Árbók skálda - 01.12.1956, Qupperneq 80

78
ásamt þessari fordæmdu sál í hyldjúpum brunni. Aleinn, og Poe og Karioíi
og herra Hyde og bær undir íelli, sem ber naínið Öxl, og morðingi er drepur
gesti, sem að garði bera, og það er hella yfir rúminu þínu, sem fellur á þig
og mer þig til bana jafnskjótt og þú festir blund.
Blár himinn hvelfist yfir þér, og þú heldur að þú öðlist fró af því að stara
inn í þennan hreina bláma, en þá er hann orðinn að bláum augum, og þú
byrgir andlit þitt í örvæntingarfullri þrá eftir hvíld. En í eyrum þér er niður
blóðs, og rödd sonar þíns er í straumi þess, og aflvana líkami hans færist í
kaf í iðu þess ...
Snemma í föstu kemur kona þín til þín og heilsar með kossi, heit og þreytt
eftir langa ferð. Hún roðnar í vöngum og vörum og hvíslar að þér með kvíða
og gleði, að ávöxtur einnar nætur í trássi og sælu sé hjarta hennar nærri. Þá
flýtirðu þér að grípa hendur hennar og rödd þín verður heit og knýjandi:
— Komdu sæll, sonur minn óborni, drengur minn liðni. Komdu sæll og
öruggur, því faðir þinn er nú annar en sá sem gat þig. Og þú ert ekki lengur
í húsi, þar sem helhvatinn býr. Hann mun ekki koma og skipa mér eða móður
þinni að drepa okkar barn undir belti, hann getur hvenær sem er auglýst
íbúð til leigu.fyrir bamlaus hjón, við þurfum aldrei framar á henni að halda,
við sem eigum þrjú börn, eitt óborið, eitt lífs og eitt liðið.
Sonur. Þú skalt fá að leika þér í grasi í sólskini í ferskum blæ, við hlið
móður þinnar í blómastóði, í skjóli föður þíns á teigi. Hönd móður þinnar
mun hvorki visna af trega né heldur mun hún þerxa tár af hvarmi svartar
nætur. Móðir barnanna minna mun hlæja við tveim sonum á tryppi eða
kálfi hjá moldarvegg, í skjóli bæjar, þar sem hún á sér rætur.
Kona mín. Farðu og berðu jörð þinni kveðju mína. Segðu henni, að ég
hafi hugsað í vetux og grandskoðað hug minn og játazt við eðli mitt, segðu
henni að upp á síðkastið hafi mig dreymt í búri einn einasta draum, draum
um hana. Skilaðu til hennar, segðu henni orð mín:
— Of seint hef ég anzað þér, jörð mín. I sumar kem ég með son minn við
hönd og kyssi þig rjóða.