Morgunblaðið - 16.03.2013, Side 28

28 FRÉTTIRErlent
MORGUNBLAÐIÐ LAUGARDAGUR 16. MARS 2013
Farþegar þotu af gerðinni Airbus A330 njóta þess að vera þyngdarlausir í
fyrstu flugferðinni í þyngdarleysi fyrir almenning á vegum geimrann-
sóknastofnunar Evrópu. Hver farmiði í slíka ferð með sérútbúinni Airbus-
þotu kostar 6.000 evrur, jafnvirði 980.000 króna. Uppselt er í allar ferð-
irnar í ár og næsta ár. Boðið hefur verið upp á slíkar ferðir í Bandaríkj-
unum og Rússlandi.
AFP
Flogið í þyngdarleysi
Talsmaður Páfagarðs neitaði í gær
ásökunum um að Frans páfi hefði
ekki gert nóg til að vernda tvo
júsúítapresta, sem herforingja-
stjórnin í Argentínu lét handtaka og
pynta árið 1976. Jorge Mario Ber-
goglio, fyrsti páfinn frá Suður-
Ameríku, var þá yfirmaður jesúíta-
reglunnar í Argentínu.
Um 30.000 stjórnarandstæðingar
voru drepnir eða hurfu sporlaust á
valdatíma herforingjastjórnarinnar
á árunum 1976 til 1983. Bergoglio
hafði vísað prestunum tveimur úr
jesúítareglunni um viku áður en þeir
hurfu, eftir að þeir höfðu gagnrýnt
herforingjastjórnina. Fimm mán-
uðum síðar fundust þeir fáklæddir í
útjaðri Buenos Aires og þeim höfðu
verið byrluð lyf.
Talsmaður Páfagarðs, Federico
Lombardi, sagði í gær að ásak-
anirnar um að Frans páfi hefði
brugðist prestunum væru ærumeið-
andi og kæmu frá vinstrisinnuðum
andstæðingum kaþólsku kirkjunnar
sem vildu koma óorði á hana. „Það
hafa ekki komið fram neinar trú-
verðugar og raunsannar ásakanir á
hendur honum. Argentínska dóms-
kerfið hefur aldrei ákært hann,“
sagði Lombardi. Hann bætti við að
Bergoglio hefði lagt „mikið af mörk-
um til að vernda fólk á valdatíma
einræðisstjórnarinnar“. Frans páfi
hefur alltaf neitað því að hann hafi
tengst handtöku prestanna og
kveðst hafa farið á fund leiðtoga her-
foringjastjórnarinnar til að biðja
hann um að láta þá lausa. Hann hafi
einnig hjálpað öðru fólki sem herinn
ætlaði að handtaka. bogi@mbl.is
 Bað herforingjastjórnina um að láta prestana lausa
Neitar því að Frans páfi hafi
brugðist prestum í Argentínu
AFP
Frans Páfi í Sixtusarkapellunni.
Stjarnfræðingar í Bandaríkjunum
hafa fundið merki um vatnsgufu og
kolmónoxíð í lofthjúpi plánetunnar
HR8799c sem er í 130 ljósára fjar-
lægð frá jörðu. Stjarnfræðingarnir
telja þó ekki líklegt að líf geti þrif-
ist á plánetunni, m.a. vegna þess að
hitinn á yfirborði hennar er meira
en 1.000°C. Vísindamenn fundu
ekki nein merki um metan, sem get-
ur verið vísbending um líf, að því er
fram kemur í frétt The Guardian.
Rannsóknin fór fram í stjörnu-
skoðunarstöð á Hawaii og niður-
stöðurnar byggjast á nákvæmustu
mælingum sem gerðar hafa verið á
lofthjúpi plánetu utan sólkerfis
okkar. Hún er tiltölulega ung, eða
30 milljóna ára, og sjö sinnum
massameiri en Júpíter, stærsta
reikistjarnan í sólkerfi okkar.
GEIMVÍSINDI
AFP
Ofurheit Tölvumynd af plánetunni
HR8799c (til hægri).
Fundu vatnsgufu
á fjarlægri plánetu
Dómskerfið í Hollandi kann að eiga
yfir höfði sér saksókn vegna þess að
í ljós hefur komið að það hefur dreift
barnaklámi á netinu af misgáningi.
Málið komst í hámæli í fyrrakvöld
þegar hollenska ríkissjónvarpið
skýrði frá því að láðst hefði að fjar-
lægja nöfn skjala með myndum og
myndskeiðum þegar dómar í barna-
klámsmálum voru birtir á netinu.
Hægt var að nota nöfn skjalanna til
að finna myndirnar á netinu með
hjálp leitarvéla.
„Þetta er refsivert athæfi, þannig
að ætla mætti að lögreglan eða sak-
sóknarar gætu sótt dómskerfið til
saka fyrir að dreifa barnaklámi,“
sagði talsmaður hollenskra samtaka
sem berjast gegn dreifingu barna-
kláms. „Ef einstaklingur hefði gert
þetta myndu saksóknarar hefja
rannsókn á málinu.“
HOLLAND
Dómskerfið ákært
fyrir barnaklám?
Benjamin Netanyahu, forsætisráð-
herra Ísraels, náði í gær sam-
komulagi við leiðtoga annarra
flokka um myndun nýrrar sam-
steypustjórnar eftir 40 daga við-
ræður. Frestur Netanyahus til að
mynda nýja ríkisstjórn rennur út í
kvöld. Flokkarnir sem samþykktu
stjórnarmyndunina eru með alls 68
þingsæti af 120. Á meðal þeirra er
miðflokkur og flokkur yst til hægri
sem vill innlima stór svæði á
Vesturbakkanum í Ísrael.
ÍSRAEL
Netanyahu myndar
nýja ríkisstjórn
• Góðir tekjumöguleikar
• Þekkt vörumerki
• Sveigjanlegur vinnutími
Allar nánari
upplýsingar á
www.avon.is
og í síma 577 2150
Við leitum að sölufulltrúum um land allt
ÞAR SEM BARN ER
Hamraborg 9 | sími 564 1451 | www.modurast.is | opið 10-18 virka daga og 12-16 laugardaga
Mikið úrval af kerrum og barnabílstólum