Sveitarstjórnarmál - 01.06.1998, Blaðsíða 10
SAMEINING SVEITARFELAGA
Undirbúningur atkvæóagreióslunnar
15. nóvember
Þegar leið að atkvæðagreiðslunni var boðað til kynn-
ingarfunda í öllum 11 sveitarfélögunum auk þess sem
sameiningarmálin voru kynnt á vettvangi félagasamtaka
og í Fjölbrautaskóla Norðurlands vestra. Mjög góð að-
sókn var á flesta kynningarfundina og lífleg skoðana-
skipti fóru þar fram. A fundunum var dreift riti sem
hafði að geyma ályktun sameiningamefndar og tillögur
nefndarinnar. Við alla kynningu var lögð megináhersla á
að ná til íbúa Skagafjarðar heima í héraði þó að málin
hlytu einnig víðfeðmari kynningu í Ijósvakamiðlum og
dagblöðum. Það sem einkenndi umræður um samein-
ingarmál í Skagafirði var hve málefnalegar þær voru,
jafnvel þótt tekist væri á um tilfinningar og meinta hags-
muni einstakra sveitarfélaga og íbúa þeirra. Þetta skýrir
líklega hve áhugi fjölmiðla á sameiningarferlinu í
Skagafirði var lítill lengst af en þeir einbeittu sér fremur
að sameiningarumræðu á þeim stöðum þar sem hávað-
inn var meiri. I Skagafirði var unnið að sameiningu 11
sveitarfélaga sem aðeins fyrir fáum árum voru 14 talsins
og það er Ijóst að þetta sameiningarferli er það umsvifa-
mesta og flóknasta sem hingað til hefur farið fram hér-
lendis.
Gengið var til almennrar atkvæðagreiðslu um samein-
ingu hinna 11 sveitarfélaga þann 15. nóvember 1997.
Fyrirlfam var samþykkt af sveitarstjómum allra sveitar-
félaganna að yrði sameining felld en aðeins í þremur
eða færri sveitarfélaganna yrði kosið aftur um samein-
ingu þeirra sveitarfélaga sem segðu já tveimur vikum
síðar. Það mátti því öllum vera ljóst að höfnun eins
sveitarfélags á sameiningu væri ekki ávísun á óbreytta
skipan. Þau sveitarfélög sem felldu tillöguna ættu hins
vegar á hættu að sitja ein eftir. Með þessu var tryggt að
fólk þyrfti ekki að fara á byrjunarreit aftur væri vilji til
sameiningar fyrir hendi. Líklegt má telja að þessi ráð-
stöfun hafi átt sinn þátt í því að íbúar allra sveitarfélag-
anna samþykktu sameiningu þeirra.
Tíminn fram aö sveitarstjórnarkosningum
Eftir að sameining var samþykkt var skipuð nefnd
sem í sitja framkvæmdastjórar sveitarfélaganna og full-
trúar meirihluta og minnihluta á Sauðárkróki, svokölluð
oddvitanefnd. Nefndin er samráðsvettvangur hinna sam-
einuðu sveitarfélaga fram að næstu sveitarstjómarkosn-
ingum. I nefndinni eru tekin fyrir mál sem upp koma
innan einstakra sveitarfélaga en verulega geta varðað
aðra íbúa í hinu sameinaða sveitarfélagi, svo sem nýjar
fjárskuldbindingar. Jafnframt hafa verið haldnir tveir
fundir þar sem saman hafa komið allir fulltrúar í sveitar-
stjómum þessara ellefu sveitarfélaga og sammælst um
undirbúning sameiningar.
Þremur heimamönnum, stjómmálafræðingunum Páli
Brynjarssyni og Hermanni Sæmundssyni svo og greinar-
höfundi, var falið það hlutverk að móta frekari tillögur
að stjómskipulagi og samþykktum hins sameinaða sveit-
arfélags. Tillögumar verða lagðar fyrir nýja sveitarstjóm
til umfjöllunar.
I - ■■
Niöurstaöa atkvæðagreiðslnanna um sameiningu sveitarfélaga í Skagafirði
15. nóvember 1997 og 20. nóvember 1993
15. nóvember 1997 20. nóvember 1993
Sveitarfélag A kjörskrá Kjörs. % Já % Nei % Auöir/ ógildir Já Nei
Fljótahreppur 100 71,0 66 93,0 5 7,0 34 47
Hofshreppur 265 66,4 127 72,9 48 27,1 2 103 61
Hólahreppur 99 65,7 59 90,8 6 9,2 40 33
Lýtingsstaðahreppur 190 81,6 78 50,6 76 49,4 2 34 110
Rípurhreppur 63 95,2 33 55,0 27 45,0 20 28
Sauðárkrókur 1868 52,0 774 79,5 193 19,8 7 489 359
Seyluhreppur 215 69,3 108 73,0 40 27,0 1 43 104
Skarðshreppur 80 82,5 37 60,7 24 39,3 4 20 44
Skefilsstaðahreppur 34 94,1 22 68,7 10 31,3 18 11
Staðarhreppur 90 78,9 51 73,9 18 26,1 2 40 21
Viðvíkurhreppur 54 76,0 38 95,0 2 5,0 1 26 8
Samtals 3228 58,0 1393 75,6 449 24,4 19 847 798
Ofangreindar prósentutölur eru miöaöar viö atkvæöi greidd meö eöa á móli (auöir seölar og ógildir ekki taldir meö). Heitdarkjörsókn er
miöuö viö öll greidd atkvæöi.
72