Morgunblaðið - 28.12.2013, Blaðsíða 18

18 FRÉTTIRInnlent
MORGUNBLAÐIÐ LAUGARDAGUR 28. DESEMBER 2013
Funahöfði 1 | 110 Reykjavík
Sími 567 4840
www.bilo.is | bilo@bilo.is
Funahöfði 1 | 110 Reykjavík
Sími 580 8900 | bilalind.is
Fylgstu með okkur á facebook
Fylgstu með okkur á facebook
LANDROVER RANGE ROVERHSE
Árgerð 2005, ekinn 179 Þ.km,
bensín, sjálfskiptur, leður og allt!
Verð 4.390.000. Raðnr.283633
Hvíti jólajeppinn er í salnum!
HUMMERH3 SUV
Árgerð 2006, ekinn 107 Þ.KM,
bensín, sjálfskiptur, ABS, álfelgur.
Verð 2.990.000. Skipti skoðuð á
ódýrari. Rnr.151152
Óskum viðskiptavinum okkar og
landsmönnum öllum gleðilegrar hátíðar
Starfsmenn Glugga og Garðhúsa hf. óska
landsmönnum gleðilegra jóla
og farsældar á nýju ári
og þakka fyrir viðskiptin á því liðna.
www.solskalar.is
Smiðsbúð 10 • 210 Garðabær • Sími: 554 4300 • Fax: 564 1187
Gleðileg
Jól
Björn Jóhann Björnsson
bjb@mbl.is
Eigandi bílaleigunnar FairCar,
Bjarki Hallsson, hefur sent efnahags-
og viðskiptanefnd Alþingis bréf þar
sem farið er fram á að lögum um
vörugjald af innfluttum ökutækjum
verði breytt. Ný ákvæði laganna tóku
gildi fyrir um ári, þegar tekið var upp
sérstakt leyfisgjald fyrir bílaleigur til
að njóta lægri vörugjalda af ökutækj-
um.
Bjarki segir í erindinu að um mikla
mismunun hafi verið að ræða og með
breyttum lögum hafi stórum bílaleig-
um verið hyglað.
Breytingin var á þá leið að fyrir allt
að 35 innflutt ökutæki þarf að greiða
1.750 þúsund krónur, 3.750 þúsund
krónur fyrir 36-249 bíla og 6.750 þús.
kr. fyrir 250 bíla og fleiri. Eftir því
sem fleiri bílar eru fluttir inn, því
minna gjald er greitt fyrir hvern bíl,
ef bílaleigur ætla að njóta lækkunar á
vörugjöldunum.
Vegið að frjálsri samkeppni
Þetta er Bjarki ósáttur við og
bendir á að í sínu tilviki hafi hann flutt
inn 27 bíla á þessu ári og greitt um-
rætt gjald, eða 1.750 þúsund krónur,
sem gerir um 65 þúsund krónur á
hvern bíl. Á sama tíma hafi stór bíla-
leiga flutt inn 1.000 bíla og greitt
rúmar 6,7 milljónir fyrir það, eða
6.750 krónur á hvern bíl.
„Ef við hefðum greitt það sama á
hvert ökutæki og þeir greiddu þá
hefðum við þurft að borga 182 þúsund
krónur en ekki 1.750 þúsund krónur.
Mönnum þætti það óeðlilegt ef til
dæmis Atlantsolía þyrfti að greiða
hærri opinber gjöld hlutfallslega á
selda einingu en önnur stærri olíufé-
lög því það félag flytur inn og selur
minna magn,“ segir Bjarki og telur að
með breytingu á lögunum í fyrra hafi
Alþingi vegið að frjálsri samkeppni í
rekstri bílaleiga hér á landi.
Vonast hann til að núverandi
stjórnvöld „leiðrétti misgjörðir for-
vera sinna“. Bjarki hefur jafnframt
vakið athygli Samkeppniseftirlitsins
á málinu. Verið sé að mismuna fyr-
irtækjum í samkeppnisrekstri. Segir
hann margar aðrar minni bílaleigur
vera í sömu sporum og FairCar.
Geymt en ekki gleymt
Efnahags- og viðskiptanefnd Al-
þingis hefur móttekið erindi FairCar
en ekki tekið það fyrir á fundi. Pétur
H. Blöndal, varaformaður nefndar-
innar, segir þessa lagabreytingu um
vörugjöld hafa runnið í gegnum þing-
ið í fyrra á „einu korteri“.
„Það hefur verið gagnrýnt að litlar
bílaleigur eru þá að greiða meira fyrir
hvern bíl heldur en þær stóru. Laga-
breytingunni var ætlað að vinna gegn
því að við yrðum hér með hundrað
bílaleigur með örfáa bíla í rekstri,
menn vilja ekki sjá of litlar einingar,“
segir Pétur.
Spurður hvort hann sjái fyrir sér
að Alþingi breyti þessu á ný segir
Pétur ekkert ákveðið um það. „Þetta
var að mínu mati ekki sérlega sniðug
lagasetning. Hún var ákveðin með
stuttum fyrirvara og lítið rædd. Auð-
vitað á að gilda þarna hagkvæmni
stærðarinnar en ég veit ekki hvort
svona gjaldtaka eftir stærð er besta
leiðin til þess. Ég geri ráð fyrir að
þegar farið verði í að vinda ofan af öll-
um þeim sköttum sem settir voru í tíð
fyrri ríkisstjórnar, þá verði þetta eitt
af því. Þetta er geymt en ekki
gleymt,“ segir Pétur og bendir á að
síðasta ríkisstjórn hafi gert yfir 200
breytingar á skattalögum og þetta sé
ein af þeim.
Komið í veg fyrir misnotkun
Gunnar Valur Sveinsson hjá Sam-
tökum ferðaþjónustunnar (SAF) seg-
ir enga atvinnugrein kalla af sjálfs-
dáðum yfir sig auknar álögur og
eflaust sé það alltaf álitamál hvað sé
réttmætt og sanngjarnt í þeim efn-
um.
Bendir hann á að í tillögum til fjár-
laga fyrir árið 2013, sem lagðar voru
fram haustið 2012, hafi verið gert ráð
fyrir gríðarlegum hækkunum vöru-
gjalda á bílaleigur sem þó voru lítil-
lega mildaðar. Á móti kom leyfis-
gjaldið en Gunnar segir markmiðið
með því hafa verið að koma í veg fyrir
misnotkun á vörugjaldaafslætti.
„Í nýsamþykktum fjárlögum fyrir
árið 2014 gengur vörugjaldahækkun-
in árið 2013 að vissu leyti til baka en
það er skoðun SAF að bílaleigubílar
sem atvinnutæki eigi ekki að bera
vörugjöld yfirhöfuð. SAF hefur ávallt
haft öryggi ferðamanna og gæði þjón-
ustu að leiðarljósi enda fylgir því mik-
il ábyrgð að láta bíl í hendur ferða-
manna,“ segir hann.
Telur minni bílaleig-
um vera mismunað
 Eigandi FairCar sendir þinginu beiðni um að breyta lögum
 Þarf að greiða hærri gjöld til að njóta lægri vörugjalda
Morgunblaðið/Sigurður Bogi
Bílaleigur Lögum var breytt fyrir
um ári vegna innflutnings á bílum.
Gjald á innflutning
» Samtök ferðaþjónustunnar
mæltu með því að leyfisgjald
yrði tekið upp, frekar en afnám
undanþága frá vörugjöldum.
» Óttuðust samtökin að draga
myndi úr innflutningi, gjald-
skrár bílaleiga myndu hækka
og bílaleigur freistast til að
endurnýja flotann hægar.
Nýlega færði Sigurður H. Engil-
bertsson, formaður Lionsklúbbs
Seltjarnarness, fyrir hönd félaga
sinna í klúbbnum, Leikskóla Sel-
tjarnarness þrjár spjaldtölvur frá
Apple að gjöf, sem Soffía Guð-
mundsdóttir leikskólastjóri veitti
viðtöku. Af því tilefni komu börnin
saman í sal skólans og elstu börnin
sungu nokkur jólalög við undirleik
Sesselju Kristjánsdóttur söngkonu
og starfsmanns leikskólans.
Þetta er ekki í fyrsta skipti sem
Leikskóli Seltjarnarness fær stuðn-
ing frá Lionsmönnum því á síðasta
ári færðu þeir skólanum einnig
tvær spjaldtölvur að gjöf.
Það var hugmynd Ingibjargar
Jónsdóttur, sérkennslustjóra í leik-
skólanum, að leita til Lionsklúbbs-
ins um stuðning til tækjakaupa fyr-
ir skólann en spjaldtölvur henta
sérlega vel til sérkennslu. Einnig
eru þær notaðar í skráningar, til
gagnaöflunar á netinu og sam-
skipta við foreldra svo fátt eitt sé
nefnt.
Færðu leikskólanum
spjaldtölvur að gjöf
Samband íslenskra kristniboðs-
félaga (SÍK), í samstarfi við Póstinn,
hefur nú hafið söfnun á notuðum frí-
merkjum. Heiti verkefnisins er:
Hendum ekki verðmætum! Söfnunin
stendur til 31. janúar 2014 og er tek-
ið við frímerkjum og umslögum á
pósthúsum um land allt.
Á árinu 2013 skilaði frímerkja-
söfnun SÍK 2.787.993 kr.
Skorað er á einstaklinga og fyr-
irtæki að skila notuðum frímerkjum
í safnkassa sem eru á öllum póst-
húsum. Æskilegt er að fá frímerkin
á umslögum en einnig er tekið við
stökum frímerkjum. Allur ágóði
rennur til þróunarstarfs á sviði
menntunar barna, unglinga og full-
orðinna í Eþíópíu og Keníu.
Frímerkjum er einnig veitt mót-
taka allan ársins hring á skrifstofum
SÍK, Háaleitisbraut 58, og í Litla
húsinu, Glerárgötu 1, Akureyri.
Söfnun hafin á notuðum frímerkjum
STUTT