Morgunblaðið - 28.12.2013, Blaðsíða 36

36 MINNINGAR
MORGUNBLAÐIÐ LAUGARDAGUR 28. DESEMBER 2013
✝ Vilborg Ped-ersen fæddist í
Reykjavík 29. júní
1934. Hún lést á
heimili sínu, Þrast-
arhóli í Hörg-
ársveit í Eyjafjarð-
arsýslu, 15.
desember síðastlið-
inn.
Foreldrar henn-
ar voru hjónin Sal-
vör Jónsdóttir,
fædd f. 27. október 1903, d. 8.
desember 1989, og Niels Ped-
ersen, f. 3. desember 1885, d. 4.
janúar 1952. Systkini Vilborgar
eru samtals 12.
Vilborg kvæntist 6. sept-
ember 1955 Jósef Tryggvasyni,
f. 19. ágúst 1934, d. 17. febrúar
2007. Jósef var fæddur og upp-
alinn á Akureyri.
Vilborg átti son, 1) Hrein
Pálsson, áður en hún giftist Jós-
ef. Hans kona er Sigríður Krist-
ín Bjarkadóttir, þau eiga tvö
börn og eitt barnabarn. Börn
Jósefs og Vilborgar eru: 2) Sal-
vör, f. 19. febrúar 1955, giftist
Sigurði Gíslasyni og eiga þau
saman tvö börn. Þau skildu.
Seinni eiginmaður hennar er
Árni Ómar Jósteinsson og eiga
þau þrjá syni. Salvör á sex
barnabörn. 3) Ingibjörg Val-
gerður, f. 24. júní 1956, gift
Sigurði Svan Gestssyni og eiga
var Þorsteinn Kristbjörnsson
og eiga þau eina dóttur. Eig-
inmaður Heiðu er Ingi Rúnar
Jónsson. Þau eiga tvær dætur.
10) Sigríður Hrefna, f. 2. apríl
1972, giftist Ricky Carl Søren-
sen og eiga þau tvær dætur.
Þau skildu. 11) Ólöf Harpa, f.
27. september 1974, er gift Axel
Grettissyni og eiga þau þrjár
dætur og einn son. Börn, barna-
börn og barnabarnabörn þeirra
Vilborgar og Jósefs eru nú orð-
in 62 talsins.
Tvítug að aldri keyptu Vil-
borg og Jósef jörðina Þrast-
arhól í Arnarneshreppi og hófu
þar búskap. Meðfram vinnu við
búið starfaði Vilborg við að-
hlynningu á dvalarheimilinu
Skjaldarvík. Eftir að þau hættu
búskap sneru þau sér að trjá-
rækt sem þau unnu að allt til
síðasta dags.
Á Þrastarhóli hefur löngum
verið barnmargt. Þar voru ekki
aðeins börn þeirra og barna-
börn, heldur dvöldu þar börn
systra, bræðra og vina í lengri
og skemmri tíma.
Vilborg var fjölhæf, skapandi
og listræn kona. Garðrækt og
handverk voru hennar áhuga-
mál. Vilborg var mikil hann-
yrða- og handverkskona. Fyrir
rúmu ári greindist Vilborg með
krabbamein, sem leiddi hana til
dauða.
Útför Vilborgar verður gerð
frá Möðruvallarklausturskirkju
í dag, 28. desember 2013, og
hefst athöfnin kl. 14.
þau saman tvo
syni. Ingibjörg átti
son áður en hún
giftist. Fyrir átti
Sigurður son. Ingi-
björg á fimm
barnabörn. 4) Ósk-
ar, f. 31. ágúst
1957, kvæntur
Ingibjörgu Sverr-
isdóttur og eiga
þau þrjá syni. Ósk-
ar á eitt barna-
barn. 5) Haraldur, f. 11. nóv-
ember 1958. 6) Sigrún, f. 7.
ágúst 1961, giftist Karli Þor-
móðssyni og eiga þau tvo syni.
Þau skildu. Eiginmaður hennar
er Friðbjörn Hilmar Krist-
jánsson og eiga þau saman tvö
börn. Sigrún á fimm barnabörn.
7) Hildur, f. 27. febrúar 1965.
Fyrri sambýlismaður hennar
var Jón Viðar Þórisson og eign-
uðust þau tvær dætur. Sam-
býlismaður Hildar er Guð-
mundur Örn Helgason og eiga
þau eina dóttur. Fyrir átti Guð-
mundur tvo syni. 8) Níels Pétur,
f. 10. desember 1966, sambýlis-
kona Anna Jóna Vigfúsdóttir
og eiga þau saman þrjú börn.
Fyrir sambúð átti Níels dóttur
með Önnu Jónu Guðmunds-
dóttur. Fyrir átti Anna Jóna
Vigfúsdóttir eina dóttur. 9)
Heiða Björk, f. 4. febrúar 1969.
Fyrri sambýlismaður hennar
Þegar þú ert sorgmæddur,
skoðaðu þá aftur huga þinn, og þú
munt sjá, að þú grætur vegna
þess, sem var gleði þín. (Kahlil Gi-
bran.)
Þessi orð úr Spámanninum
hafa verið mér hugleikin undan-
farið. Þú varst svo stór gleði í lífi
mínu, elsku mamma mín. Mamma
sem gat alltaf látið mér líða vel,
greitt úr erfiðum hugarflækjum.
Mér er það minnisstætt þegar ég
bjó í Danmörku og upp komu erf-
iðir tímar eða mér leið illa, þá gat
eitt símtal við þig bjargað öllu,
lagað allt. Það var svo gott að geta
leitað til þín.
Þú kenndir mér að njóta þess
að fara út í garð að vinna, hvað
það gefur mikla hugarró að róta í
moldinni, klippa og því um líkt.
Eitt sinn þegar ég var stelpa
spurði ég þig afhverju þú værir að
þessu og þú sagðir mér að ef við
hlúum að blómunum þá launa þau
það með því að blómstra, verða
falleg og gefa okkur gleðina með
því. Oft hef ég hugsað til þessara
orðaskipta okkar og skilið svo vel
hvað þú varst að tala um. Margar
okkar bestu stundir áttum við í
garðinum þínum, þar gátum við
rætt um allt milli himins og jarð-
ar.
Síðasta sumar ákváðum við
ásamt fleirum að halda opinn garð
á Sæludegi í sveitinni. Það var
góður dagur, margt fólk kom í
heimsókn og þú varst alsæl með
þetta. Það var svo gott að geta
gefið þér þessa gleði og orðin sem
þú sagðir þegar þú kvaddir mig
um kvöldið verða mér ávallt
minnisstæð.
Aldrei heyrði maður þig barma
þér, þó að lífið hljóti stundum að
hafa verið erfitt með allan þennan
barnaskara. Þú varst alltaf hirð-
irinn yfir hjörðinni þinni, alveg
fram í andlát.
Það verður skrítið fyrir mig og
stelpurnar að geta ekki skroppið í
sveitina að hitta þig, fá smá
mömmu- og ömmuknús, já og
auðvitað að fá afakexið, það var
alltaf fastur liður eins og venju-
lega hjá öllum barnabörnunum.
Nú eruð þú og pabbi saman á
ný, hann er örugglega farinn að
stjana við þig eins og hann var
vanur að gera.
Elsku mamma mín, takk fyrir
það veganesti sem þú gafst mér út
í lífið.
Sigríður Hrefna Jósefsdóttir.
Nú er þú horfin á braut, elsku
mamma, til annarra heima þar
sem friður og ró ríkir og þú ert
laus við sjúkdóma og pínu. Í eft-
irfarandi sálmi er kveðjan sem þú
vildir senda afkomendum þínum,
vinum og vandamönnum.
Þér kæra sendi kveðju
með kvöldstjörnunni blá
það hjarta, sem þú átt,
en sem er svo langt þér frá.
Þar mætast okkar augu,
þótt ei oftar sjáumst hér.
Ó, Guð minn ávallt gæti þín,
ég gleymi aldrei þér.
(Bjarni Þorsteinsson.)
Þú varst stórbrotin kona sem
áorkaðir miklu, ein af þessum
duglegu, sterku og þautseigu ís-
lensku konum sem hafa, í gegnum
aldirnar, látið hlutina ganga upp.
Tókst af æðruleysi á við það sem
upp kom á hverjum tíma, fannst
lausnir, hélst ró þinni þegar á
móti blés, þolinmæði og getu til að
hvika ekki þegar óljóst var hvert
skyldi stefna. Á sama tíma og þú
varst að fæða og ala þín 11 börn,
sinna hverju og einu eftir þörfum,
gastu stundað blóma- og skóg-
rækt, hannyrðir og fleiri áhuga-
mál. Allt fram á síðustu stund
varstu að fylgjast með, hafa skoð-
anir og leggja til lausnir.
Oft hafa dagarnir verið langir
þó svo að aldrei hafi verið um það
rætt, aldrei kvartað eða amast við
þeim verkefnum sem upp komu
heldur gengið í að leysa þau eins
vel og kostur var hverju sinni. Við
börnin þín erum þakklát fyrir að
hafa átt þig fyrir móður, þakklát
fyrir leiðsögnina og veganestið
sem þú gafst okkur fyrir lífið. Við
erum stolt af þér og ævistarfi þínu
og óskum þess að okkur lánist að
lifa eftir þeim gildum sem þú
kenndir okkur og innrættir.
Þinn sonur,
Óskar.
Mamma mín. Þar sem ég sit
hér og hugsa til baka og minnist
þín, elsku mamma mín, kemur
þakklæti og söknuður upp í huga
minn framar öllu öðru. Að geta
ekki tekið smá spjall við þig aftur
eða kíkt á kaffihús með þér er svo
skrítið að hugsa til, þó svo að við
höfum vitað að hverju stefndi. Þú
varst alltaf svo kraftmikil, atorku-
söm kona og hafðir endalausan
áhuga fyrir lífinu í víðasta skiln-
ingi þess orðs. Þú hafðir gaman af
fjölmenni en naust þess að geta
stungið þér í helgidóminn þinn,
garðinn þinn, þegar skarkalinn
frá afkomendunum var orðinn of
mikill. Þú hafðir endalaust áhuga
á börnum enda móðir 11 barna og
marga umræðuna höfum við átt
um barnabörnin þín 33 og hvernig
þeim reiðir af í lífsins ólgusjó.Um-
ræður um ræktun blóma, trjáa
eða bara lífið almennt voru marg-
ar. Ég minnist síðustu skilaboða
þinna til okkar, barna og barna-
barna þar sem við stóðum við
rúmgaflinn þinn rétt áður en þú
fórst í ferðalagið þitt: þetta verð-
ur allt í lagi, þetta verður allt í
lagi. Ég ætla að hafa þau orð að
mínu leiðarljósi.
Það er auðvitað ekki hægt að
hugsa um mömmu án þess að
pabbi komi upp í hugann líka. Þau
hafa verið svo lengi órjúfanlegur
þáttur af lífi manns. Hversu lán-
söm vorum við systkinin að eiga
ykkur sem foreldra. Það var alltaf
gaman að koma heim til ykkar
pabba og mörg okkar hafa átt at-
hvarf hjá ykkur fyrir okkar börn
þegar eitthvað bjátaði á. Þar vil
ég sérstaklega þakka allt sem þið
gerðuð fyrir hann Róbert minn.
Ég hef stundum hugsað um
hvernig sé hægt í hóp sem telur
11 börn að láta þeim finnast þau
öll sérstök. En einhvern veginn
tókst ykkur pabba það.
Okkur öllum, börnum og
barnabörnum, fannst alltaf gott
að koma á Hólinn hvort sem það
var til ykkar eða þegar þessi stóra
fjölskylda hélt sínar árlegu fjöl-
skyldusamkomur á Halló Þrast-
arhóll. Það eiga allir góðar minn-
ingar tengdar Hólnum og ykkur.
Það velur enginn börnin sín né
foreldra en það er gott að vera
sáttur við valið, það gerir mann
sáttan við lífið.
Elsku mamma mín, ég veit að
þó ég eigi eftir að sakna þín óum-
ræðilega mikið þá á ég líka svo
margar og góðar minningar sem
munu ylja um ókomna tíð. Takk
fyrir allt, mamma mín, og góða
ferð.
Þín dóttir
Ingibjörg V. Jósefsdóttir.
Nú er þú horfin á braut, elsku
mamma, til annarra heima þar
sem friður og ró ríkir og þú ert
laus við sjúkdóma og pínu. Í eft-
irfarandi sálmi er kveðjan sem þú
vildir senda afkomendum þínum,
vinum og vandamönnum.
Þér kæra sendir kveðju með kvöld-
stjörnunni blá
það hjarta sem þú átt, en er svo langt
þér frá.
Það mætast okkar augu, þótt ei oftar
sjáumst hér.
Ó, guð minn ávallt gæti þín, ég gleymi
aldrei þér.
Þú varst stórbrotin kona sem
áorkaðir miklu, ein af þessum
duglegu, sterku og þautseigu ís-
lensku konum sem hafa í gegnum
aldirnar látið hlutina ganga upp.
Tókst af æðruleysi á við það sem
upp kom á hverjum tíma, fannst
lausnir, hélst ró þinni þegar á
móti blés, þolinmæði og getu til að
hvika ekki þegar óljóst var hvert
skyldi stefna. Á sama tíma og þú
varst að fæða og ala þín ellefu
börn, sinna hverju og einu eftir
þörfum, gastu stundað blóma- og
skógrækt, hannyrðir og fleiri
áhugamál. Allt fram á síðustu
stund varstu að fylgjast með, hafa
skoðanir og leggja til lausnir.
Oft hafa dagarnir verið langir
þó svo að aldrei hafi verið um það
rætt, aldrei kvartað eða amast við
þeim verkefnum sem upp komu
heldur gengið í að leysa þau eins
vel og kostur var hverju sinni. Við
börnin þín erum þakklát fyrir að
hafa átt þig fyrir móður, þakklát
fyrir leiðsögnina og veganestið
sem þú gafst okkur út í lífið. Við
erum stolt af þér og ævistarfi þínu
og óskum þess að okkur lánist að
lifa eftir þeim gildum sem þú
kenndir okkur og innrættir.
Þinn sonur.
Óskar.
Elskulega tengdamamma mín
er dáin. Það er dapurlegt að þurfa
að kveðja þig svona fljótt en svona
er víst lífsins gangur. Það var allt-
af gott að koma til þín, já og einn-
ig að búa inni á heimili þínu eins
og við Ólöf fengum að gera á með-
an við vorum að smíða hús okkar
sem stendur nú rétt hjá þínu húsi.
Það verður afar tómlegt að hafa
þig ekki lengur í næsta húsi hérna
á Þrastarhóli og ég veit að börnin
mín munu saka þess mjög mikið
að geta ekki hlaupið til ömmu eins
og þau hafa nú verið dugleg að
gera.
Kara Hildur hefur t.d. átt
margar prjóna- og föndur-
kennslustundir með þér, Birta
Karen hefur oft farið til þín og
gripið í spil og svo eru ófáar ferð-
irnar sem að hann Jósef Orri hef-
ur farið til þín til þess að fá afa-
kex.
Mér er nú kannski efst í huga
allar þær sögur sem að þú hefur
sagt mér í gegnum tíðina frá
gömlum tímum. Hvernig það var
að búa í braggahverfinu í Reykja-
vík, hvernig var að flytjast norður
og fara í búskap o.fl.
Eins og ég sagði oft við þig að
þá reikna ég ekki með því að upp-
lifa eins miklar framfarir og
tækninýjungar á minni lífsleið
eins og þú gerðir á þinni lífsleið.
Sveitasíminn fór í þráðlausan
síma gegnum ljósleiðara, ferðalag
sem að tók þig tvo heila daga
fórstu svo oft á þínum síðari árum
á 4 klst. og svo mætti nú lengi
telja. Þú varst þó alltaf til í að til-
einka þér nýjungar eins og þegar
þú skelltir þér á tölvunámskeið til
að geta fylgst betur með því hvað
var að gerast í kringum þig, já og
líka spila kapal við tölvuna.
Það voru líka mörg skiptin sem
að þú komst til okkar í mat og þá
sérstaklega á föstudögum í
heimabakaða pitsu og einn kaldan
bjór með. Það var líka yndislegt
að fá að verja jólunum með þér í
þau mörgu skipti sem að við eydd-
um þeim saman.
Þegar pakkarnir voru opnaðir
þá mátti nú ekki á milli sjá hvort
þú fékkst fleiri pakka eða krakk-
arnir mínir, svo marga góða áttir
þú að sem að vildu gleðja þig á
þessum tímum.
Það var mjög ánægjulegt að fá
að upplifa þessi ár með þér og sjá
hversu stolt þú varst af börnum
mínum og okkur Ólöfu. Allar góðu
minningarnar sem að við eigum
um þig munum við varðveita og
halda á lofti á heimili okkar um
ókomin ár.
Hvíldu í friði, elsku Vilborg
Þinn tengdasonur,
Axel Grettisson.
Elsku mamma
Nú er baráttu þinni lokið og þú
komin til hans pabba sem ég hef
trú á að hafi tekið vel á móti þér.
Þetta var barátta sem þú vissir að
þú myndir ekki vinna, þú talaðir
um að þú værir að bíða í biðsaln-
um og spurðir stundum seinustu
dagana hvenær þessu færi að
ljúka.
Ég er afskaplega þakklát fyrir
þennan tíma sem við áttum saman
seinasta hálfa mánuð.
Það sem við skröfuðum um á
nóttunni þegar svefninn vildi ekki
koma. Þú áttir mörg gullkorn
seinustu dagana. Í þessu ströggli
veikindanna var í þér barátta sem
lýsti þér svo vel, ákveðnin, seigl-
an, húmor og innileg hlýja.
Eins og ég græt missi þinn veit
ég að hann var óumflýjanlegur og
þér kærkomin á lokastundu. Þú
skilur eftir stóran hóp afkomenda
sem er stoltur yfir að vera börnin
þín.
Sveitin hjá ömmu og afa var
börnum mínu minnisstæð og ljúf.
Öll minnast þau ykkar beggja af
alúð og elsku. Friðbjörn sendi
kveðju sínar og þakkir fyrir allt –
hann er ánægður yfir að hafa
komið norður og kvatt þig og
fengið knús fyrir rauðsprettu með
rauðum dílum.
Ég sendi þér kæra kveðju
nú komin er lífsins nótt,
þig umvefji blessun og bænir
ég bið að þú sofir rótt.
Þó svíði sorg mitt hjarta
þá sælt er að vita af því,
þú laus ert úr veikinda viðjum
þín veröld er björt á ný.
Ég þakka þau ár sem ég átti
þá auðnu að hafa þig hér,
og það er svo margs að minnast
svo margt sem um hug minn fer,
þó þú sért horfinn úr heimi
ég hitti þig ekki um hríð,
þín minning er ljós sem lifir
og lýsir um ókomna tíð.
(Þórunn Sigurðardóttir.)
Kysstu pabba frá mér. Ástar-
kveðja.
Sigrún
Elsku tengdamamma, mig
langar að skrifa hér fáeinar línur
og þakka fyrir þessi tæp fjörutíu
ár sem við áttum samleið. Það
verður tómlegt á Hóli nú þegar
þið eruð bæði farin. Við Inga og
þið Jósef áttum margar góðar
stundir saman bæði hér heima og
erlendis. Siglingin í Karíbahafið
stóð uppúr en við skemmtum okk-
ur alltaf vel í þessum ferðum. Mér
þótti ákaflega vænt um að heyra
ykkur tengdapabba tala um
gestaherbergi í íbúðinni okkar
sem „okkar herbergi“ sem vísaði
til þess að ykkur liði vel hjá okkur.
Vilborg mín, hver á nú að passa
lykilinn að sumarbústaðnum okk-
ar Ingu? Þú varst alltaf svo rögg-
söm í öllu sem þú tókst þér fyrir
hendur og maður vissi að það var
enginn að þvælast í kringum bú-
staðinn í óleyfi. Allt sem þú tókst
þér fyrir hendur kláraðir þú með
stakri prýði og ekki truflaði það
þig mikið þó nokkrir rollingar
þvældust stundum fyrir.
Ég veit að þú og Jósef eruð
saman núna og þú hefur skilað
kveðjunni til hans og allra hinna
eins og við töluðum um. Elsku
tengdamamma, ég kveð með
miklum söknuði en einnig þakk-
læti fyrir allar góðu minningarnar
og allt sem þú hefur gert fyrir mig
og mína.
Líf þitt, vina, liðið er,
ljúfi Jesú fylgi þér.
Upp til himna, inn í sól
áttu þar þín næstu jól.
Kveðju stundin komin er,
kærar þakkir sendi hér.
Söknuðurinn svíður nú,
sjáumst aftur ég og þú.
(SSG)
Þinn tengdasonur
Sigurður Gestsson.
Elsku amma okkar.
Það verður tómlegt hér á hóln-
um án þín. Við eigum eftir að
sakna þín sárt og allra ánægju-
legu stundanna sem við höfum
fengið að njóta með þér. Við mun-
um sakna þess að geta ekki hlaup-
ið til þín og fengið afakexið góða
og við vitum að það mun aldrei
bragðast jafn vel án þín. Alltaf
þegar við sátum heima hjá þér í
ömmuhúsi og borðuðum afakex
var svo gaman að spila, prjóna og
spjalla við þig og hlusta á sögurn-
ar þínar og það sem þér fannst
skemmtilegt að segja frá. Við von-
um líka að það hafi verið ánægju-
legt að hitta hann afa okkar aftur
eftir öll þessi ár. Við eigum svo
sannarlega margar dásamlegar
minningar um þig og þeim mun-
um við aldrei gleyma.
Hvíldu í friði, elsku amma.
Þín barnabörn
Kara Hildur Axelsdóttir,
Birta Karen Axelsdóttir,
Jósef Orri Axelsson og
Tinna Margrét Axelsdóttir.
Vilborg Pedersen
 Fleiri minningargreinar
um Vilborgu Pedersen bíða
birtingar og munu birtast í
blaðinu næstu daga.
✝
Innilegar þakkir fyrir auðsýnda samúð og
hlýhug við andlát og útför elskulegrar móður
okkar og tengdamóður,
STEINÞÓRU ÞÓRISDÓTTUR.
Sérstakar þakkir til starfsfólks á dvalar- og
hjúkrunarheimilinu Grund fyrir góða umönnun
og hlýju.
Halldóra Halldórsdóttir Adler, Jeremy Adler,
Anna Birna Halldórsdóttir.
✝
Innilegar þakkir fyrir auðsýnda samúð og
vinarhug vegna andláts og útfarar okkar
elskulega föður, tengdaföður, afa og langafa,
DAVÍÐS GUÐMUNDSSONAR,
Hæðargarði 33, Reykjavík,
áður bónda í Miðdal í Kjós.
Fanney Þ. Davíðsdóttir,
Hulda Þorsteinsdóttir, Aðalsteinn Grímsson,
Kristín Davíðsdóttir, Gunnar Rúnar Magnússon,
Guðbjörg Davíðsdóttir,
Katrín Davíðsdóttir, Sigurður Ingi Geirsson,
Sigríður Davíðsdóttir, Gunnar Guðnason,
Guðmundur H. Davíðsson, Svanborg Anna Magnúsdóttir,
Eiríkur Davíðsson, Solveig Unnur Eysteinsdóttir,
afabörn og langafabörn.