Fréttablaðið - 05.04.2012, Qupperneq 29

| FÓLK| 3
Fyrirtækið Hundrað prósent heilsa setti nýverið á markað hunangs-eplaediksdrykkinn
Alpha Daily. Vörumerkið Alpha
Daily er alíslenskt en auk drykkjar-
ins eru fleiri vöruflokkar í pípunum,
þar á meðal hunang. Framleiðslan
og hugvitið eru íslensk en hráefnið
að mestu innflutt fyrir utan vatnið.
Fyrirtækið hóf starfsemi á síðasta
ári og er staðsett að Smiðjuvegi 38.
Alpha Daily fæst nú þegar í um 30
verslunum; Hagkaupum, Fjarðar-
kaupum, Víði, Kaskó, Kosti og í
öllum helstu heilsubúðum. Boðið er
upp á endurvinnslutilboð hjá fyrir-
tækinu, en með því að safna sex
flöskum og skila þeim á Smiðjuveg
fást sex fullar flöskur á verði fimm.
VIRKNI OG BÆTT HEILSA
Læknirinn Hallgrímur Magnússon
hefur í gegnum tíðina talað fyrir
bættu mataræði fólks og mikilvægi
þess að viðhalda réttu pH-gildi
líkamans. „Ég hef verið að vesenast
í þessu í 20 ár og ráðlagt fólki í fyrir-
lestrum mínum að drekka eplaedik
15 til 20 mínútum fyrir mat og bæta
þannig meltinguna,“ segir Hall-
grímur. Hann sjálfur kemur ekki að
framleiðslu Alpha Daily en vill leggja
þessum góða drykk lið í þeirri von
að bæta heilsu fólks. Hallgrímur
segir drykkjarblönduna hafa fylgt
manninum frá örófi alda sem heilsu-
drykkur og virku efnin í honum
hafa öll ákveðna líffræðilega virkni
í líkamanum. „Óreganó, eplaedik
og hunang eiga það sameiginlegt
að færa í líkamann efni sem halda
honum söltum, en það er mjög mikil-
vægt fyrir heilsu líkamans.“ Hall-
grímur bendir á mikilvægi þess að
vinna á móti súrum líkama og óheil-
brigðu mataræði nútímans og mælir
með að fólk skoði mataræði sitt vel.
Hann segir flesta sjúkdóma mega
rekja til þess að líkaminn verði of
súr. „pH gildi Coca Cola er til dæmis
2,8 sem er mun súrara en manns-
líkaminn sem er pH 7,3-7,4. Það er
gríðarlegt bil þarna á milli. Smátt
og smátt notum við okkar birgðir af
efnum til að viðhalda sýrustiginu;
líkt og þegar Coca Cola er drukkið
þá jafnar líkaminn niður sýrustigið,
en við of mikla neyslu kemur að
því að hann nær ekki að halda í við
neysluna og þá fer glerungurinn að
eyðast og aðrir sjúkdómar að láta á
sér kræla en Alpha Daily drykkurinn
vinnur á móti því. Þetta er svona
grunnhugsunin í þessu.“
EPLAEDIK
Eplaedikið sem notað er í drykkinn
er fyrsta flokks; ógerilsneytt, óeim-
að og innflutt frá Þýskalandi. Um
edikið segir Hallgrímur: „Eplaedik
sem slíkt er súrt en með hunanginu
dregur maður úr sýrunni. Það sem
gerist með eplaedikið þegar það
kemur í líkamann er að það brennur
upp til grunna og færir líkamanum
þau efni sem gera hann saltan. Líkt
og þegar sítróna er innbyrt þá er
hún súr en þegar hún er búin að
brenna í líkamanum þá færir hún
okkur efnin kalíum, magnesíum,
natríum og kalsíum sem gera líkam-
ann saltan.“
HUNANG
Hvað virkni hunangsins varðar
segir hann að það innihaldi margfalt
meira af kalíumi en nokkuð annað
efni í náttúrunni og sé mikilvægt
saltstjórn líkamans ásamt magn-
esíum, natríum og kalsíum. Aðeins
er notað hráhunang í Alpha Daily,
sem er minna unnið en hefðbundið
hunang. „Hunangið er lífrænt hun-
ang frá Mið- og Suður-Ameríku og
blómaakurinn sem flugurnar sækja
hunangið á er með mjög fjölbreyttri
blómaflóru. Það er ekki hitað við
vinnslu heldur kaldhreinsað og
heldur þannig öllum ensímum. Þetta
er því fyrsta flokks hunang.“
ÓREGANÓ
Óreganó er krydd sem flestir ættu
að þekkja úr eldhúsinu heima hjá
sér og segir Hallgrímur virkni þess
vera þá að „það hvetji örverurnar í
þörmunum til að mynda betri mjólk-
ursýrubakteríur og vinni þannig á
móti sveppi og öðrum örverum sem
eru sjúkdómavaldandi.“
MELTING OG SJÚKDÓMAR
Hallgrímur segir að gamla náttúru-
læknisfræðin segi að 95% af öllum
vandamálum líkamans megi rekja til
meltingarvegarins og að eplaedik,
hunang og óreganó stuðli að heil-
brigðri bakteríuflóru í meltingar-
veginum. Hallgrímur mælir með að
drykkurinn sé drukkinn rétt fyrir
mat til að hjálpa líkamanum að búa
til saltsýru í magasýrunni svo fyrsta
þrep meltingarinnar verði betra.
„Þegar fyrsta þrep meltingarinnar er
betra verður restin af meltingunni
betri. Þetta vinnur á móti þeirri
geggjun sem mataræði nú til dags
er fullt af.“ Hann mælir einnig með
því að drykkurinn sé drukkinn við
stofuhita. „Þegar drukknir eru ís-
kaldir drykkir þarf líkaminn að ná
sér í blóð og beina blóðrásinni upp
í magann áður en hann hleypir því
í gegn, sem gerist ekki fyrr en vökv-
inn er orðinn 35 til 36 gráður. Það
hefur auðvitað neikvæðar afleið-
ingar fyrir alla meltinguna með til-
heyrandi vandamálum.“ Hallgrímur
segir að í einhverjum tilfellum hafi
fólk læknast eða jafnvel getað hald-
ið niðri magabólgum með því að
drekka eplaedik í stað lyfjainntöku.
Þannig hafi það sparað sér og ríkinu
mikinn pening og öðlast varanlegan
bata í leiðinni.
NÝR HEILSUDRYKKUR Á MARKAÐ
HUNDRAÐ PRÓSENT HEILSA KYNNIR Fyrirtækið Hundrað prósent heilsa setti nýverið á markað heilsudrykkinn Alpha Daily.
Drykkurinn er unninn úr eplaediki, hunangi og óreganó. Hallgrímur Magnússon læknir segir þessi efni eiga það sameiginlegt að
halda líkamanum söltum og vinna móti hinum ýmsu kvillum.
FYRSTA FLOKKS
HRÁEFNI Eplaedikið
sem notað er í drykkinn
er fyrsta flokks, ógeril-
sneytt, óeimað og inn-
flutt frá Þýskalandi.
DRYKKUR MEÐ
VIRKNI Hallgrímur seg-
ir drykkjarblönduna hafa
fylgt manninum frá örófi
alda sem heilsudrykkur
og virku efnin í honum
hafa öll ákveðna líffræði-
lega virkni í líkamanum.