Læknablaðið - 01.09.1979, Síða 7

LÆKNABLAÐIÐ
163
STOFNUN SÉRFRÆÐINGAFÉLAGS LÆKNA
Laugardaginn 17. marz 1979 var stofnað
Sérfræðingafélag lækna. Fyrir 17 árum,
þ.e. 6. marz 1962, var stofnuð Sérfræðinga-
deild L.R. Félagsmenn voru 17, formaður
var Theodór Skúlason, ritari Gunnar Guð-
mundsson og gjaldkeri Ragnar Karlsson.
Ekki tókst að afla nánari upplýsinga um
félag þetta, en um það rætt, hvort endur-
reisa skyldi gamla félagið eða stofna nýtt.
Þessar umræður hófust í sambandi við
námskeið, sem handlæknar efndu til í
„akút kirurgi“ fyrir handlækna, bæklun-
arlækna og svæfingalækna Landspítalans
sl. vetur. í þessum umræðum varð sú skoð-
un ofan á, að nauðsynlegt væri að efla sam-
tök sérfræðinga og heppilegast að gera það
með þeim hætti að stofna nýtt félag frem-
ur en að reyna að endurreisa það gamla.
Þórarni Ólafssyni og Agli Jacobsen var
falið að hefja nauðsynlegan undirbúning á
stofnun almenns sérfræðifélags lækna.
Þessi undirbúningsnefnd hafði samband við
sérfræðinga á öllum spítölum hér í Reykja-
vík og einnig sérfræðinga, sem starfa utan
spítala. Efnt var til tveggja undirbúnings-
funda, þar sem mættir voru fulltrúar sér-
fræðinga frá sjúkrahúsum á Reykjavíkur-
svæðinu. Á fyrri fundinum var bætt við
nokkrum mönnum í undirbúningsnefndina
og þeim falið að semja drög að félagslög-
um, sem rædd voru á síðari undirbúnings-
fundi.
Á stofnfundi voru samþykkt lög félags-
ins og stefnuskrá, árgjald var ákveðið kr.
5.000 fyrir árið 1979.
f fyrstu stjórn félagsins voru kjörnir:
Arinbjörn Kolbeinsson, formaður Sigurður
E. Þorvaldsson, ritari, Sigurður B. Þor-
steinsson, gjaldkeri, Árni Björnsson og
Bjarni Hannesson meðstjórnendur. Einn-
ig var ákveðið á þessum fundi, að stjórn-
in skipaði kjaramálanefnd. Henni var
aðallega ætlað það hlutverk að koma fram
með hugmyndir í sambandi við væntan-
legan samning og koma þeim á framfæri
við samninganefnd Læknafélags íslands og
Læknafélags Reykjavíkur.
Fyrirhugaðir starfshættir, svo og tengsl
þessa félags við Læknafélag íslands og
Læknafélag Reykjavíkur, kemur fram í
lögum félagsins og stefnuskrá. Ákveðið var,
að stofnfélagar teldust þeir, sem gengu í
félagið fyrir 1. maí 1979. Tala stofnfélaga
var 1. maí 1979 101.
FÉLAGSLÖG
1. gr.
Heiti félagsins og löglieimili
Félagið heitir „Sérfræðingafélag iækna".
Lögheimili bess og varnarþing er í Reykja-
vík.
2. gr.
Félagsmenn
Félagar geta þeir læknar orðið, sem hlotið
hafa sérfræðiviðurkenningu í læknisfræði á
Islandi.
3. gr.
Eðli féktgsins og hlutverk
Félagið vinnur að því að efla sérfræðiþjón-
ustu á sviði heilbrigðismála með því að stuðla
að bættri starfsaðstöðu og kjörum sérfræðinga.
Félagið skal vera ráðgefandi við stjórn L.R.
og L.l. um kjör sérfræðinga, bæði utan og
innan sjúkrahúsa. Við tillögugerð um kaup og
kjör hafa þeir einir atkvæðisrétt, sem aðilar
eru að þeim samningum, sem gera skal. Stjórn
félagsins leggur fram á aðalfundi stefnuskrá
fyrir starfsemi félagsins næsta kjörtímabil. Af-
greiðsla þessa máls fer fram að stjórnarkosn-
ingu lokinni.
4. gr.
Inntctka í félagið og úrsögn
Sérfræðingur, sem æskir inngöngu i félagið,
sendi skriflega umsókn til stjórnarinnar, sem
ákveður um aðild. Úrsögn skal ætíð vera skrif-
lef og send stjórn félagsins með minnst eins
mánaðar fyrirvara frá úrsagnardegi.
5. gr.
AÖalfundur
Aðalfundur skal haldinn ár hvert á tímabil-
inu mars—apríl. Aðalfund skal boða skriflega
með minnst viku fyrirvara. Aðalfundur er
löglegur sé löglega til hans boðað. Stjórnin
getur kallað saman auka aðalfund, ef sérstak-
lega stendur á. Dagskrá aðalfundar er:
1. Skýrsla stjórnar.
3. Endurskoðaðir reikningar.
3, Ákvörðun árgjalds,