Fréttablaðið - 05.04.2012, Síða 64

5. apríl 2012 FIMMTUDAGUR44
KÖRFUBOLTI Það skýrist í kvöld hver tvö síð-
ustu liðin verða í undanúrslitum Iceland
Express-deildar karla þegar oddaleikir átta
liða úrslitanna fara fram. Stjarnan tekur á
móti Keflavík í Ásgarði í Garðabæ og Þór
fær Snæfell í heimsókn í Icelandic Glacial-
höllina í Þorlákshöfn.
Það má segja sem svo að sætið í undanúr-
slitunum sé ekki bara undir hjá þeim Teiti
Örlygssyni, þjálfara Stjörnunnar, og Sigurði
Ingimundarsyni, þjálfara Keflavíkur, sem
eru að mætast í úrslitakeppninni í ellefta
sinn á ferlinum. Svo skemmtilega vill til að
staðan er ekki bara 5-5 milli þeirra í unnum
einvígum heldur hafa þeir jafnframt unnið
þrjá oddaleiki hvor á móti öðrum líka.
Sigurður vann þann fyrsta
þegar Keflavík sló Njarðvík
úr undanúrslitunum 1990 eftir
sigur í tvíframlengdum odda-
leik. Teitur vann síðan þrjá odda-
leiki í röð á móti Sigurði, þar á
meðal úrslitaleik um Íslands-
meistaratitilinn 1999. Sigurður
hefur síðan unnið tvo síðustu
oddaleiki þeirra félaga, úrslita-
leik um titilinn 1999, þegar Sig-
urður var þjálfari Keflavíkur en
Teitur leikmaður Njarðvíkur, og
svo þegar Njarðvík sló Stjörnuna
út úr átta liða úrslitunum fyrir
tveimur árum.
Sigurður hefur alls tekið þátt í 22 odda-
leikjum á ferlinum og unnið 13 þeirra (59
prósent) en Teitur hefur unnið 11 af 18 odda-
leikjum sínum (61 prósent), þar af tíu þeirra
sem leikmaður.
Teitur og lærisveinar hans ættu að vera
farnir að þekkja þessa stöðu mjög vel því
þeir eru fjórða árið í röð í oddaleik í átta
liða úrslitunum. Stjarnan féll úr leik 2009
og 2010 en komst áfram í fyrsta sinn í fyrra
og fór þá alla leið í úrslitaeinvígið.
Keflvíkingar eru líka vanir þessari stöðu
en þeir hafa unnið oddaleik í átta liða úrslit-
um undanfarin tvö ár en ólíkt leiknum í
kvöld þá voru þeir báðir í Toyota-höllinni í
Keflavík. - óój
Ellefta úrslitakeppniseinvígi Teits Örlygssonar og Sigurðar Ingimundarsonar endar í kvöld í sjöunda innbyrðis oddaleik þeirra félaga:
Montrétturinn er líka undir hjá þeim í kvöld
TEITUR ÖRLYGSSON OG SIGURÐUR INGIMUNDARSON
FÓTBOLTI Dregið hefur verið í
riðla fyrir lokakeppni Evrópu-
meistaramóts landsliða skipuð
leikmönnum sautján ára og yngri
sem fer fram í Slóveníu í næsta
mánuði. Átta þjóðir taka þátt í
lokakeppninni en Ísland vann
sér á dögunum inn þátttökurétt
með því að bera sigur úr býtum í
sínum milliriðli.
Ísland dróst í A-riðil og mætir
í honum sterkum liðum Frakk-
lands, Þýskalands og Georgíu
en síðastnefnda liðið gerði sér
lítið fyrir og hafði betur en bæði
Spánn og England í sínum milli-
riðli.
Hollendingar eru núverandi
Evrópumeistarar í þessum ald-
ursflokki en þeir drógust í B-riðil
ásamt gestgjöfum Slóveníu, Pól-
landi og Belgíu. Leikir í riðla-
keppninni fara fram dagana 4., 7.,
og 10. maí, undanúrslitin 13. maí
og úrslitaleikurinn 16. maí. - esá
EM U-17 í Slóveníu:
Ísland dróst í
sterkan riðil
GOLF Fyrsta stórmót ársins í
golfi, Masters-mótið á Augusta
National-vellinum, hefst í dag.
Mótsins hefur verið beðið með
mikilli eftirvæntingu enda hefur
Tiger Woods verið upp á sitt
besta að undanförnu og vann í
síðasta mánuði sitt fyrsta PGA-
mót í tvö og hálft ár.
Woods þykir, ásamt Norður-
Íranum Rory McIlroy, líklegastur
til að klæðast græna jakkanum
í mótslok samkvæmt veðbönk-
um ytra. McIlroy var í góðri
stöðu fyrir lokadaginn í fyrra en
glopraði niður fjögurra högga
forystu. Suður-Afríkumaðurinn
Charl Schwartzel stóð óvænt uppi
sem sigurvegari eftir að hafa
fengið fjóra fugla á síðustu fjór-
um holunum.
„Ég er spenntur. Þetta er allt
á réttri leið og á réttum tíma,“
sagði Woods. Aðrir sem þykja
sigurstranglegir um helgina eru
Luke Donald, efsti maður heims-
listans, Lee Westwood, Phil
Mickelson og Huner Mahan.
Sýnt verður frá mótinu á Stöð 2
Sport og hliðarrásum alla keppn-
isdagana. Fyrstu tvo dagana hefj-
ast útsendingar klukkan 19.00,
klukkan 19.30 á laugardaginn og
18.00 á páskadag. - esá
Masters-mótið byrjar í dag:
Tiger og Rory
þykja líklegastir
Í SVIÐSLJÓSINU Það verður fylgst náið
með þeim Rory McIlroy og Tiger Woods
um helgina. NORDIC PHOTOS/GETTY