Fréttablaðið - 05.04.2012, Page 62

5. apríl 2012 FIMMTUDAGUR42
sport@frettabladid.is
VIGNIR SVAVARSSON mun spila með þýska handknattleiksfélaginu Minden á næstu
leiktíð en hann hefur verið á mála hjá Hannover-Burgdorf. Minden er í efsta sæti þýsku B-
deildarinnar og fátt getur komið í veg fyrir að liðið spili í hópi þeirra bestu á næstu leiktíð.
F
ÍT
O
N
/
S
ÍA
Fimmtudag kl. 19.00
Föstudag kl. 19.00
Laugardag kl. 19.30
Sunnudag kl. 18.00
216 KR.
Á DAG
Stöð 2 Sport og fy
lgistöðvar
KAUPTU ÁSKR
IFT Á STOD2.IS
Ekkert kemur til greina nema sigur hjá íslenska landsliðinu.
TRYGGÐU ÞÉR ÁSKRIFT OG FYLGSTU MEÐ STRÁKUNUM OKKAR!
STRÁKARNIR
OKKAR
KEMST ÍSLAND
Á ÓLYMPÍULEIKANA?
UNDANKEPPNI ÓL Í BEINNI FRÁ KRÓATÍU
Þjóðaríþróttin • Þjóðarstoltið • sérútgáfa • apríl 2012
MASTERS FYRSTA
RISAMÓT ÁRS
INS í beinni
Ísland - Chile, föstudaginn langa kl. 18.05
Ísland - Japan, laugardag kl. 16.05
Ísland - Króatía, páskadag kl. 15.50
VILDARÁSKRIFT AÐ STÖÐ 2 SPORT INNIHELDUR 512 5100 STOD2.IS VERSLANIR VODAFONE VERSLANIR OG ÞJÓNUSTUVER SÍMANS 800 7000
HANDBOLTI Þetta hefur verið öðru-
vísi tímabil fyrir hinn 38 ára
gamla Ólaf Stefánsson sem missti
af fyrri hluta tímabilsins með AG
Kaupmannahöfn og missti síðan í
janúar af sínu fyrsta stórmóti í 19
ár með íslenska landsliðinu. Nú er
Ólafur hins vegar kominn á fullt á
ný, AG er að spila í úrslitakeppn-
inni í Danmörku og í átta liða
úrslitum Meistaradeildarinnar og
fram undan eru leikir sem ráða því
hvort íslenska landsliðið verði með
á Ólympíuleikunum í London.
„Það er gaman að hitta strákana
aftur en aðallega er gaman að vera
orðinn heilbrigður, því það er aðal-
baráttan,“ sagði Ólafur Stefáns-
son aðspurður um endurkomuna í
landsliðið. Hann hefur áður tekið
sér stutt leyfi en það var árið 2009
eða eftir síðustu Ólympíuleika.
Hann missti þá ekki af neinu stór-
móti eins og hann gerði nú.
„Ég ætla að vona að ákvörðun
um að vera ekki með á EM skili sér
en það hefði alveg verið út úr kú að
spila þar. Þetta var langt ferli og
erfið meiðsli og ég er ekki alveg
kominn fyrir hornið enn þá en ég
held samt að ég sé orðinn nógu
sterkur til að hjálpa,“ sagði Ólafur
og hann vill ekkert tala meira um
meiðslin.
Ísland er með Síle, Japan og
Króatíu í riðli og komast tvær
efstu þjóðirnar áfram.
„Við megum ekki fagna of
snemma eins og Gummi sagði.
Þessi lið spila allt annan handbolta
og það er mesta hættan við þá. Þú
veist ekki alveg hvar þú hefur
þessi lið. Við höfum alltaf átt í erf-
iðleikum með Kóreu og Japanir
eru svipaðir og þeir, ekki kannski
alveg að getu en í stíl. Það er stutt-
ur tími sem við höfum til að setja
okkur inn í hlutina og menn þurfa
að setja strax í gírinn.“
Það er nokkuð ljóst að þetta er
síðasti möguleikinn fyrir Ólaf að
komast inn á Ólympíuleika enda
verður hann orðinn 43 ára þegar
leikarnir fara fram í Ríó eftir fjög-
ur ár. Ólafur á nú möguleika á því
að komast á sína þriðju leika.
„Þetta er bara upp á líf eða
dauða og það er ekki eins og við
getum bætt upp fyrir þetta ein-
hvern tímann seinna. Við þurf-
um að vera þarna á staðnum á
föstudegi og laugardegi og von-
andi getum við klárað þetta fyrir
sunnudaginn,“ segir Ólafur.
Íslenska landsliðið endaði í
tíunda sæti á EM í Serbíu en hafði
verið meðal sex efstu á þremur
mótum þar á undan. Ólafur fylgd-
ist með liðinu á EM.
„Ég horfði á liðið spila á EM og
naut þess. Mér fannst gott að vera
fyrir framan sjónvarpið og vera
að vinna í mínu því ég var á rétt-
um stað þá. Ég hefði ekki verið á
réttum stað ef ég hefði verið þarna
niður frá,“ segir Ólafur.
En ganga hann og Snorri Steinn
bara beint inn í gömlu hlutverkin
sín í liðinu eftir þessa stuttu pásu?
„Við erum ekki í áskrift beint og
þurfum að sýna það í okkar spili
og með okkar félagsliðum að við
séum þess verðugir að fá að vera
hérna og æfa. Það þarf alltaf að
vera þannig,“ segir Ólafur hógvær
að lokum. ooj@frettabladid.is
Hefði verið út úr kú að spila á EM
Landsliðsfyrirliðinn Ólafur Stefánsson er kominn aftur í íslenska landsliðið í handbolta og ætlar að hjálpa
liðinu að komast inn á Ólympíuleikana í Lundúnum. Fram undan eru þrír leikir á þremur dögum í Króatíu
yfir páskana þar sem strákarnir okkar hafa tækifæri til að komast á sína þriðju Ólympíuleika í röð.
ÓLAFUR Í HÖLLINNI Í FYRRAKVÖLD Ólafur Stefánsson var mættur í íslenska lands-
liðsbúninginn á nýjan leik á móti Noregi á þriðjudagskvöldið. FRÉTTABLAÐIÐ/VALLI
HANDBOLTI Róbert Gunnarsson,
línumaður íslenska landsliðsins,
verður í sviðsljósinu í Króatíu.
„Þetta er draumur okkar allra
og að ég held allra íþróttamanna
að komast á Ólympíuleikana. Nú
er bara að taka þessa páskaviku
á fullu, vera grimmir þarna úti
og klára þetta verkefni. Þetta eru
lið sem við eigum að klára en við
þurfum samt að hafa fyrir því.
Við megum ekkert mæta þarna
með nefið upp í loftið og halda að
við séum bestir,“ segir Róbert.
„Við vitum það að við eigum að
klára þetta en við getum alveg
tapað fyrir öllum þessum liðum.
Ef við náum að stilla okkur sjálfa
af þá hef ég engar áhyggjur,“
segir Róbert sem fagnar endur-
komu Ólafs Stefánssonar og
Snorra Steins Guðjónssonar. „Það
er gríðarlega gaman að fá Óla og
Snorra aftur inn. Við erum með
alla nema Lexa sem er frábært,“
segir Róbert. - óój
Róbert Gunnarsson:
Erum með alla
nema Lexa
RÓBERT GUNNARSSON FRÉTTABLAÐIÐ/VALLI