á. Guðmundsdóttir
formaður Sjúkraliðafélagsins fremst í flokki og vakti at-
hygli fyrir skörungsskap og þrautseigju. Hún gafst ekki
upp, þrátt fyrir mikinn þrýsting og erfiðar aðgerðir, og
þann 21. nóvember náðist samningur við fjármálaráðu-
neytið og nær allar sjúkrastofnanir landsins sem felur í
sér möguleika á umtalsverðum kjarabótum. Þegar Krist-
ín er beðin að rifja upp aðdraganda þessarar erfiðu
kjaradeilu getur hún ekki annað en sett út á vinnubrögð
ríkisins en samkvæmt lögum er samið um viðræðuá-
ætlun áður en samningar renna út og er mikil vinna
lögð í gerð hennar en hún er síðan marklaust plagg.
Vfða erlendis er það hins vegar svo að ef ekki hefur
tekist að semja áður en samningar renna út, og ekki
hefur verið ákveðið að fara f verkfall, fer málið í gerðar-
dóm og báðir aðilar missa samningsréttinn. „Eftir að
samningarnir runnu út 1. nóvember 2000 margbáðum
við um fund með samninganefnd ríkisins til að leggja
fram kröfugerð okkar en því var aldrei svarað. Ég gat
loks komið kröfugerðinni f hendur formanns samninga-
nefndarinnar í janúar, sfðan heyrðist ekkert frá þeim,
við vorum aldrei boðaðar til fundar. f apríl, þegar engin
gögn höfðu borist frá samninganefndinni né önnur
samningaviðleitni sýnileg, ákváðum við að vísa málinu
til rfkissáttasemjara. Okkur barst sfðan tilboð frá samn-
inganefndinni í ágúst en höfnuðum því, enda var þar á
engan hátt reynt að koma til móts við okkar kröfur. Bilið
milli grunnlauna sjúkraliða og annarra stétta hafði
breikkað mikið undanfarin misseri, þau voru 80% af
launum hjúkrunarfræðinga 1994 en voru komin niður í
65%. Við urðum því að ná gagngerum breytingum á
okkar kjörum núna, það má segja að um framtíð stétt-
arinnar hafi verið að ræða," segir Kristín.
W
ður en lengra er haldið biðjum við Kristínu að
segja okkur svolítið af sjálfri sér. Hvaðan fékk
hún þetta úthald og þessa þrautseigju? „Þann
eiginleika, að gefast ekki upp, hef ég líklega fengið frá
móður minni því ég fylgdist með henni berjast áfram,
gefast ekki upp, þegar hún varð ekkja með sex börn,
28