Læknablaðið - 15.11.1995, Side 60

814
LÆKNABLAÐIÐ 1995; 81
Mótmæli vegna kjarasamnings
Tryggingastofnunar ríkisins og
Læknafélags Reykjavíkur frá 15. ágúst 1995
Frá Félagi ungra lækna
Félagsfundur FUL, haldinn
að Hlíðasmára 8, Kópavogi 19.
september 1995, mótmælir
harðlega nýgerðum samningi
Tryggingastofnunar ríkisins og
Læknafélags Reykjavíkur um
sérfræðiþjónustu lækna, þar
sem með honum er komið í veg
fyrir eðlilega nýliðun sérfræði-
lækna.
Læknisþjónusta hérlendis
hefur verið í fremstu röð og öll-
um þegnum landsins verið
tryggð besta læknisþjónusta,
sem völ er á hverju sinni. Er
óskiljanlegt hvers vegna nýlið-
un er takmörkuð með þessum
hætti, sérstaklega í ljósi þess að
nýsamþykkt greiðsluþak til sér-
fræðinga mun koma í veg fyrir
aukinn kostnað ríkisins.
Frá Félagi íslenskra lækna í Svíþjóð og
Félagi íslenskra lækna í Noregi
Félagsfundur í Félagi ís-
lenskra lækna í Svíþjóð (FÍLÍS)
11. september 1995 og félags-
fundur í Félapi íslenskra lækna í
Noregi (FÍLIN) 17. september
1995 álykta eftirfarandi vegna
nýgerðs kjarasamnings um sér-
fræðihjálp milli TR og LR:
1. Við mótmælum harðlega ný-
gerðum kjarasamningi sem
skerðir verulega starfsmögu-
leika nýrra sérfræðinga á Is-
landi.
2. Óeðlilegt verður að teljast að
sparnaður sem næst að hálfu TR
með þessum samningi bitni nær
eingöngu á nýjum sérfræðing-
um.
3.1. gr. þar sem segir „Nýirsér-
frœðingar geta því aðeins starfað
samkvœmt samningi þessum að
þeir hafi verið samþykktir afTR
að fengnum meðmœlum sam-
ráðsnefndar TR og LR“ verður
að teljast óviðunandi. Eftir
hverju ætla menn að fara þegar
meta skal umsóknir nýrra sér-
fræðinga? Óviðunandi er að í
samráðsnefnd sitji sérfræðingar
sem hafa persónulegra hags-
muna að gæta í þessu tilviki og
hafi fjárhagslegan hag af því að
sem fæstir sérfræðingar fái
samning við TR. Trygginga-
stofnun hefur fjárhagslegra
hagsmuna að gæta og getur ekki
talist óháður aðili við mat á þörf
á sérfræðiþjónustu.
4. íslenskir læknar hafa hlotið
fjölbreytta menntun erlendis og
tileinkað sér nýjungar sem þeir
hafa flutt með sér heim. Hvergi
er með samningi þessum tryggt
að ný tækni og kunnátta haldi
áfram að berast til landsins ef
möguleikar þess að opna stofu
eins og hingað til verður aðeins
á fárra höndum.
5. Fagleg einangrun er óumflýj-
anleg ef eðlileg nýliðun í sér-
fræðingastétt verður stöðvuð.
Frá læknanemum
Aðalfundur Félags lækna-
nema, haldinn 14. október 1995,
samþykkti eftirfarandi ályktun
einróma:
Aðalfundur Félags lækna-
nema 14. október 1995 mótmæl-
ir harðlega breytingum á að-
gengi nýrra sérfræðinga að
samningi Tryggingastofnunar
ríkisins (TR) og Læknafélags
Reykjavíkur (LR), sem felast í
nýgerðum samningi þessara að-
ila frá 15. ágúst 1995. Þar segir í
fyrstu grein breytingartillagna:
„Samningurinn nær til þeirra
sérfræðinga, sem starfað hafa
samkvæmt honum fyrir undir-
skriftardag samnings þessa. Ný-
ir sérfræðingar geta því aðeins
starfað samkvæmt samningi
þessum að þeir hafi verið sam-
þykktir af TR að fengnum með-
mælum samráðsnefndar TR og
LR.“