Morgunblaðið - Sunnudagur - 16.06.2013, Side 15

Réttardagurinn, þar sem hún end-
urspeglar lífið í réttinni sjálfri.
Réttarkaffi er yfirskrift þeirrar
næstu og þar verður líf og fjör.
„Þar stendur ígildi Aðalheiðar, í
tréformi, á bak við borð og tekur á
móti gestum, eins og ég hef gert
síðustu tíu ár, síðan ég flutti í
sveitina, þegar réttað er í Reist-
arárrétt. Þá hef ég haft réttarkaffi
í Freyjulundi, selt kaffi og brauð í
gríð og erg og mörg hundruð
manns komið í hvert skipti inn á
heimili mitt. Ég hef mjög gaman af
því og hef lagt mikinn metnað í að
vera með flottasta tertuhlaðborð
sem sést hefur!“
Á sýningunni verður bæði tilbú-
inn matur á máta Aðalheiðar, smíð-
aður og settur saman úr hinu og
þessu dóti, en í bland alvöruveit-
ingar sem fólk getur fengið sér.
„Ég hef gaman af því að brúa bilið
á milli raunveruleikans og hins
ímyndaða heims og fólk getur tekið
þátt í verkinu með því að fá sér
kaffi og kökur; með því að setjast
niður hjá skúlptúrunum sem sitja
auðvitað við borð og borða kökur
af bestu lyst.“
Þriðja sýningin í Listasafninu er
um síðustu stundir sauðkind-
arinnar, slátrunina. Svona mætti
áfram telja; gestum verður boðið á
þorrablót og ýmislegt fleira verður
í boði, í Boxinu, Populus Tremula,
Mjólkurbúðinni, Ketilhúsinu og í
Flóru.
Margir hafa lagt hönd á plóginn,
eins og áður kom fram. „Listaverk-
in eru líklega óteljandi, eins og
Vatnsdalshólarnir, og það er
ógjörningur fyrir eina manneskju
að gera allt þetta á fimm árum. Ég
er ótrúlega heppin með aðstoðar-
fólk sem komið hefur á vinnustof-
una mína til að hjálpa mér að
smíða eða mála; sumir hafa bók-
staflega lagt eigið líf til hliðar til
að hjálpa mér án þess að ætlast til
neins á móti annars en að vera
með. Ég á ótrúlega fjölskyldu og
vini sem hafa hjálpað mér óend-
anlega og svo eru það allir lista-
mennirnir sem voru tilbúnir að
koma inn í mín verk með sín verk;
það er mjög óeigingjarnt og ofsa-
lega elskulegt allt saman.“
Ekki vill hún skjóta á hve mikið
timbur verður til sýnis.
„Ég kaupi mikið af timbri. Allir
skúlptúrar eru í grunninn byggðir
úr nýju og góðu timbri svo þeir
morkni ekki heldur endist, en ferð-
ir á ruslahaugana hafa líka verið
tíðar. Ég fer mikið þangað og á
gámasvæði og næ í allt timbur sem
ég möguleika get, auk þess sem
verkstæði og einkaaðilar koma með
efni til mín. Ég held ég geti notað
allt sem er í boði, við notuðum
meira að segja sag til að búa til
kökur!“
Sýningarnar standa flestar í allt
sumar og Aðalheiður segist verða á
staðnum meira og minna. „Ég tek
á móti fólki og verð með listasmiðj-
ur og ýmsar uppákomur á sýning-
artímanum.“
Framhaldið er óráðið. „Ég hef
passað mig á því að skipuleggja
ekki meira og vona satt að segja
að ég lendi í lausu lofti og viti ekk-
ert hvað ég á að gera. Að ég fái
tíma til að vera alveg ráðvillt og
viti hvorki hvort ég á að halda
áfram eða afturábak. Ég hef verið
mjög skipulögð síðustu ár og er
farin að þrá að geta unnið algjör-
lega án þess að hugsa nokkurn
skapaðan hlut um hvað ég ætla að
gera við það sem ég skapa. Að
geta bara unnið af þörfinni fyrir að
skapa.“
Aðalheiður S.
Eysteinsdóttir
á vinnustofu
sinni í gamla
Alþýðuhúsinu
á Siglufirði.
Morgunblaðið/Skapti Hallgrímsson
16.6. 2013 MORGUNBLAÐIÐ SUNNUDAGUR 15
Hjá Parka færðu flottar flísar í hæsta gæða-
flokki frá þekktum ítölskum framleiðendum.
Bjóðum aðeins það besta fyrir þig!
Dalvegi 10-14 • Kópavogi
Full búð af
flottum flísum