Sveitarstjórnarmál - 01.02.2001, Blaðsíða 12

ATVINNUMÁL
á því að unnið sé að því að ná fram settum markmiðum i
hverjum málaflokki og reglulega á fyrirfram ákveðnum
tímum þarf verkefnastjórn að gera stöðumat á fram-
vindu mála og vinna að síendurskoðun fyrirliggjandi
áætlunar, þannig að hún nýtist sem best á hveijum tíma.
Áætlað er að vinnu við verkefnið „Vopnfírðingar
virkja“ verði lokið nú í febrúar og þá verður stefnumót-
unin lögð fyrir hreppsnefnd til samþykktar og þar verður
væntanlega ákveðið hver næstu skrefin verða. í beinu
framhaldi verður stefnumótunin kynnt á almennum fúndi
sem opinn verður öllum.
Með þessum hætti er vonast til að takast megi að snúa
vöm í sókn og fjölga atvinnutækifærum á svæðinu jafht
og þétt og auka áhuga fjárfesta á að fjármagna viðskipta-
hugmyndir sem til verða á svæðinu.
MENNINGARMÁL
Kaupvangur á Vopnafirði
Sl. sumar var unnið að endurbyggingu hússins Kaup-
vangs á Vopnafirði. Húsið var reist af verslunarfélaginu
Ömm og Wulff árið 1882. Fr. Bald byggingameistari, sá
hinn sami og stjómaði byggingu Alþingishússins, Hegn-
ingarhússins og fjölmargra annarra húsa víða um land,
var fenginn til að sjá um byggingu hússins.
Verslunarhúsið sem Bald reisti á Vopnafirði fékk síð-
ar nafnið Kaupvangur og líklega er nafngiftin þó frá tím-
um kaupfélagsins. Þegar Kaupfélag VopnaQarðar var
stofnað árið 1918 keypti það Kaupvang og rak þar frá
upphafí verslun sína og jafnframt var í húsinu íbúð
kaupfélagsstjóra.
Verslun kaupfélagsins var rekin í húsinu fram til ca
1960 þegar hún fluttist í nýtt verslunarhús.
Kaupvangur er óvenju stórt hús miðað við byggingar-
tíma eða um 500 m2. Fá jafnstór hús em til frá 19. öld;
timburhús af þessari stærð em teljandi á fingmm annarr-
ar handar. Fr. Bald var mjög mikilvirkur smiður og setti
sterkan svip á þau hús sem hann reisti. Fá hús eftir Bald
hafa varðveist utan Reykjavíkur. Tilraunir Balds til að
endurbæta íslenska húsagerð em merkilegar, einkum þó
notkun hans á steinsteypu.
Húsið hafði staðið autt um nokkurra áratuga skeið og
var vemlega illa farið. Burðargrind þess var þó í all-
góðu standi og er um að ræða hefðbundna grind úr heil-
trjám sem er töppuð saman. Að utan eru veggirnir
klæddir lóðréttri listasúð.
Kaupvangur hefur umtalsvert gildi fyrir allt landið
bæði sem byggingarlist og einnig sérstaklega sem minjar
um byggingatæknilega þróun. Fyrir Vopnafjörð hefur
húsið mikið gildi. Ber þar hæst tengsl þess við sögu
staðarins, stærð þess og glæsileiki og staða þess i bæn-
um. Allt gerir þetta Kaupvang mikilvægan þátt í ásýnd
bæjarins.
Að vel athuguðu máli var því ákveðið að endurbyggja
húsið frekar en að láta það hverfa úr bæjarmyndinni.
Sótt var um fjárveitingar úr Húsfriðunarsjóði ríkisins og
á fjárlögum til endurbyggingarinnar og hafa fengist all-
nokkrar fjárveitingar til endurbyggingarinnar. Jafnframt
því hefúr Vopnafjarðarhreppur lagt fjármuni á móti til
uppbyggingarinnar. I fyrsta áfanga var ákveðið að end-
urbyggja húsið og fullklára það að
utan og gera það vind- og vatnshelt.
Þessum áfanga er nú lokið og hefúr
húsið tekið algerum stakkaskiptum.
Unnið er að hönnun hússins að inn-
anverðu en ráðgert er að í húsinu
verði aðstaða fyrir margháttað sýn-
ingarhald; m.a. er ráðgert að í húsinu
verði safnað saman ýmsum upplýs-
ingum um vesturfaratímabilið, heið-
arbýlin, ábúendur þeirra og almennt
um sögu Vopnafjarðar. Frá Vopna-
firði fóru flestir til Vesturheims á
sínum tíma.
í næsta verkáfanga er ráðgert að
ljúka hönnun á húsinu að innanverðu
og að hefjast handa við lagfæringu á
því að innan.
Þorsteinn Steinsson
8