Sveitarstjórnarmál - 01.06.1998, Blaðsíða 11
SAMEINING SVEITARFÉ LAGA
Heilbrigöisstofnun Skagafjaröar á Sauöárkróki.
Stjórnsýsluhús Skagfiröinga mun hýsa þróunarsvið
Byggöastofnunar. Myndir sem ekki eru öörum merktar eru frá
Pedersen. Ljósmyndaþjónustu í Skagafiröi.
Bjarni Egilsson í Hvalnesi, oddviti Skefilsstaðahrepps og for-
maöur sameiningarnefndarinnar, var á faraldsfaeti um héraöiö til
þess aö kynna hugmyndina um sameiningu sveitarfélaga í
Skagafiröi. Ljósm. Elín Guöbrandsdóttir.
Hvers vegna var sameining samþykkt?
Astæður þess að farið var að skoða sameiningu sveit-
arfélaga í Skagaftrði voru ýmsar. Sveitarfélögin höfðu
með sér vaxandi samvinnu, ekki síst með tilkomu hér-
aðsnefndar sem í raun hafði tekið að sér framkvæmd
margra mikilvægra málaflokka sveitarfélaganna. Hlut-
verk og valdsvið einstakra sveitarstjóma fór því þverr-
andi, ekki síst vegna þess að stór hluti teknanna fór þá
þegar í sameiginleg verkefni. Með flutningi nýrra verk-
efna til sveitarfélaganna og versnandi fjárhagsstöðu
þeirra varð æ ljósara að þau væm flest of lítil og van-
megnug til þess að geta ein og óstudd boðið íbúunum
upp á viðunandi þjónustu. I margra huga var þetta því
spumingin um hvort stíga ætti skrefið til fulls með sam-
einingu sveitarfélaganna eða auka enn samvinnu um
stærri verkefni í héraðsnefndinni og byggðasamlögum.
Atvinnuleysi og stöðug fólksfækkun var fólki einnig
áhyggjuefni og þá ekki síst að þurfa að horfa á eftir unga
fólkinu í burtu.
Astæður þess að sameiningarleiðin var valin var þörfin
fyrir einn sterkan sameiginlegan málsvara til að berjast
fyrir hagsmunum byggðarlagsins og sú trú að þannig
mætti skapa hagstæðara umhverfi fyrir nýsköpun í at-
vinnulífi, skilvirkari stjómsýslu og bætta þjónustu við
íbúana. Sú staðreynd hve Skagafjörður liggur landfræði-
lega vel við sameiningu og sú sterka sjálfsímynd sem
íbúamir hafa fyrir því að vera Skagfirðingar mun greiða
fyrir þeirri hugarfarsbreytingu sem þarf til í sameinuðu
sveitarfélagi.
Með sameiningu hættu menn á hinn bóginn á að ein-
stök svæði innan sameinaðs sveitarfélags gætu orðið af-
skipt. Einnig að ýmis sérmál er þau vörðuðu yrðu útund-
an í stærra sveitarfélagi vegna þess möguleika að meiri
fjarlægð yrði milli sveitarstjórnar og íbúanna. Það var
einnig ljóst að stjórnendum í nýju sveitarfélagi yrði
vandi á höndum að samræma hagsmuni dreifbýlis og
þéttbýlis og að setja niður ýmis deilumál sem plagað
hafa samstarf sveitarfélaganna til þessa. Sameining sveit-
arfélaganna gerir íbúana einnig berskjaldaðri fyrir svæð-
isbundinni misbeitingu aflsmunar og valds vegna hags-
munatogstreitu. Ákvörðun um sameiningu hlaut því að
miklu leyti að byggjast á því hve mikið traust íbúamir
bæm hver til annars. Verður stjómendum í nýju samein-
uðu sveitarfélagi treystandi til að varpa fyrir róða gömlu
sérhagsmunapólitíkinni og vinna að hagsmunum heildar-
innar? Ibúamir sögðu já, það verður hlutverk komandi
sveitarstjóma að standa undir því trausti.