Almanak Hins íslenska þjóðvinafélags - 01.01.1897, Qupperneq 24

hann fyr og fyr í hádegisstað, seinast í Marts kl. 6. í Apríl og
Maí sjest hann enn alla nóttina á vestnrloptinu. í Júní hverfur
hann í dagsbjarmanum og er ósýnilegur það sem eptir er árs.
Mars, sem er rauðleitur að lit, heldur í Janúar kyrru fyrir hjer-
umbil 10° fyrir norðan aðalstjörnuna í Dxamerki, Aldebaran
(Uxaaugað), sem einnig er rauð að lit. Síðan færist hann austur
á við, gengur 28. Eebrúar 8 0 fyrir sunnan (3 tauri (Dxahornið)
og í miðjum Marts inn í Tvíbura; í byrjun Maímánaðar gengur
hann fram hjá aðalstjörnum merkis þessa, Castor og Pollux, og
fyrir sunnan þær, og síðan inn í Krabbamerki. Fjarlægð Mars
frá jörðu er við ársbyrjun 13 mill. mílna; hann fjarlægist svo
meir og meir, uns hann í Ndvember gengur bak við sól og er
lengst burtu, 50 mill. mílna frá jörðinni.
Júpiter kemur upp um náttmál við byrjun ársins. 23.
Febrúar er hann gagnvart sói og í hádegisstað um miðnætti, 37°
yfir sjóndeildarhring í Keykjavík. Hann er í Marts og Apríl á
lopti alla nóttina, gengur við lok Maímánaðar undir kl. 2 á morgn-
ana og hverfur sýnum í Júnímánuði. 13. September gengur hann
bak við sól, og kemur síðan í Ijós á austurlopti; í miðjum Októ-
ber kemur hann upp kl. 4 að morgni, seinast í Nóvember kl. 2
og við árslok um miðnætti. Júpíter er hina fyrstu máuuði ársins
á vesturferð í Ljónsmerki og nálgast þá aðalstjörnu merkis þessa,
Regulus (Ljónshjartað). Við lok Aprílmánaðar er hann aðeins 2°
fyrir austan stjörnu þessa, en svo snýr hann við og fjarlægist
hana aptur austur á við. Hina þrjá síðustu mánuði ársins er hann
á ferð austur á við í Meyjarmerki.
Satúrnus kemur við ársbyrjun upp hálfri stundu fyrir miðjan
morgun, en flýtir síðan uppkomu sinni svo að hann seinast í
Marts kemur upp um miitnætti. 18. Maí er hann gagnvart sól
og hæst á lopti um miðnætti, en hann er þá svo sunnarlega á
himni, að hann ekki kemst nema 9° yfir sjóndeildarhring í
Reykjavík. í byrjun Júlímánaðar gengnr hann undir um miðnætti
og er ósýnilegur um hina næstu mánuði. 25. Nóvember gengur
hann bak við sól, og í December fer hann að koma í ljós á
austurlopti; við árslok kemur hann upp 3 stundum undan sól.
Satúrnus er allt árið að sjá í Sporðdrekamerki; þar er hanu fyrst
á ferð r.ustur á við; síðan snýr hann við og er á vesturferð frá
því í miðjum Marts og þangað til seinast í Júlí; eptir það snýr
hann aptnr austur á leið. I miðjum Marts er hann ekki nema 1°
fyrir vestan (3 scorpii (Sporðdrekaaugað). í December er hann
kominn austur fyrir stjörnu þessa.