Heimilisritið - 01.07.1957, Side 32
með yður, en ég er viss um, að
þér eigið vini í borginni.“ Hann
rétti mér umslag. „Þetta eru
leikhúsmiðar og aðgöngumiðar
að næturklúbbum. Afhendið þá
bara. Allt er greitt. Ég vona þér
skemmtið yður.“
„Ég þakka,“ sagði ég, en um
leið minntist ég annarra orða:
— Ég vona þú skemmtir þér vel.
— Þessi orð hafði Ed sagt. Og
þarna var ég og gat ekki svo
mikið sem látizt hafa ánægju
af þessu.
ÉG VAR komin til hótelsins
eftir tíu mínútur og lokaði íbúð-
ardyrunum á eftir mér, og ég
vissi, að ég myndi ekkert geta
skemmt mér, nema Ed tæki þátt
í því með mér, hvorki þessa helgi
né endranær.
Þess vegna tók ég saman far-
angur minn og fór með kvöld-
lestinni heim. Ed átti ekki von
á mér, en gleðin í rödd hans,
þegar ég hringdi til hans af stöð-
inni, var meira virði en öll verð-
laun í heimi. Og hann hefur hlot-
ið að setja hraðamet, er hann
sótti mig. Hann stökk niður úr
vörubílnum, og við kysstumst,
áður en við sögðum nokkuð. Svo
reyndum við að segja hvort öðru
allt samtímis. En það var ekki
fyrr en seinna, sem hann sagði
mér, að hann hefði horft á mig
í sjónvarpinu.
„Þú varst sannarlega ágæt,“
sagði hann. „Fólk var stöðugt að
hringja til mín og tala um,
hversu ljómandi þú værir.“ —
Hann tók utan um mig. „Ekki
svo að skilja, að neinn þyrfti að
segja mér, að þú værir falleg,“
bætti hann við.
„Ó, elskan,“ sagði ég ánægð,
„ég ætla að vera eins falleg og
ég get héðan í frá, bara fyrir þig.
En, Ed, ég sé svo eftir þessu
bréfi. — Ég hefði aldrei átt að
skrifa annað eins!“
„Ég sé ekki eftir því, Carol,“
sagði Ed alvarlega. „Ég — ég
skildi ekki, hve erfitt hefur ver-
ið fyrir þig að lifa hérna í sveit-
inni, fyrr en ég sá þig í sjónvarp-
inu og hlustaði á þig í morgun.“
„Það var ekki sveitalífinu að
kenna,“ sagði ég. „Það var ekk-
ert nema mín eigin sjálfsmeð-
aumkun. Ég kenndi alltaf svo
mikið í brjósti um sjálfa mig, að
ég sá ekki neitt gott í neinu eða
neinum. En.héðan í frá ætla ég
að verða öðruvísi.“
„Ég ætla líka að verða öðru-
vísi,“ sagði Ed. „Ég er ekki sér-
lega hreykinn af því, hvernig ég
hef hegðað mér, hvernig ég hef
reynt að útiloka umheiminn,
jafnvel spottazt að sjónvarps-
tækinu þínu. Ég hef ekki gert
30
HEIMILISRITIÐ