Morgunblaðið - Sunnudagur - 18.08.2013, Qupperneq 32

32 MORGUNBLAÐIÐ SUNNUDAGUR 18.8. 2013
Matur og drykkir
Þ
að var afrískt þema í þessu matarboði. Mér tókst næstum að slasa mig á
því að djúpsteikja bananana. Olían var alltof heit og ég gleymdi að
þerra bananana. Það er kannski ágætt að það komi fram. Það þarf að
þerra þá vel, hér lá við sprengingu,“ segir Anna Bergljót Thorarensen
sem skrifað hefur þrjú síðustu verkin fyrir Leikhópinn Lottu. Hópurinn hefur
sýnt Gilitrutt í sumar við góðar móttökur. Sýningin hefur farið um allt land og
ávallt er sýnt utandyra. Anna hefur verið í Afríku og ferðaðist um Vesturströnd
landsins – lærði þessa matseld þar. Hún bauð í fjögurra rétta máltíð, Red Red-
baunakássu, spínatsósu og kartöflur, kjúklingasúpu og hnetusúpu.
„Við eigum tvær sýningar eftir. Á sunnudag verðum við á Blómstrandi dögum
í Hveragerði og svo er lokasýning á miðvikudag í Elliðaárdalnum. Þetta er búið
að ganga svakalega vel í sumar. Búin að ferðast nokkrum sinnum í kringum
landið á bíl sem þolir allt.“ Anna er þegar farin að undirbúa næsta sumar en
Leikhópurinn Lotta hefur sýnt ævintýri síðan 2007. „Það er komið í tölvuna og
maður er aðeins byrjaður,“ segir hún leyndardómsfull í röddu. „Það má ekkert
gefa upp en ég get þó sagt að við ætlum að halda áfram að blanda saman æv-
intýrum.“
Leikhópurinn Lotta í fullum skrúða.
Það er alltaf
stutt í grínið
og glensið hjá
hópnum.
LEIKHÓPURINN LOTTA KVADDI SUMARIÐ
Afrískt þema
Gilitrutt
Anna Bergljót Thorarensen með allt á fullu.
* „Ég gleymdiað þerrabananana. Það er
kannski ágætt að
það komi fram.
Það þarf að þerra
þá vel, hér lá við
sprengingu.“
LEIKHÓPURINN LOTTA HEFUR FERÐAST UM ALLT LAND
MEÐ SÝNINGU SÍNA GILITRUTT. HÓPURINN BORÐAÐI OG
SKÁLAÐI FYRIR GÓÐUM ÁRANGRI ENDA VIÐBRÖGÐIN
BÚIN AÐ VERA FRÁBÆR.
Benedikt Bóas benedikt@mbl.is
Morgunblaðið/Eggert
hálf dolla hnetusmjör
lítil dós tómatpúrra
nokkrir chilli-pipar
4 stk. eggaldin
4 stk. laukur
6 stk. tómatar
8 leggir kjúklingur (má einnig
nota krabba eða fisk)
1 til 2 teningar kjúklingakraftur
Blandið hnetusmjörinu saman við einn
bolla af vatni. Leggið til hliðar. Setjið
kjúklinginn í pott, botnfylli af vatni í
pottinn og kveikið undir.
Skrælið eggaldin og skerið í bita, setjið
í pott með lauk og tómötum. Sjóðið
þar til mjúkt.
Losið vatnið af grænmetinu og maukið
með töfrasprota eða í blandara.
Bætið söxuðum chilli-pipar út í mauk-
ið og saltið eftir smekk. Bætið 3 boll-
um af vatni út á kjúklinginn auk hnetu-
smjörsins og látið sjóða.
Setjið maukað grænmetið út í hnetu-
kjúklinginn og náið aftur upp suðu.
Sjóðið í 15 mínútur.
Hnetusúpa
Spínat – stór poki
fjórir litlir rauðlaukar
1 kg kartöflur
2 litlar dósir tómatpúrra
1 matskeið cayenne-pipar
salt eftir smekk
einn teningur fiskikraftur
SPÍNATSÓSA
Setjið vel af olíu á pönnu.
Skerið laukinn smátt og brúnið
í olíunni.
Bætið tómatpúrru, krafti, salti og
pipar út á pönnuna og hrærið saman
við, látið malla í 5 mínútur. Ath. að
það sé mikið af olíu á pönnunni
þannig að laukurinn hálfsyndi í henni.
Hakkið spínatið smátt og bætið út á
pönnuna.
Sjóðið spínatið niður í sósuna og
hrærið í um 5 mínútur.
Skerið kartöflurnar í litla bita.
Setjið í pott, vatn svo rétt fljóti yfir
og slatta af salti.
Sjóðið þar til þær eru orðnar mjúk-
ar og hellið vatninu svo af.
Setjið spínatsósu og kartöflur í jöfn-
um hlutföllum á hvern disk.
Spínatsósa og kartöflur