Læknablaðið - 15.12.1996, Side 63

LÆKNABLAÐIÐ 1996; 82
885
Dómgreind lærist ekki af bókum!
Um „kæru fóstureyðingarnefndar“
Eins og áður hefur komið
fram í Læknablaðinu (Olafur
Olafsson. Kæra fóstureyðingar-
nefndar. Læknablaðið 1995; 81:
887 og Fréttatilkynning. Meint
lögbrot landlœknis. Læknablað-
ið 1996; 82: 83) var landlæknir
kærður til ríkissaksóknara fyrir
„hlutdeild í ólöglegri fóstureyð-
ingu", en sekt getur varðað allt
að fjögurra ára fangelsi. Land-
læknir mótmælti þeirri kæru
með eftirfarandi athugasemd-
um:
„Samkvæmt gildandi lögum í
landinu bera læknar ábyrgð á
læknisverkum sínum. Peir geta
einnig orðið ábyrgir fyrir að
synja beiðni um læknisverk. Svo
er að sjá sem fyrrgreind nefnd
telji að þessu sé ekki svona hátt-
að um fóstureyðingu, sem kona
óskar eftir við starfandi lækni,
ef nefndin hefur áður staðfest
synjun annars læknis til slíkrar
aðgerðar. Þá verði með öllu
óheimilt að framkvæma aðgerð-
ina. í lögum um fóstureyðingar
er þetta frávik frá almennum
reglum um ábyrgð lækna á
læknisverkum sínum hvergi
nefnt. Þvert á móti er málinu
svo háttað, að í frumvarpi að
lögum á sínum tíma (Alþingi
1974) var svofellt ákvæði: „Hafi
konu verið synjað um aðgerð á
einu sjúkrahúsi, er ekki heimilt
að framkvæma aðgerðina á
öðru sjúkrahúsi nema leyfi
nefndarinnar komi til.“ Við
meðferð frumvarpsins á Alþingi
var ákvæði þetta fellt út.
Löggjafinn hafnaði þannig
beinlínis bannreglu þeirri sem
nefndin telur nú felast í lögun-
um.“
Þrátt fyrir þessi skýru laga-
ákvæði og ummæli tveggja laga-
prófessora var kærunni ekki
mótmælt af þáverandi lögmanni
Heilbrigðis- og tryggingamála-
ráðuneytisins.
Ríkissaksóknari rannsakaði
málið, taldi ekki ástæðu til að-
gerða og vísaði málinu frá.
Ólafur Ólafsson landlæknir
Kæru læknar!
í ár hefur verið ákveðið að senda ykkur ekki jólakort en láta heldur andvirði þess
renna til Barnaspítala Hringsins.
Gleðileg jól
og farsælt komandi ár,
þökkum það liðna
með ósk um áframhaldandi gott samstarf
Ciba, Dumex, Hoechst Marion Roussel, Janssen-Cilag, Roche, Sanofi Win-
throp, Schering, Searle, Servier, SmithKline Beecham, Synthelabo, Thorar-
ensen Lyf.