Almanak Hins íslenska þjóðvinafélags - 01.01.1922, Blaðsíða 50

voru gefia í sérstöku kveri 1918. Eru þar í nokkur
af hinum beztu kvæðum hans, t. d. The Sons of
Martha, The Thousandth Man, The Long Trail og hið
gullfagra If, sem Englendingar meta svo mikils, að
þeir láta það hanga á veggjunum í skólum sinum.
Pegar við höfum eignast af því kvæði slíka þýðingu
og þá, sem Danir eiga, verður það vonandi tekið
upp í hverja einustu lesbók handa börnum og ung-
lingum á íslandi.
Af leikritum mun Kipling ekki hafa samið nema
eitt, The Ilarbour Walch (1913), er eigi vakti neina
sérstaka athygli. f félagi við G. R. L. Fletcher ritaði
hann Hislorij of England (skólabók), sem Clarendon
Press gaf út 1911. Tvær sögur eftir hann, Hvíli sel-
urinn og Sjómannalíf, hafa birzt á íslenzku.
Rit Kiplings eru full af fjöri og lífi, og fyrir þá
sök er hressandi að lesa þau. Með sumum þeirra
hefir hann rýmkað svið Norðurálfu-bókmentanna.
Eru það einkum sögurnar sem gerast á Indlandi og
lýsa lífi og háttum þar. Hann hefir bezt allra rithöf-
unda lýst mannraunum ensku hermannanna þar
eystra. En hann hefir lítið fengist við að ráða hinar
þyngri gátur lífsins eða leysa úr erfiðum viðfangs-
efnum mannkynsins. Hjá honum er ekki að jafnaði
að finna þá djúphygni og þann mikla rannsóknar-
anda, sem einkent hefir svo mörg af ágætustu sagna-
skáldum Breta.
Snæbjörn Jónsson.
Maeterlinck.
Um og eftir 1890 varð stefna sú ríkjandi í skáld-
skap og lístum víðsvegar um Evrópu, er nefnd hefir
verið raunhyggja (Naturalísmus). Leituðust skáld þessi
við að lýsa náttúrunni og lifi manna eins og það
gerðist í raun og veru og komust þeir að þeirri nið-
(16)