Sveitarstjórnarmál - 01.06.1998, Blaðsíða 52

FRA LANDSHLUTASAMTOKUNUM
Efling samstarfs sveitarfélaga
Aðalfiindur 1997 - fréttir úr starfi Samtaka
sveitarfélaga á höfuðborgarsvæðinu (SSH)
Jónas Egilsson framkvœmdastjóri
Á 21. aðalfundi SSH, sem hald-
inn var í Hafnarborg í Hafnarfirði
laugardaginn 4. október 1997, var
Steinunn Valdís Oskarsdóttir, borg-
arfulltrúi í Reykjavík, kosin formað-
ur samtakanna. Önnur í stjóm voru
kjörin Hilmar Guðlaugsson, borgar-
fulltrúi í Reykjavík, bæjarfulltrúam-
ir Erna Nielsen á Seltjarnarnesi,
Sigrún Gísladóttir í Garðabæ, Ámi
Hjörleifsson og Valgerður Sigurðar-
dóttir í Hafnarfirði og Arnór L.
Pálsson í Kópavogi, Sigurður Geir-
dal, bæjarstjóri þar, Jónas Sigurðs-
son, forseti bæjarstjómar í Mosfells-
bæ, og hreppsnefndarfulltrúarnir
Guðmundur Gunnarsson í Bessa-
staðahreppi og Kolbrún Jónsdóttir í
Kjalameshreppi og Guðbrandur G.
Hannesson, oddviti Kjósarhrepps.
Á fundinum voru aðallega rædd
tvö mál, yfirfærsla málefna fatlaðra
til sveitarfélaga og umferðarörygg-
isinál sveitarfélaga. Framsögumenn
í fyrri málaflokknum voru Páll Pét-
ursson félagsmálaráðherra, Vil-
hjálmur Þ. Vilhjálmsson, formaður
Sambands íslenskra sveitarfélaga,
Ingibjörg Sólrún Gísladóttir, borgar-
stjóri í Reykjavík, og Jóhann Am-
finnsson frá Landssamtökunum
Þroskahjálp. Framsögu í síðari
málaflokknum höfðu Þórhallur
Ólafsson, formaður umferðarráðs,
og Eiríkur Bjarnason, bæjarverk-
fræðingur í Garðabæ. Utan dagskrár
fór fram mikil umræða um yfir-
færslu grunnskólans til sveitarfé-
laga.
Merkt framlag til útivist-
ar-, umhverfis- og skipu-
lagsmála
Stjóm SSH afhendir á aðalfundi
samtakanna sérstaka viðurkenningu
fyrir merkt framlag til umhverfis-,
útivistar- og skipulagsmála og fer
afhendingin fram á aðalfundi sam-
takanna. Markmiðið með þessari al-
mennu viðurkenningu samtakanna
er að hvetja sveitarstjómir, hönnuði
og framkvæmdaaðila á höfuðborg-
arsvæðinu til þess að leggja áherslu
á það heildarumhverfi sem mótað er
á þessu sviði.
Að þessu sinni ákvað stjóm SSH
að veita Oddfellowhreyfingunni
viðurkenninguna fyrir uppbyggingu
útivistarsvæðis í Urriðavatnsdölum.
Myndverkið „Veðrahöll" eftir Hall-
stein Sigurðsson var veitt af þessu
tilefni og veitti Þorkell Jónsson,
talsmaður Oddfellowhreyfingarinn-
ar, viðurkenningunni móttöku.
Einnig var ákveðið að þessu sinni
að veita Reykjavíkurborg sérstaka
viðurkenningu vegna göngu- og
hjólreiðabrautar frá „fjöm til heiða“
og veitti Ingibjörg Sólrún Gísladótt-
ir borgarstjóri viðurkenningunni
móttöku úr hendi Jónasar Sigurðs-
sonar, formanns SSH. Þetta er í 14.
sinn sem viðurkenningin er afhent
og hefur henni verið úthlutað til 20
einstaklinga, félagasamtaka, stofn-
ana og sveitarfélaga á þessum árum.
Jónas Egilsson, framkvæmdastjóri SSH, og Jónas Sigurósson, forseti bæjarstjórnar
Mosfellsbæjar.
1 1 4