Læknablaðið - 15.04.1997, Side 66

254
LÆKNABLAÐIÐ 1997; 83
Pálmi V. Jónsson um stefnumótunarumræðu innan Læknafélags íslands:
Nauðsyn fyrir lækna að láta heilbrigðismál
til sín taka
Læknafélag íslands hrinti á
liðnu hausti af stað vinnu við
stefnumótun í heilbrigðismálum
í framhaldi af samþykkt á aðal-
fundi. Pálmi V. Jónsson var
fenginn til að annast undirbún-
ing og stjórna framkvæmd
verksins ásamt vinnuhópi.
Læknablaðið leitaði fregna hjá
Pálma um stöðu mála og var
hann fyrst spurður hvernig
verkefnið hefði farið af stað:
„Það hefur gengið nokkuð
vel en vinnuhópurinn ákvað
strax að brjóta verkið niður í
smærri einingar og biðja ein-
staklinga að leiða hópa er fjöll-
uðu um afmarkað efni. Nú hafa
þessir undirhópar allir tekið til
starfa og 18. og 19. apríl er ætl-
unin að kynna afraksturinn og
fá viðbrögð lækna á opnum
fundi,“ segir Pálmi. Áður en
hann heldur lengra er rétt að
rifja upp ályktun aðalfundar þar
sem segir svo:
„Aðalfutidur Lœknafélags ís-
lands haldinn dagana 20. og 21.
september 1996 að Hlíðasmára 8
í Kópavogi telur afar brýnt að
lœknar komi sér saman um
stefnu í heilbrigðismálum. í því
skyni stofni stjórn LÍ starfshóp
sem undirbúi læknaþing, sem
haldið verði innan sex mánaða
ogfjalli um skipulag og stefnu í
heilbrigðismálum. Starfshópur-
inn starfi síðan áfram eftir
lœknaþing og skili áfanga-
skýrslu á formannaráðstefnu
með fullnaðarafgreiðslu á nœsta
aðalfundi. “
í vinnuhópnum sem var skip-
aður í upphafi eru einn fulltrúi
stjórnar LÍ, tveir frá svæðafé-
lögum LÍ, það er LR og Lækna-
félagi Suðurlands, og síðan tveir
fulltrúar frá hverju eftirtöldu fé-
lagi: Félagi íslenskra heimilis-
lækna, Félagi ungra lækna og
Sérfræðingafélagi íslenskra
lækna. Hópinn skipa þessir
læknar: Sverrir Bergmann, Sig-
urður Ólafsson, Árni Jón Geirs-
son, Ásmundur Jónasson, Sig-
urður Björnsson, Páll Torfi Ön-
undarson, Lúðvík Ólafsson,
Vilhjálmur Ari Arason, Ólafur
Már Björnsson og Steingerður
Anna Gunnarsdóttir.
Eins og fyrr segir ákvað
vinnuhópurinn að skipta verk-
efninu niður í smærri einingar
og voru fengnir nokkir læknar
til að stjórna hópum um af-
mörkuð efni. í hverjum hópi
eru fjórir til sjö einstaklingar og
eru hér talin upp efni hvers hóps
og leiðtogar þeirra:
Rannsóknir og kennsla: Árni
Jón Geirsson
Læknar sem stjórnendur:
Lúðvík Ólafsson
Launaþróun, nýliðun, starfs-
lok: Vilhjálmur Ari Arason
Hlutverk læknisins. Læknar
sem leiðtogar. Almannatengsl:
Sverrir Bergmann
Þróun læknisþjónustu í þétt-
býli og dreifbýli: Sigurður
Ólafsson og Ásmundur Jónas-
son
Rekstrarform og fjármögn-
un: Páll Torfi Önundarson
Forgangsröðun í heilbrigðis-
kerfinu:Guðmundur Björnsson
Siðfræði og réttindi sjúk-
linga: Tómas Zoéga
Upplýsinga- og gæðaþróun:
Ólafur Steingrímsson
Opinn fundur í aprfl
Pálmi segir að allir hóparnir
hafi tekið til starfa: „Þeir munu
kynna sér stefnu félagsins eins
og hún liggur fyrir í ályktunum
þess og jafnframt gera tillögur
að breyttum áherslum eins og
þeim þykir þurfa. Við ráðgerum
að halda síðan opinn fund fyrir
alla lækna í aprfl, nánar tiltekið
dagana 18. og 19. aprfl að Hlíða-
smára 8 og þar er einmitt kjörið
tækifæri fyrir lækna að hafa bein
áhrif á stefnumótun félags síns.
Vil ég því eindregið hvetja sem
flesta lækna til að sitja þessa
ráðstefnu."
Hvað gerist svo í framhaldi af
henni?
„Þá munu hóparnir starfa
áfram og ræða málin strax á for-
mannaráðstefnunni í maí og
skila álitsgerðum fyrir lækna-
þing á næsta hausti. Oft var þörf
en nú er nauðsyn fyrir lækna að
láta heilbrigðismál í víðasta
skilningi til sín taka því þegar
öllu er á botninn hvolft þá hafa
engir meira innsæi í heilbrigðis-
kerfið en einmitt læknar,“ sagði
Pálmi V. Jónsson að lokum.
-jt-