Vera - 01.06.2004, Page 30

Erfit
að vinna
„venjul
fólk
»Elín Ebba Ásmundsdóttir er forstöðuiðjuþjálfi á Geðdeild LSH. Hún er líka
lektor við Háskólann á Akureyri og kennir þar sálfélagslega nálgun, auk þess að
halda fyrirlestra fyrir almenning. Hún hefur unnið með geðsjúkum í tengslum við
Geðrækt og nú er hún hluti af félagsskapnum Hugarafl, sem m.a. stefnir að því að
geðsjúkir vinni að rannsóknum með heilbrigðisstarfsfólki.
Elín Ebba er óvenjuleg kona og sérlega glaðvær. Hún talar fjálglega um
kaffihúsið Kaffi Klikk, sem hana dreymir um að geðsjúkir reki í miðborg
Reykjavíkur. Hún beitir sérkennilegri tækni í fyrirlestrum sínum - sem m.a. hefur
birst þannig að hún hefur stokkið upp á borð og tekið yfirlækna ofan af palli og
hún vill láta fólk hlæja, alveg óháð því hvort því þyki eitthvað fyndið.
Elín Ebba hefur líka mjög ákveðnar hugmyndir um hvað manneskjur þurfa til
þess að geta verið hamingjusamar og það tengist allt blómamynstrinu í buxunum
hennar. Er konan klikk eða hvað er á seyði? Þórunn Hrefna Sigurjónsdóttir hitti
hana um daginn í fallega bakhúsinu hennar við Laugaveg.
30 / 3. tbl. / 2004 / vera