Fréttatíminn - 16.03.2012, Blaðsíða 48

10 viðhald húsa Helgin 16.-18. mars 2012
V orið er á næsta leiti og framkvæmdahugur-inn að vakna. Mörg viðhaldsverkefni bíða eftir veturinn. Nú er lag því að átaksverk-
efnið „Allir vinna“ veitir endurgreiðslu á virðis-
aukaskatti út þetta ár.
„Húsfélög og aðrir fasteignaeigendur fara að
huga að framkvæmdum nú með vorinu og þá
skiptir miklu að standa vel og rétt að málum.
Meistaradeild Samtaka iðnaðarins, MSI, mælir
auðvitað með því að leitað sé til fagmanna vegna
fyrirhugaðra framkvæmda og alveg sérstaklega
til sinna félagsmanna,“ segir Þorsteinn V. Sigurðs-
son formaður Meistaradeildar Samtaka iðnaðarins.
Innan vébanda MSI eru meistarafélög í nær öllum
greinum byggingariðnaðarins.
Átakið „Allir vinna“ er í fullu gildi þetta ár sem
þýðir að virðisaukaskattur af vinnu unninni á
verkstað fæst endurgreiddur. Það er greinilegt að
landsmenn hafa kunnað vel að meta átakið því að
tölurnar sýna að endurgreiðslur tvöfölduðust milli
ára 2008-2009, fóru úr 6.000 í 12.000 óskir um end-
urgreiðslur. Það er ánægjulegt að sjá að óskir um
endurgreiðslur hafa ekki dregist saman þegar litið
er til áranna 2010 og 2011 sem sýnir að almenning-
ur er að sinna viðhaldsmálum. Það er vitað að besta
fjárfesting húseiganda er að halda eignum sínum í
góðu ástandi svo verðgildi þeirra hrapi ekki.
Skriflegir samningar koma í veg fyrir
misskilning og deilur
Meistaradeild Samtaka iðnaðarins samanstendur
af tíu meistarafélögum hinna ýmsu byggingariðn-
greina víða á landinu, hún rekur sjóð sem heitir
Ábyrgðarsjóður meistaradeildar Samtaka iðnaðar-
ins. MSI mælir með því að gerðir séu skriflegir
verksamningar milli verkkaupa og verksala og
býður verktökunum sínum upp á staðlað samn-
ingsform. Mikilvægt er að benda á að ákvæði um
Ábyrgðarsjóðinn er skilyrt við að skriflegur samn-
ingur hafi verið gerður milli aðila.
Þorsteinn hvetur til að gerður sé skriflegur
samningur. Það kemur í veg fyrir deilumál eftir á.
„Þá er allt á hreinu, bæði hvað átti að gera, á hvaða
tíma og fyrir hversu mikla peninga. Skriflegir
samningar taka af allan vafa um hvað er verið að
semja,“ sagði formaður MSI.
Treysta á fagmenn
Miklu skiptir að fá löggilda iðnmeistara í verkið
og treysta þannig á fagmenn, frekar en ófaglærða.
„Það er mergurinn málsins,“ segir Þorsteinn V.
Sigurðsson. „Menntaðir iðnaðarmenn eru vand-
aðri starfsmenn og skila betri vinnu en þeir sem
ekki hafa formlega menntun. Þeir sem versla við
félagsmenn MSI fá jafnframt tryggingu í gegnum
ábyrgðarsjóðinn ef skriflegur samningur hefur
verið gerður. Það tryggir faglegri vinnubrögð,“
segir hann enn fremur.
Samkvæmt mannvirkjalögum, sem gengu í gildi
á þessu ári, er þess krafist að iðnmeistarar og bygg-
ingastjórar haldi gæðakerfi. „Við bjóðum okkar
félagsmönnum gæðakerfi að undangengnu nám-
skeiði. Við viljum eindregið að þeir noti gæðakerfi,
þó að sumum finnist það mikið skrifræði í upp-
hafi. Gæðakerfi er til hagsbóta fyrir alla aðila, jafnt
kaupendur sem seljendur,“ segir hann.
Margir landsmenn hafa vafalaust hugsað sér að
sinna viðhaldi og framkvæmdum í sumar og eru
kannski þegar byrjaðir á undirbúningnum. Meist-
aradeildin hvetur til þess að tækifærið sé notað
meðan virðisaukaskatturinn af vinnunni fæst allur
endurgreiddur. Fjárhagslega borgar sig því að fara í
framkvæmdir núna.
H úseigendafélagið var stofnað árið 1923 og er almennt hagsmunafélag
fasteignaeigenda á Íslandi, hvort
sem fasteignin er íbúð, einbýlis-
hús, atvinnuhúsnæði, land eða
jörð, leiguhúsnæði eða til eigin
nota. Félagar eru bæði einstak-
lingar, fyrirtæki og félög, þar með
talið húsfélög í fjöleignarhúsum.
Upphaflega var félagið fyrst og
fremst hagsmunavörður leigusala
og stöndugra fasteignaeigenda í
Reykjavík en í tímanna rás hefur
það orðið almennt landsfélag, meira
í ætt við neytendasamtök og obbi
félagsmenn eru íbúðareigendur í
fjöleignarhúsum. Félagsmenn eru
um 9.000 og þar af eru nálægt 800
húsfélög. Félagsmönnum hefur
fjölgað jafnt og þétt síðustu árin,
einkum og sér í lagi húsfélögunum.
Þríþætt starfsemi
Starfsemi Húseigendafélagsins er
þríþætt:
 Almenn hagsmunagæsla fyrir
fasteignaeigendur
 Almenn fræðslustarfsemi og
upplýsingamiðlun
 Ráðgjöf og þjónusta við félags-
menn
Frjálst og óháð
Félagsmenn standa undir starf-
semi þess að öllu leyti. Félagið er
óháð og nýtur engra opinberra
styrkja. Húseigendafélagið er ein-
göngu rekið með hagsmuni félags-
manna og húseigenda að leiðar-
ljósi en ekki hagnað.
Lögfræðiþjónusta
Húseigendafélagið rekur
sérhæfða lögfræðiþjónustu fyrir
félagsmenn sína á þeim réttar-
sviðum, sem varða fasteignir og
eigendur þeirra. Málin eru af
mörgum og fjölbreyttum toga en
algengust eru mál vegna fjöleign-
arhúsa, húsaleigu, fasteignakaupa
og grenndar. Lögfræðiþjónustan
hefur verið þungamiðjan í starf-
semi félagsins síðustu áratugi. Býr
félagið yfir einstæðri og sérhæfðri
þekkingu og reynslu á þessum
sviðum lögfræðinnar.
Húsfundaþjónusta
Það færist í vöxt að húsfélög gangi
í Húseigendafélagið, einkum til að
fá lögfræðilega ráðgjöf og aðstoð,
bæði í innri og ytri málefnum.
Húsfélög njóta sérkjara við inn-
göngu. Þegar húsfélag gengur í
Húseigendafélagið öðlast sérhver
eigandi full félagsréttindi og getur
leitað til þess með sín mál enda
þótt þau snerti ekki húsfélagið.
Húsfundaþjónusta félagsins felur
í sér aðstoð og ráðgjöf við undir-
búning funda, það er dagskrá, til-
lögur, fundaboð og fundarstjórn
og ritun fundargerða. Á húsfund-
um eru gjarnan teknar ákvarð-
anir sem varða mikla fjárhagslega
hagsmuni og miklar skuldbind-
ingar. Þessi þjónusta á að tryggja
lögmæta fundi og að rétt sé að
töku ákvarðana staðið en á því er
oft misbrestur með afdrifaríkum
afleiðingum. Þeim húsfélögum
fer ört fjölgandi sem vilja hafa
allt á hreinu og sneiða hjá áhættu
og skakkaföllum og nýta þessa
þjónustu.
Húsaleiguþjónusta
Útleiga húsnæðis getur verið
áhættusöm fyrir leigusala ef ekki
er farið að með gát. Húseigendafé-
lagið aðstoðar við samningsgerð,
þar á meðal að kanna feril og skil-
vísi leigjenda. Ef vanefndir verða
stendur félagsmönnum til boða
aðstoð lögfræðinga félagsins.
Réttarbætur
Hæst hefur borið í almennu hags-
munabaráttu félagsins að stuðla
að réttarbótum fyrir fasteigna-
eigendur. Hefur félaginu orðið
verulega ágengt í því efni öllum
húseigendum til hags og heilla.
Má nefna fjöleignarhúsalögin og
húsaleigulögin og löggjöf um
fasteignakaup. Auk þessa hefur
félagið haft afskipti af ýmsum
öðrum lögum, lagafrumvörpum
og reglugerðum, sem varða
fasteignir, bæði beinlínis og með
ábendingum og umsögnum. Núna
stendur yfir endurskoðun fjöl-
eignarhúslaganna og stýrir for-
maður félagsins henni.
Þjónusta við félagsmenn
Þjónusta félagsins er einskorðuð
við félagsmenn enda standa þeir
undir starfsemi þess með félags-
gjöldum sínum. Félagið stendur
á eigin fótum fjárhagslega og
þiggur enga styrki. Félagsgjöld-
um er mjög í hóf stillt og sama er
að segja um endurgjald fyrir alla
þjónustu. Árgjald einstaklings
er 5.000 krónur en 3.000 krónur
fyrir hvern eignarhluta þegar um
húsfélga er að ræða. Skráningar-
gjald er 4.900 krónur, greitt er við
inngöngu og felst í því viðtalstími
við lögfræðing.
Skrifstofan – Heimasíðan –
Greinasafn
Skrifstofa Húseigendafélagsins er
í Reykjavík að Síðumúla 29, sími:
588 9567. Netfang: postur@hus-
eigendafelagid.is Þar eru veittar
nánari upplýsingar um félagið,
starfsemi þess og þjónustu. Á
skrifstofunni fást margvísleg
gögn og upplýsingar, svo sem
lög og reglugerðir, eyðublöð fyrir
húsaleigusamninga og fræðslu-
efni af ýmsu tagi. Heimasíða
félagsins hefur að geyma marg-
víslegar upplýsingar um Húseig-
endafélagið, starfsemi þess og
viðfangsefni. Þar er m.a. yfirlit
yfir fjölda greina sem lögfræðing-
ar félagsins hafa ritað og félags-
menn geta fengi endurgjaldslaust.
Slóðin er: www.huseigendafela-
gid.is
Fleiri félagsmenn: Öflugra
félag og aukin þjónusta
Starfsemi Húseigendafélagsins
hefur undanfarin ár verið grósku-
mikil, öflug og árangursrík. Þótt
félagið hafi verið í mikilli sókn og
náð verulegum árangri á mörgum
sviðum, þá má ger betur enda eru
viðfangsefnin óþrjótandi. Mörg
spennandi mál og hagsbætur
fyrir félagsmenn bíða þess að fé-
lagið hafi afl og styrk til að vinna
að framgangi þeirra. Það er þó
og mun alltaf verða forsenda fyrir
öflugra og árangursríkara starfi
að fleiri fasteignaeigendur skipi
sér undir merki félagsins.
 Byggingariðnaðurinn Meistaradeildin
Löggiltir
iðnmeistarar
trygga
faglegri
vinnubrögð
Þeir sem versla við félagsmenn MSI fá trygg-
ingu í gegnum ábyrgðarsjóð.
 Húseigendafélagið stofnað árið 1923
Almennt hags-
munafélag fast-
eignaeigenda
Þríþætt starfsemi félagsins
Miklu skiptir að fá iðnmeistara í verkið
VELDU FAGMANN – VIÐ AÐSTOÐUM
www.múrarameistarar.is
Skipholti 70 – Sími 533 6890
murmeist@centrum .is
MENN SEM BERA ÁBYRGÐ
VANTAR ÞIG LÖGGILDAN
MÚRARAMEISTARA?