Sveitarstjórnarmál - 01.02.2001, Blaðsíða 61

UMHVERFISMÁL
um var þessi starfsemi farin að
standa undir sér án utanaðkomandi
styrkja.
Staöarfjárfesting
Árið 1998 byijaði sænska ríkið að
veita styrki til staðbundinnar fjár-
festingar sem ætlað er að stuðla að
sjálfbærri þróun. Þetta er hluti efhda
á yfirlýsingu sem forsætisráðherr-
ann gaf þegar hann var kosinn
flokksformaður. Orðin grænt al-
þýðuheimili (grönt folkhem) hefur
verið notað um þessa stefnu. Hug-
takið á að vísa til orðsins alþýðu-
heimilið (folkhemmet) sem Per Al-
bin Hansson, forsætisráðherra jafh-
aðarmanna, notaði á kreppuárunum
þegar hann lýsti framtíðarsýn sinni
um velferðarþjóðfélagið. Sveitarfé-
lögin sækja um fjárframlögin bæði
fyrir opinbera aðila og einkafyrir-
tæki. Meðalstyrkurinn er 30-40% af
fjárfestingunni. Árið 1998 fengu 42
sveitarfélög styrki sem námu sam-
tals 2,3 milljörðum sænskra króna,
og á árinu 1999 fengu 47 sveitar-
félög samtals 1,3 milljarða. Lands-
krona fékk 55 milljónir sænskra
króna í styrk 1999 eða tæplega 1500
sænskar krónur á ibúa. Umhverf-
isúrbætumar eru algjört skilyrði til
að fá styrkina greidda út og þessar
úrbætur verða að vera mælanlegar.
Lokaorö
Eg ætla að enda á tilvitnun í for-
sætisráðherra Svíþjóðar, Göran
Persson, úr ræðu sem hann hélt þeg-
ar hann var kjörinn formaður flokks
jafnaðarmanna 16. mars 1996.
Sama stefna kom síðar fram í
stefhuyfirlýsingu fyrstu ríkisstjómar
hans og varð gmnnurinn að „staðar-
fjárfcstingunni“ sem fýrr var nefhd.
Ég get ekki dæmt um hve mikið
mark á að taka á svona yfírlýsing-
um, en þó er augljóst að Göran
Persson fannst það mikilvægt að
sýna keppinautum og samstarfs-
fólki, fjölmiðlum og almenningi að
hann teldi „det gröna folkhemmet"
næsta mikilvæga átak í landinu.
„Ég vil að Sviþjóð verði fyrsta
landið í Evrópu til að byggja upp
vistfræðilega sjálfbært samfélag. Ég
vil að þetta verði næsta stóra verk-
efhi sænskra jafhaðarmanna. ... Við
skulum gera Svíþjóð að fýrirmynd-
arlandi fýrir vistfræðilega sjálfbæra
þróun. Við skulum endurbyggja
landið, skref fýrir skref. Að byggja
upp „sjálfbæra Svíþjóð" snýst að
miklu leyti um gildismat okkar,
hvað við teljum skipta máli í lífinu.“
1) Orkugróður er samheiti yfir plöntur
sem rœktaðar eru til eldsneytisframleiðslu.
Raps (Mergkál (Brassica napus var.
oleifera)) er dœmi um slika plöntu, en olia
úr firœjum hennar er m.a. notuð til firam-
leiðslu á RME (Rapsmetýlester). Hœgt er
að brenna RME i flestum dísilvélum án
mikilla breytinga. Sem dœmi um orkugróð-
ur má einnig nefna viðitegundir sem rœkt-
aðar eru til eldiviðar. (Innskot Stefáns
Gíslasonar.)
Þjóðhátíðarsjóður
auglýsir eftir umsóknum um
styrki úr sjóðnum á árinu 2001
Samkvæmt skipulagsskrá sjóðsins nr. 361 30. september
1977, sbr. auglýsingu nr. 673 frá 12. september 2000 um
breytingu á skipulagsskrá fyrir Þjóðhátíðarsjóð, er tilgangur
sjóðsins „að veita styrki til stofnana og annarra aðila, er hafa
það verkefni að vinna að varðveislu og vernd þeirra verðmæta
lands og menningar, sem núverandi kynslóð hefur tekið í arf.
Við það skal miða, að styrkir úr sjóðnum verði viðbótarframlag
til þeirra verkefna, sem styrkt eru, en verði ekki til þess að
lækka önnur opinber framlög til þeirra eða draga úr stuðningi
annarra við þau.“
Vakin er athygli á breytingu á skipulagsskrá sjóðsins, sem
greind er hér að framan, en hún felur í sér að Friðlýsingarsjóður
á vegum Náttúruverndarráðs, annars vegar og Þjóðminjasafnið
hins vegar njóta ekki lengur styrkja án umsókna þar um, en
þessir aðilar hafa hingað til notið til samans helmings árlegs
ráðstöfunarfjár Þjóðhátíðarsjóðs.
Stefnt er að úthlutun á fyrri hluta komandi árs.
Umsóknarfrestur er til og með 28. febrúar 2001.
Eldri umsóknir ber að endurnýja.
Umsóknareyðublöð liggja frammi í afgreiðslu Seðlabanka
íslands, Kalkofnsvegi 1, Reykjavík.
Nánari upplýsingar gefur ritari sjóðsstjórnar, Sveinbjörn Hafliða-
son, í síma 569 9600.
Reykjavík, 28. desember 2000.
Þjóðhátíðarsjóður.
57