Læknablaðið - 15.09.1999, Side 84

742
LÆKNABLAÐIÐ 1999; 85
Kampýlóbakterfaraldur
Lítill skilningur á því að hér er alvarlegt
heilsufarsvandamál á ferðinni
- segir Haraldur Briem sóttvarnalæknir
um fjölmiðlaumræðu sumarsins
Línuritið sýnir greind tilfelli af kampýlóbakter og fjölda sjúkrahús-
innlagna frá 1990-1998 og það sem af er þessu ári.
Mikil umræða varð í fjöl-
miðlum í sumar um fjölgun
kampýlóbaktertilfella sem
greint var frá hér í júlíhefti
Læknablaðsins. Inn í þá
umræðu blönduðust ýmsir
þættir, svo sem greinargerð
Heilbrigðiseftirlits Suður-
lands um sóðaskap á til-
teknu kjúklingabúi á Suður-
landi og auglýsingar land-
læknisembættisins sem
hvöttu almenning til að auð-
sýna hreinlæti í meðferð
matvæla.
Niðurstaða umræðunnar
varð kannski ekki ýkja mikil
frekar en oft vill verða hér á
landi en okkur lék forvitni á
að vita hvernig atburðir og
umræða sumarsins litu út frá
sjónarhóli sóttvarnalæknisins,
Haraldar Briem.
„Við erum að vona að um-
ræðan hafi þau áhrif að fólk
umgangist matvæli af meiri
skynsemi en áður og að það
skili sér í færri sjúkdómstil-
fellum. Það á að vera hægt að
koma í veg fyrir svona farald-
ur ef menn gæta að sér í eld-
húsinu. En það er of snemmt
að segja til um hver áhrifin
verða, við verðum að bíða í
nokkrar vikur til þess að geta
lagt mat á þau.
Hins vegar hefur mér fund-
ist skorta á það í umræðunni
að hún hafi snúist um kjarna
málsins sem hlýtur að vera sá
að það er fjöldi fólks að veikj-
ast illa af kampýlóbakter. Það
er ekki eins og að fá venjulegt
kvef að fá slíka iðrasýkingu.
Við höfum líka fengið fréttir
af fólki sem fær fylgikvilla á
borð við liðabólgu sem er
mjög bagaleg. Það hefur alveg
vantað í umræðuna að benda á
þetta, hún hefur frekar snúist
um tækniatriði og það hvort
einhver hafi lekið trúnaðar-
upplýsingum eða aðrir séu
sakaðir um eitt og annað með
ómaklegum hætti.
Það hefur skort skilning á
því að hér er alvarlegt heilsu-
farsvandamál á ferðinni sem
ekki er hægt að þegja um. Það
verður að segja fólki hvað er
að gerast og umfram allt að
koma á framfæri við fólk
skilaboðum um það hvernig
það getur varið sig. Enn er erf-
itt að segja til um hvaðan þetta
kemur og hverjir bera ábyrgð
á því, það verða rannsóknir að
leiða í ljós. Við vitum að bakt-
erían hefur fundist í kjúkling-
um en hún getur einnig fund-
ist í öðru kjötmeti. En það er
okkar álit að ekki sé rétt að
benda á einhvern einn aðila og
loka á hann núna án þess að
hafa heildarmynd af ástand-
inu. Slíkt gæti skapað falskt
öryggi og þá væri verr af stað
farið en heima setið.“
Níu tilfelli í júlí 1997
- 103 í ár
- Umræðan hefur orðið ansi