Fréttatíminn - 16.03.2012, Blaðsíða 56

18 viðhald húsa Helgin 16.-18. mars 2012
N ú stendur yfir tími aðalfunda í húsfélögum þar sem einatt eru teknar ákvarðanir um mikilvæg mál og kostnaðarsamar framkvæmdir. Samkvæmt
fjöleignarhúsalögum gilda ákveðnar reglur um töku
ákvarðana. Ákvörðun um sameiginleg málefni skal tekin á
húsfundi. Mjög mikilvægt er að fundurinn sé boðaður og
haldinn í samræmi við fyrirmæli fjöleignarhúsalaga. Það
eru mörg dæmi um húsfélög og stjórnarmenn þeirra, sem
hafa orðið fyrir tjóni og skakkaföllum vegna mistaka og
klúðurs við undirbúning og framkvæmd húsfunda.
Skyldur stjórnar
Það er stjórn húsfélags sem boðar til húsfunda og ber
ábyrgð á því að fundarboðun sé lögleg.
Sú skylda hvílir á stjórnin að undir-
búa aðalfundi af kostgæfni, bæði
fundarboðið, tillögur, skiplag,
umgjörð og stjórn fundarins.
Stjórn er heimilt að fá ráðgjöf
og aðstoð sérfræðinga við
aðalfundi. Oft er það nauðsyn-
legt til að rjúfa sjálfheldu vegna
deilna í húsfélaginu.
Með allt á hreinu
Þótt það virðist ekki vera mik-
ið vandaverk að halda hús-
fundi, sem standast laga-
kröfur og eru bærir til að
taka lögmætar ákvarð-
anir, þá reynist það
oft þrautin þyngri.
Þess vegna og til að
mæta brýnni
þörf setti Hús-
eigendafélag-
ið á laggirnar
sérstaka og al-
tæka þjónustu
um allt sem
að húsfundum
lýtur. Þeim hús-
félögum sem
vilja hafa allt á
hreinu í þessu
efni og leita að-
stoðar húsfundaþjón-
ustunnar fer ört fjölgandi. Hér er
um að ræða alhliða húsfundaþjón-
ustu, það er lögfræðilega ráðgjöf
og aðstoð við fundarboð og tillögur
og gagnaöflun. Lögmaður með
sérþekkingu annast fundarstjórn
og ritun fundargerðar er í höndum
laganema. Einnig er séð fyrir fundarhúsnæði enda brýnt
að húsnæði sé viðunandi og henti til funda.
Öryggisráðstöfun
Þessi þjónusta á að tryggja lögmæta fundi og að rétt sé
staðið að töku ákvarðana en á því vill oft verða misbrestur
með afdrifaríkum afleiðingum eins og mörg dæmi sanna.
Þessi þjónusta er því skynsamleg öryggisráðstöfun fyrir
alla, bæði eigendur og viðsemjendur húsfélags, banka og
verktaka. Fundur, sem er undirbúinn og haldinn af þekk-
ingu og fagmennsku er ávallt og að öllu leyti betri,
málefnalegri, markvissari og árangursríkari
fundur en þar sem fum og fúsk ræður.
Á húsfundum, ekki síst aðalfundum, eru
gjarnan teknar ákvarðanir um dýrar fram-
kvæmdir og ráðstafanir, sem hafa í för með
sér miklar skuldbindingar fyrir húsfélög og
veruleg fjárútlát, sem oft nema hundruðum
þúsunda og stundum milljónum fyrir hvern
eiganda. Það er almennt forsenda fyrir lög-
mæti ákvörðunar um viðhaldsframkvæmdir og
fyrir greiðsluskyldu eigenda, að ákvörðunin
hafi verið tekin á fundi sem er rétt og löglega
boðaður og haldinn.
Húsfundaþjónustan
Húsfundaþjónustan felur í sér ráðgjöf og aðstoð við
undirbúning og boðun húsfunda og stjórnun funda og
ritun fundargerða. Frá Húseigendafélaginu koma að
hverjum fundi fundarstjóri og fundarritari. Fundarstjóri
er lögmaður, sem hefur þekkingu, þjálfun og reynslu í
fundahöldum, ásamt þekkingu á sviði fjöleignarhúsa-
mála. Starfsmenn og lögfræðingar félagsins koma einnig
að málum og aðstoða við undirbúning funda, samningu
fundarboða, ályktana, tillagna og samantekt annarra
fundargagna og eru ráðgefandi um öll atriði.
Þjónustan hefst með undirbúningsfundi
lögfræðings félagsins með forsvars-
mönnum húsfélagsins þar sem farið er
yfir fundarefnin og málefni húsfélags-
ins og línurnar lagðar.
Hófleg þóknun – félagsaðild
Fyrir þessa þjónustu er tekin mjög
sanngjörn þóknun, sem miðast við
hóflegt tímagjald og þann tíma, sem í
verkið fer. Hér er boðin fram sérþekk-
ing, kunnátta og reynsla og er gjaldið
fyrir þjónustuna lágt í ljósi þess og
einnig þegar haft er í huga að hún
fyrirbyggir deilur og hugsanlegt
fjártjón. Það er því mikið hags-
munamál fyrir alla; eigendur,
viðsemjendur, lánastofnanir,
verktaka og aðra að húsfund-
ir séu rétt haldnir þannig
að ákvarðanir þeirra verði
ekki véfengdar síðar
með þeim leiðindum
og fjárhagslegu
skakkaföllum sem
því fylgir. Hús-
fundaþjónustan
er öðrum þræði
leiðsögn og sýni-
kennsla í að und-
irbúa og halda
húsfundi og oft
geta húsfélög oft
verið sjálfbjarga
til framtíðar í þeim
efnum. Til að fá
þessa þjónustu þurfa
húsfélög annaðhvort
að vera í Húseigenda-
félaginu eða að tillaga
um félagsaðild sé á
dagskrá viðkomandi
húsfundar.
 HúSfundaþjónuSta HúseigeNdafélagsiNs HúsfuNdir verða að staNdast lagakröfur
Lögmæti funda - mikið í húfi
Námskeið um viðhald og
endurbætur húsa
Viðhald og viðgerðir gamalla timburhúsa•
Sólpallar og skjólgirðinar•
Nýlögn og viðhald parkets •
Varmadælur•
Brunaþéttingar•
Raki og mygla í húsum.•
Skúlatún 2 - 105 Reykjavík
Sími 590 6400 - Fax 590 6401
idan@idan.is - www.idan.is
IÐAN fræðslusetur býður
upp á fjölda námskeiða, m.a.
Skráning á www.idan.is og í síma 590 6400.
Fjölbreytt námskeið fyrir byggingarmenn
Skráning á idan.is
HELGARBLAÐ
Fékkstu ekki Fréttatímann heim?
Fréttatímanum er dreift á öll heimili á höfuðborgar-
svæðinu. Ef þú fékkst ekki blaðið heim, láttu okkur þá vita
með tölvupósti á dreifing@frettatiminn.is
Sjáðu blaðið líka á frettatiminn.is