Almanak Hins íslenska þjóðvinafélags - 01.01.1922, Page 61

ingu víðsvegar og fengið Nóbelsverðlaun fyrir skáld-
rit sín.
»Maleine prinsessa« (La princesse Maleine) kom
fyrst út 1889 og »Blindingjarnir« (Les Aveugles)
1890. Leikrit þessi voru þýdd á dönsku og komu út
hjá Gyldendal tveim árum á eftir. Heíi eg áður
bent á,1) að nokkurra áhrifa Maeterlincks gæti i leik-
riti Indriða Einarssonar »Skipið sekkur«. f*á mun
og Guttormur J. Guttormsson skáld í Ameríku hafa
orðið fyrir allverulegum áhrifum af ritum Maeter-
lincks (sjá leikrit hans í »Óðni«).
Alexander Jóhannesson.
Foch niarskálkur.
Hann er fæddur i bænum Tarbes í Suður-Frakk-
landi, rétt við Pyreneafjöll, þ. 2. dag októbermán-
aðar árið 1851 og er því maður sjötugur. Faðir hans
var ættaður af þessum stöðvum og höfðu forfeður
hans átt þar eignir og óðul um langan aldur; var
hann um hríð málfærslumaður, en gegndi síðar öðr-
um störfum þar suður frá. Móðir Fochs var dóttir
eins af herforingjum Napoleons mikla, og hét sá
Dupré. Kunni hún frá mörgu að segja úr lífi föður
síns og keisarans mikla, og hlýddi sonurinn einatt
hugfanginn á frægðarsögur þær. Atti margt af því, er
svo mjög snart hann þá, að rætast á honum sjálfum
síðar meir, er eitthvert geigvænlegasta hervald heims-
ins hlaut að lúta boði hans og banni. Uppeldi fékk
hann afbragðsgott og var snemma settur til menta;
kom þar brátt í ljós, að þessi skýri sveinn var mjög
hneigður fyrir sagnavísindi og stærðfræði, sérstak-
lega jarðmælingafræði. Árið 1870 dró til hins nafn-
kunna ófriðar með Frökkum og Pjóðverjum, og var
1) ísafold, 1. des. 1915.
(27)