Morgunblaðið - Sunnudagur - 18.08.2013, Qupperneq 60

F L Í S A V E R Z L U N
Bæjarlind 4, 201 Kópavogur | S: 554 6800 - Fax: 554 6801 | Njarðarnesi 9, 603 Akureyri | S: 466 3600 - Fax 466 3601 | www.vidd.is
Veldu rétt
Leo Messi er hann var kjörinn knattspyrnumaður Evrópu 2011.
SPORTSFILE
Frakkinn Ribery fagnar þrennunni með Bayern síðastliðið vor.
AFP
Cristiano Ronaldo, Portúgalinn frábæri og lykilmaður hjá Real.
AFP
HVER ÞEIRRA VAR BESTUR?
ÞRÍR KOMA TIL GREINA SEM KNATTSPYRNUMAÐUR ÁRSINS Í EVRÓPU
* Það er hárrétt að ég veit ekki mikið um leikmenn í frönsku 1.deildinni, en ég er handviss um að þeir vita allir hver ég er.Sænski landsliðsmaðurinn Zlatan Ibrahimovic
er hann kom til starfa hjá PSG í París í fyrra.
Boltinn
SKAPTI HALLGRÍMSSON
skapti@mbl.is
60 MORGUNBLAÐIÐ SUNNUDAGUR 18.8. 2013
Argentínska undrið Lionel Messi hefur sankað að sér verð-
launum síðustu ár; hampað hverjum bikarnum á fætur öðr-
um með spænska stórveldinu Barcelona og auk þess verið
hlaðinn persónulegum viðurkenningum.
Messi, sem er 26 ára, var fyrstur allra kjörinn besti leik-
maður heims fjögur ár í röð af Alþjóðaknattspyrnu-
sambandinu, FIFA, 2009-2012, en landsliðsþjálfarar og fyr-
irliðar allra landsliða heims kjósa. Hann var leikmaður
ársins í Evrópu 2009 og aftur 2011, en kjörið fór ekki fram
2010 þar sem gömlu Evrópuverðlaun France Football voru
sameinuð alheimskjöri FIFA. Á síðasta keppnistímabili náði
Messi þeim undraverða árangri að skora 46 mörk í 32 leikj-
um í spænsku deildarkeppninni, og átti stóran þátt í því að
Barcelona endurheimti meistaratitilinn. Auk þess lagði
hann upp 12 mörk í deildinni. Messi skoraði alls 60 mörk
með félagi sínu í fyrravetur og átti 16 stoðsendingar.
 Messi hefur verið besti knatt-
spyrnumaður heims síðustu ár
Frakkinn Franck Ribery, sem varð þrítugur fyrr á þessu ári,
kom víða við framan af ferlinum en sló rækilega í gegn með
Marseille í heimalandinu rúmlega tvítugur. Eftir að hann
gekk liðs við FC Bayern í Þýskalandi árið 2007 varð Ribery
ein af stórstjörnum knattspyrnuheimsins, og óumdeil-
anlega einn allra besti leikmaður sinnar kynslóðar. Aðeins
meiðsli hafa í raun komið í veg fyrir að stjarna hans hafi
skinið enn skærar en raun ber vitni.
Ribery vann tvennu, bæði deild og bikar, með Bayern vor-
ið 2008 og aftur 2010, en toppaði sjálfan sig – eins og allir
aðrir leikmenn félagsins – þegar sögulegri þrennu var fagn-
að í vor; Bayern varð þýskur meistari, bikarmeistari í
heimalandinu og loks Evrópumeistari, eftir sigur á Borussia
Dortmund í eftirminnilegum úrslitaleik. Ribery lék best
allra í þýsku deildarkeppninni á síðustu leiktíð, að mati
íþróttablaðsins Kicker; varð efstur í einkunnagjöf blaðsins.
 Frakkinn eldfljóti lykilmaður í
frábæru meistaraliði Bayern
Cristiano Ronaldo er einn besti leikmaður knattspyrnusög-
unnar. Um það eru flestir sparkspekingar sammála, en
segja má að það sé ólán Portúgalans að vera samtíða Lionel
Messi. Væri Argentínumaðurinn ekki slíkur undramaður
sem raunin er má telja víst að frægðarsól Ronaldos hefði
verið enn hærra á lofti síðustu ár – og hefur hún þó ekki sest
til viðar síðan leikmaðurinn skaust upp á stjörnuhimininn
með Manchester United á Englandi fyrir nærri áratug.
Portúgalinn, sem orðinn er 28 ára, var hlutskarpastur í
kjörinu um besta leikmann heims hjá FIFA 2008 og var
kjörinn leikmaður ársins af blaðamönnum á vegum franska
tímaritsins France Football sama ár.
Mörkin hafa komið á færibandi frá Ronaldo síðustu ár,
sparkviss er hann og skotfastur með afbrigðum og hefur
hreinlega farið hamförum með stórliði Real Madrid á Spáni
síðan hann var keyptur þangað fyrir metfé árið 2009.
 Christiano Ronaldo er einn
allra besti leikmaður sögunnar
Erfitt er að segja til um það hverer sá besti; sennilega ómögu-legt þegar öllu er á botninn
hvolft, altjent útilokað að unnendur
knattspyrnunnar allir verði sam-
mála. Sú íþrótt, að kjósa þann besta,
hefur þó verið stunduð áratugum
saman og þykir ætíð jafn spennandi.
Það var Gabriel Hanot, ritstjóri
franska knattspyrnublaðsins France
football, sem fór þess á leit á sínum
tíma við starfsbræður sína að þeir
veldu með honum besta leikmann
álfunnar. Nafnbótina hlaut fyrstur
enska goðsögnin Sir Stanley Matt-
hews, árið 1956.
France football nefndi hið árlega
kjör blaðamanna víðs vegar í álfunni
Ballon d’Or – Gullna boltann, og var
verðlaunagripurinn einmitt slíkur
bolti á fæti.
Árið 2009 fór kjörið síðast fram
með því sniði að einn blaðamaður frá
hverju landi kaus, en árið eftir hófst
samstarf franska blaðsins og Al-
þjóða knattspyrnusambandsins,
FIFA og síðan hefur kjörið verið á
heimsvísu; fyrirliðar og þjálfarar
allra landsliða veraldar, auk blaða-
manna, velja besta leikmann heims.
Þrjár kempur hlutu Gullna bolt-
ann í þrígang á sínum tíma, Hollend-
ingarnir Johan Cruyff og Marco van
Basten, auk Frakkans Michels Plat-
inis, sem nú er forseti Knattspyrnu-
sambands Evrópu, UEFA. Það var
einmitt að frumkvæði Platinis að
Evrópukjörið var endurvakið 2011 í
samstarfi við ESM; samtök sem eig-
andi þýska íþróttaritsins Kicker
kom á fót. Kjörinu verður að þessu
sinni lýst fimmtudaginn 29. ágúst í
Mónakó.
Platini endurvakti
Evrópukjörið
Frakkinn Michel Platini, forseti Knatt-
spyrnusambands Evrópu, UEFA.
AFP
MEIRA EN BARA LEIKUR ...