Morgunblaðið - 28.12.2013, Blaðsíða 2

Frystitogarinn Örvar SK-2 verður
seldur úr landi, en togarinn er einn
af þremur sem gerðir eru út af FISK
Seafood ehf. á Sauðárkróki. 17
manns eru í áhöfn og að teknu tilliti
til vaktaskiptakerfis verður 30
manns sagt upp.
Fram kemur á vef FISK Seafood
að viðunandi kauptilboð hafi borist í
Örvar en frágangur samninga standi
nú yfir. Stefnt er að því að skipið
verði afhent nýjum eigendum í febr-
úarmánuði 2014. Óhjákvæmilegt sé
að sölunni fylgi uppsagnir sjómanna,
en uppsagnarfresturinn er frá einum
og upp í sex mánuði.
Stefna FISK er að draga úr vægi
frystingar og vinnslu úti á sjó, en
efla í staðinn vinnslu í landi. Þetta
býður að sögn fyrirtækisins upp á
fjölbreyttari framleiðslu og betri
nýtingu alls hráefnis. Undirbún-
ingur að þessari breytingu er þegar
hafinn, m.a. með byggingu þurrk-
verksmiðju á Sauðárkróki.
FISK á líka dótturfyrirtæki, sem
sérhæfir sig í rannsóknum og þróun
á eftirliti og eflingu gæða á loka-
afurðum, sem og stöðlun framleiðsl-
unnar. Þrír starfsmenn hafa verið
ráðnir til þessa rannsóknar- og þró-
unarfyrirtækis á þessu ári, sem allir
hafa mismunandi bakgrunn og
menntun. Fyrirtækið telur að mikil
tækifæri séu fyrir hendi í þróun og
vinnslu sjávarafurða.
Örvar SK seldur úr
landi og 30 manns
verður sagt upp
2 FRÉTTIRInnlent
MORGUNBLAÐIÐ LAUGARDAGUR 28. DESEMBER 2013
Morgunblaðið Hádegismóum 2, 110 Reykjavík. Sími 5691100 Fréttir Guðmundur Sv. Hermannsson, Sigtryggur Sigtryggsson, ritstjorn@mbl.is Viðskipti Agnes Bragadóttir, vidskipti@mbl.is Menning Einar Falur Ingólfsson menning@mbl.is Íþróttir
Víðir Sigurðsson sport@mbl.is mbl.is Guðrún Hálfdánardóttir, Sunna Ósk Logadóttir netfrett@mbl.is, Smartland Marta María Jónasdóttir, smartland@mbl.is Umræðan | Minningar | Bréf til blaðsins mbl.is/sendagrein Prentun Landsprent ehf.
Fjölmenni lagði leið sína í Landsprent, prent-
smiðju Árvakurs, í gærkvöldi í tilefni af útgáfu
sérblaðs Morgunblaðsins, áramótablaðsins
Tímamóta. Það er unnið í samstarfi við New
York Times og er þar birt efni frá báðum blöð-
um. Ræðumenn kvöldsins voru þeir Tómas Már
Sigurðsson, forstjóri Alcoa í Evrópu, og Magnús
E. Kristjánsson, framkvæmdastjóri markaðs- og
sölumála hjá Árvakri. Hér má sjá hluta gesta.
Áramótablaði fagnað með góðum gestum
Morgunblaðið/Ómar
Útgerðarfélag Akureyringa hf. er nýr hluthafi í Greiðri
leið ehf., sem á 49% hlutafjár í Vaðlaheiðargöngum hf.,
sem vinnur að gerð Vaðlaheiðarganga, en Vegagerðin á
49%.
Hlutafé Greiðrar leiðar ehf. í Vaðlaheiðargöngum hf.
er 400 milljónir og samkvæmt lánasamningi við ríkið ber
félaginu að auka hlutaféð um 40 milljónir króna á ári í
fimm ár. Bæjarráð Akureyrarbæjar ákvað fyrir skömmu
að falla frá forkaupsrétti kaupstaðarins á hlutafé í
Greiðri leið ehf., en Pétur Þór Jónasson, stjórnarformað-
ur Greiðar leiðar ehf., segir að það skipti ekki máli því
nýr hluthafi, Útgerðarfélag Akureyrar, komi inn og auk-
ið hlutafé sé því tryggt.
Verklok áætluð eftir tvö ár
Félagið Greið leið ehf. var stofnað 2003 um undirbún-
ing og gerð ganganna. Stofnendur félagsins voru 20
sveitarfélög á Norðurlandi eystra og tíu fyrirtæki með
starfsemi á svæðinu.
Framkvæmdir við Vaðlaheiðargöng ganga vel. „Þær
ganga vonum framar, verkið er sex vikum á undan áætl-
un,“ segir Pétur Þór. Göngin liggja milli Eyjafjarðar og
Fnjóskadals og verða um 7,2 km löng en búið er að bora
um 1,4 km. Áætluð verklok eru í árslok 2016. Um 40 til 50
manns vinna við framkvæmdirnar en tveggja vikna hlé
var gert um jólin og hefst vinna aftur 6. janúar.
steinthor@mbl.is
ÚA hluthafi í Vaðlaheiðargöngum
 Framkvæmdir við göngin
sex vikum á undan áætlun
Morgunblaðið/Sigurður Bogi
Vaðlaheiði Munni ganganna í Eyjafirði.
Kjartan Kjartansson
kjartan@mbl.is
Storm sem gekk yfir Vestfirði og vind annars
staðar á landinu var farið að lægja í gærkvöldi
en snjó hélt áfram að kyngja niður um allt
norðanvert landið. Áfram er spáð viðvarandi
éljagangi á norðanverðu landinu í dag og erf-
iðri færð.
Hættustig vegna snjóflóða er utan þéttbýlis
á Bolungarvík, í Hnífsdal og Ísafirði og óvissu-
stig annars staðar á norðanverðum Vest-
fjörðum. Af þeim sökum var vegunum um
Súðavíkurhlíð og Eyrarhlíð lokað auk Flateyr-
arvegar. Þá var veginum um Ólafsfjarðarmúla
lokað klukkan 22.00 í gærkvöldi en björgunar-
sveitarmenn gættu Skutulsfjarðarbrautar við
Ísafjörð til klukkan hálffjögur í nótt.
Ákvörðun um rýmingu bæjanna Hrauns í
Hnífsdal og Geirastaða í Syðri-Dal og reits 9 á
Ísafirði var enn í gildi í gær.
Björn Oddsson, verkefnastjóri hjá almanna-
varnadeild ríkislögreglustjóra, ráðleggur fólki
að ferðast ekki að ástæðulausu og leita nýjustu
upplýsinga um veður og færð áður en haldið er
af stað þar sem aðstæður geti verið fljótar að
breytast.
Bolungarvíkurlína 1 bilaði í óveðrinu í gær
en að sögn Þórðar Guðmundssonar, forstjóra
Landsnets, var vitað hvar bilunin var og vænt-
anlega verður gert við hana í dag. Ekki varð
straumlaust neins staðar af þessum sökum.
Viðgerð Landsnets á Vopnafjarðarlínu lauk
í gær en Þórður segir að vonir standi til að
hægt verði að ljúka viðgerð á Stuðlalínu milli
Skriðdals og Eskifjarðar í dag en á henni
brotnuðu tíu rafmagnsmöstur í hvassviðri og
ísingu yfir hátíðarnar.
Yfirleitt í skemmri tíma
Að sögn Einars Sveinbjörnssonar veður-
fræðings er óveðrið sem geisað hefur frá því á
aðfangadag það versta í fimmtíu ár á þessum
árstíma. Ekki sé óþekkt að slíkan hríðakafla
geri en það hafi yfirleitt gerst í afmörkuðum
landshlutum í styttri tíma í senn.
„Það hefur oft verið slæmt veður fyrir og
eftir jólin en það hefur ekki verið svona langur
kafli með norðanhríð á öllu landinu í áratugi,“
segir hann.
Snjó heldur áfram að kyngja niður
 Versta hátíðaveðrið í um hálfa öld að sögn veðurfræðings  Viðvarandi snjóflóðahætta er á
Vestfjörðum, rýmingar og vegum lokað  Landsnet gerir við rafmagnslínur fyrir vestan og austan
Morgunblaðið/Halldór Sveinbjörnsson
Hætta Björgunarsveitarmenn vöktuðu Skutulsfjarðarbraut vegna snjóflóðahættu fram á nótt.