Tímarit Þjóðræknisfélags Íslendinga - 01.01.1953, Síða 84

66
TÍMARIT ÞJÓÐRÆKNISFÉLAGS ÍSLENDINGA
dælings að Stóru-Völlum, Eiríks-
sonar, og konu hans Katrínar
Bjarnadóttur prests að Eyjadalsá
Magnússonar prests að Auðkúlu,
Eiríkssonar. Móðir séra Bjarna en
kona Magnúsar prests, var Steinvör
Pétursdóttir Filippussonar bónda að
Svínavatni, er veginn var að Auð-
kúlu, 1548, Þórarinssonar lögréttu-
manns sama staðar, Jónssonar. Móð-
ir Péturs, kona Filippusar, var Sol-
veig systir Magnúsar prúða. Voru
þau alsystkin sjö. Foreldrar þeirra
voru Jón höfðingi á Svalbarði vjð
Eyjafjörð Magnússon sýslumanns að
Skriðu, Þorkelssonar, og fyrri kona
Jóns: Ragnheiður „á rauðum sokk-
um“ Pétursdóttir, sem er beinn karl-
leggur til Lofts ríka. En móðir Jóns
á Svalbarði, og kona Magnúsar í
Skriðu, var Kristín Eyjólfsdóttir frá
Urðum — beinn karlleggur Urðverja
(„Riddaranna í Svarfaðardal“) til
Þorsteins Eyjólfssonar á Urðum,
hins mikla höfðingja íslands allan
síðari hluta fjórtándu aldar. [Sbr.
I. B., 35 nm. og II. B., 295 nm. og
víðar]. — Ragnheiður Pálsdóttir
(c. 1816—1897), kona Jóhanns Halls-
sonar að Hallsson,1 var dóttir Páls
prests á Brúarlandi í Deildardal
Erlendssonar klausturhaldara að
Munka-Þverá, Hjálmarssonar. Móðir
séra Páls og fyrri kona Erlendar, var
Karítas dóttir Sveins lögmanns
Sölvasonar á Munka-Þverá og konu
hans Málmfríðar Jónsdóttur, systur
Þórarins sýslumanns að Grund í
Eyjafirði. Er sú ætt rakin til Sveins
prests að Barði, í II. B. 165, bróður
1) StaSarnafn þetta (föiSurnafn J. P. H.)
sem gefiS var hinni fyrstu bygö íslendinga
í Dakota, er alls sta'ðar rita'S Hallson, en
a( gömlum íslenzkum vana, er essinu
haldið hér í staðarnafninu eins og manns-
nafninu.
Guðmundar á Siglunesi forföður
Jóhanns Hallssonar. Móðir Ragn-
heiðar, kona séra Páls, var Elín dótt-
ir Halldórs Vídalíns klausturhaldara
að Reynistað í Skagafirði. Er sá ætt-
leggur nokkuð rakinn í II. B., 265,
og þar getið fyrri manns Ragnheiðar,
Jóhanns Kristjáns Schrams, bónda i
Höfða á Höfðaströnd (d. 1845), 1
sambandi við vesturför (1874) þeirra
hálfsystkinanna, Jósefs Schrams af
fyrra hjónabandi, og Ragnheiðar
Halldóru [Schram] af seinna hjóna-
bandi, sem hér að framan hefir verið
minst, — konu Gísla Egilssonar. Er
líklegt, að fleiri af börnum Jóhanns
og Ragnheiðar en Jóhann sá, er dag-
bækurnar hélt, hafi nefnt sig ættar-
nafni fyrra manns hennar, og má
ske hún einnig meðan hún var
heima. — Jóhann P. Hallsson ólst
upp í föðurgarði í Geldingaholti,
þar til hann varð fulltíða maður.
Þótti hann snemma greindur vel og
söngmaður mikill. Um eða eftir
1845, ræðst hann til ekkjunnar
Ragnheiðar Pálsdóttur [Schram]
húsfreyju í Höfða á Höfðaströnd,
sem mist hafði mann sinn í sjóinm
Kvongast hann henni nokkuru
seinna og býr þar nokkur ár. Þaðan
flytja þau hjón búferlum fram
Skriðulandi í Kolbeinsdal, ,,°£
bjuggu þar þangað til 1857, að skriða
féll á bæinn og sópaði burt og eyð1'
lagði allan fjárstofn, að undantekn-
um kúnum“. Mun þetta hafa skeð
að hausti til og þau fluttu þaðan
strax á vegum Benedikts Vigfússon-
ar prófasts að Hólum, nær því eignU'
laus, í óræktarkot fremst í austan-
verðum Hjaltadal, sem lá undir
Hóla, og ekki var búið á nema annað
slagið, en nú hefir verið í eyði síðan
fyrir aldamót. Um vorið munu þaU